o le aiga o loo faitauina tusitusiga paia

Tesema 28–Ianuari 3

Mataupu Faavae ma Feagaiga 1

“Faalogo Maia, Outou e Tagata”

Mafaufau i le Mataupu Faavae ma Feagaiga 1 o le folasaga patino a le Alii i lenei tusi o Ana faaaliga o nei aso e gata ai. O le a le mea ua Ia manao ia e iloa e uiga i le Mataupu Faavae ma Feagaiga? Mafaufau loloto i lenei fesili, ma tusi i lalo soo se lagona uunai lea e oo mai a o e faitauina le vaega 1.

Tusifaamaumau Ou Lagona Uunai

I totonu o Novema 1831, faatoa tausaga ma le afa le matua o le Ekalesia a Iesu Keriso toefuataiina. E ui o loo tuputupu a’e, a o se vaega o e talitonu e le o ma iloaina i totonu o se nofoaga e le toatele ni tagata o nofoia o loo taitaia e se perofeta e luafesulu lima tausaga le matua. Ae na ta’ua e le Atua nei tagata talitonu o Ana auauna ma Ana avefeau, ma Ia mana’o i faaaliga na Ia tuuina atu ia i latou ina ia faailoa atu i le lalolagi.

Mataupu Faavae ma Feagaiga vaega 1 o le faatomuaga a le Alii i le tuufaatasia o nei faaaliga, ma o loo faaalia manino ai e ui lava e itiiti le aofai o tagata o le Ekalesia, e leai se mea itiiti e uiga i le savali na manao le Atua i Ana Au Paia e faasoa atu. O se “leo o le lapataiga” mo e uma “o nonofo i le lalolagi,” e aoaoina i latou ia salamo ma faavaeina le “feagaiga tumau-faavavau a le Atua” (fuaiupu 4, 8, 22). O auauna e tauaveina lenei savali o e “vaivai ma e faatauvaa,” a o ni auauna lotomaualalo o e o loo manaomia e le Atua--i le taimi lena ma i le taimi nei---e aumaia Lana Ekalesia “i fafo o le lē mailoa ma i fafo o le pouliuli” (fuaiupu 23, 30).

Mo faamatalaga faaopoopoga e uiga i talafaasolopito i tua o le Mataupu Faavae ma Feagaiga 1, tagai Au Paia, 1:140–43.

aikona o le suesuega faaletagata lava ia

Manatu mo Suesuega Faaletagata Lava Ia o Tusitusiga Paia

Mataupu Faavae ma Feagaiga 1

E valaaulia a’u e le Alii e “suesue i nei poloaiga.”

O upu tomua e faailoa atu ai se tusi. E iloa ai autu o se tusi ma faamoemoega ma fesoasoani i le au faitau e sauni e faitau. A o e faitau le vaega 1---o le “faatomuaga” a le Alii i le Mataupu Faavae ma Feagaiga (fuaiupu 6)---vaai mo autu ma faamoemoega a le Alii ua aumaia mo Ana faaaliga. O le a le mea ua e aoao mai le vaega 1 lea o le a fesoasoani ia te oe e maua le mea sili ona aoga mai lau suesueina o le Mataupu Faavae ma Feagaiga? Mo se faataitaiga, e mafai ona e manatunatu pe o le a le uiga o le “faalogo i le siufofoga o le Alii” i totonu o nei faaaliga (fuaiupu 14) po o le “suesue i nei poloaiga” (fuaiupu 37).

Tagai foi i le faatomuaga i le Mataupu Faavae ma Feagaiga.

Mataupu Faavae ma Feagaiga 1:1–6, 23-24, 37-39

E fetalai le Atua e ala mai i Ana auauna, ma o Ana upu o le a faataunuuina.

Vaega 1 e amata ma faaiu i le folafolaga a le Atua faapea e fetalai mai o Ia e ala mai i Ana auauna filifilia (tagai fuaiupu 4--6, 23--24, 38). Tusi i lalo mea ua e aoaoina mai i lenei faaaliga e uiga i le Alii ma Lona siufofoga. O a mea ua e aoaoina mai e uiga i auauna a le Alii? O anafea na e faalogo ai i le siufofoga o le Alii i le leo o Ana auauna? (tagai fuaiupu 38).

sauniga o konafesi aoao

Aoao mai tatou e perofeta ma aposetolo i poloaiga a le Atua.

Mataupu Faavae ma Feagaiga 1:3, 24--28, 31-33

Afai ou te lotomaualalo, o le aoaiga a le Alii e mafai ona taitai atu ai a’u ina ia salamo.

