o le aiga o loo suesueina anomea a le Ekalesia

Punaoa Faaopoopo

O le tele o nei punaoa e mafai ona maua i le polokalama o le Potutusi a le Talalelei [Gospel Library app] ma i le ChurchofJesusChrist.org.

Viiga ma le Tusipese a Tamaiti

O musika paia e valaaulia ai le Agaga ma aoao atu ai aoaoga faavae i se ala e manatua pea. E faaopoopo i tusilolomi o Viiga ma le Tusipese a Tamaiti, e mafai ona e maua lipine faalogologo ma vitio o le tele o viiga ma pese a tamaiti i le music.ChurchofJesusChrist.org ma i le polokalama o le Sacred Music.

Tusi Lesona a le Seminare ma le Inisitituti

O tusi lesona a le seminare ma le inisitituti o loo maua ai talaaga faasolopito ma faamatalaga faaleaoaoga faavae mo mataupu faavae ma tala o loo maua i tusitusiga paia.

Mekasini a le Ekalesia

O mekasini o le Friend, New Era, Ensign, ma le Liahona o loo i ai tala ma gaoioiga e mafai ona faaopoopo i mataupu faavae o loo e aoao atu mai le Mataupu Faavae ma Feagaiga.

Autu o le Talalelei

I le Gospel Topics e mafai ona e maua ai faamatalaga faavae e uiga i autu eseese o le talalelei, faatasi ai ma sootaga i punaoa aoga, e pei o lauga o konafesi aoao e fesootai i ai, o tusiga, mau, ma vitio. E mafai foi ona e mauaina le Gospel Topics Essays, lea e maua ai tali auiliili i fesili faaleaoaoga faavae ma talafaasolopito.

Tala o le Mataupu Faavae ma Feagaiga

O Tala o le Mataupu Faavae ma Feagaiga o loo faaaoga ai ata ma gagana ua faafaigofieina e fesoasoani ai i tamaiti e aoao mai le Mataupu Faavae ma Feagaiga. E mafai foi ona e mauaina vitio o tala nei i le polokalama o le Gospel Library ma le Gospel Media Library i le ChurchofJesusChrist.org.

Tusi Valivali o Tala o Tusitusiga Paia: Mataupu Faavae ma Feagaiga

O lenei punaoa ua i ai itulau o gaoioiga ua mamanuina e faaleleia ai le aoao o tamaiti mai le Mataupu Faavae ma Feagaiga.

Vitio ma Faatufugaga

E mafai ona fesoasoani galuega o faatufugaga, vitio, ma isi ala o faasalalauga i lou aiga ia vaai faalemafaufau ai i le aoaoga faavae ma tala o loo maua i tusitusiga paia. Asiasi i le Gospel Media Library i le ChurchofJesusChrist.org e vaavaai ai i faaputuga a le Ekalesia o punaoa o ala o faasalalauga. O loo maua foi nei punaoa i le polokalama Gospel Media, ma o loo maua foi le tele o ata i le Gospel Art Book.

Faaaliga i Talaaga [Revelations in Context]

O Faaaliga i Talaaga [Revelations in Context]: O Tala i tua atu o Vaega o le Mataupu Faavae ma Feagaiga o se tuufaatasiga o tala tusia e uiga i le talafaasolopito ua siomia ai faaaliga o loo i le Mataupu Faavae ma Feagaiga. O le talaaga ua tuuina atu i lenei punaoa e mafai ona fesoasoani e te malamalama lelei ai i fetalaiga a le Alii o loo i le Mataupu Faavae ma Feagaiga atonu na faauigaina ai i uluai Au Paia o Aso e Gata Ai.

Au Paia

O le Au Paia o se talafaasolopito o le Ekalesia e tusi faatala e lua pe sili atu ona voluma. Voluma 1, O Le Tagavai o le Upumoni, ma le voluma 2, E Leai Se Lima Eleelea, ua aofia ai le periota lava lea e tasi o le talafaasolopito o le Ekalesia e pei foi o le Mataupu Faavae ma Feagaiga. O nei talafaasolopito e mafai ona e maua ai ni malamalamaaga loloto i le talaaga e faatatau i faaaliga o loo e suesueina i le Mataupu Faavae ma Feagaiga.

O Autu o le Talafaasolopito a le Ekalesia

O tusiga e tele e uiga i tagata, mea taua, fogālalolagi, ma mea na tutupu i le talafaasolopito o le Ekalesia, e mafai ona maua i le ChurchofJesusChrist.org/study/history/topics.

Aoao Atu i le Ala a le Faaola

O lea punaoa e mafai ona fesoasoani ia te oe e aoao ai ma faaaoga mataupu faavae o le aoao atu faapei o Keriso.