Ia iloa i totonu o le fuaiupu 3 ma fuaiupu 24-28, o loo faapea mai ai le Alii o agasala ma a latou sese o le a faailoaina. I se tasi o nei faataitaiga o se aafiaga e tiga ma faanoanoa ai, ma i se isi faataitaiga e faatonu ai. Aisea e matua eseese ai nei tulaga? Manatunatu i le ala na e tali atu ai ina ua e iloa o au agasala ma vaivaiga. O a uiga patino ua e maua i totonu o fuaiupu 24-28 lea e mafai ona fesoasoani ia te oe e tali atu i le ala sa’o? O a mea i nei fuaiupu faatasi ai ma fuaiupu 31–33, o loo aoaoina ai oe e uiga i le ala o loo silasila mai ai le Alii i ou vaivaiga ma agasala?

Tagai foi Faataoto 3:11-12; Eteru 12:27; Moronae 6:8.

Mataupu Faavae ma Feagaiga 1:12-30,35-36

Na toefuatai e le Alii Lana Ekalesia ia fesoasoani ia te a’u e feagai ma luitau o aso e gata ai.

E ui lava o loo lapatai mai le vaega 1 o le a oo mai aso faigata, a o loo i ai foi ma se savali faalototele: “o A‘u o le Alii, ona ua Ou iloa le malaia o le a oo mai i luga o e o nonofo i le lalolagi, na Ou vala‘au atu ai i luga o la‘u auauna o Iosefa Samita, Laitiiti, ma tautala atu ia te ia mai le lagi” (fuaiupu 17).

Manatua o malaia o loo lapatai mai ai le Alii (tagai, mo se faataitaiga, fuaiupu 13--16, 35). O a isi malaia o loo e iloaina i le lalolagi i nei ona po--po o i lou lava olaga? Fuaiupu 17–30 o loo faamatala ai po o a mea ua faia e le Alii mo oe a’o lumanai nei malaia. Mafaufau e fai se lisi o mea ua e maua.

aikona o le suesuega faaleaiga

Manatu mo Suesuega Faaleaiga o Tusitusiga Paia ma Afiafi Faaleaiga

Mataupu Faavae ma Feagaiga 1:1–6, 37–39.Mo le amatalia o se talanoaga e uiga i lapataiga mai le Alii, e mafai ona e talanoa e uiga i lapataiga ua tatou maua mai i isi e uiga i faigata e le o mafai ona tatou vaai iai--e pei o se foloa maseesee, se afa saua, po o se taavale o loo sau. O a mea ua aoao mai e nei faataitaiga ia i tatou e uiga i lapataiga a le Alii? E tusa ai ma le Mataupu Faavae ma Feagaiga 1:1–6, 37–39, o le a le ala ua lapatai ai tatou e le Alii? O le a le mea na Ia lapataiina ai tatou lata mai nei? Atonu e mafai ona e maimoa pe faitau se vaega o savali o konafesi aoao lata mai ma vaavaai mo faataitaiga o le “leo o le lapataiga” a le Atua.

Mataupu Faavae ma Feagaiga 1:16O le a le uiga o le e “faatu le amiotonu a le [Alii]”? E mafai faapefea ona faamautinoa o loo tatou faia lena, i nai lo le savavali “i [tatou] lava ala”?

Mataupu Faavae ma Feagaiga 1:30.O le a le uiga o le faapea mai o le Ekalesia “moni ma ola”? Ina ia amata ona mafaufau lou aiga e uiga i lenei fesili, atonu e mafai ona e faaali ia i latou ata o mea e ola ma mea e le o ola. E mafai foi ona outou talanoaina mea e mafai ona outou faia o se aiga e fesoasoani ai i le “aumai ai i fafo [le Ekalesia] mai le lē mailoa, ma i fafo o le pouliuli.”

Mataupu Faavae ma Feagaiga 1:37.Manatunatu e fuafua faatasi o se aiga le ala o le a outou “suesue i nei poloaiga’ o loo i totonu o le Mataupu Faavae ma Feagaiga i lenei tausaga. O le a le ala o le a e faia ia avea ai le suesueina o tusitusiga paia o se vaega e fai soo o le olaga faaleaiga? O a manatu suesue e mafai ona fesoasoani ia te oe e aoao mai ai mai tusitusiga paia? (Tagai “Manatu e Faaleleia ai la Outou Suesuega Faaleaiga o Tusitusiga Paia”” o loo i le amataga o le punaoa lenei.)

Mo nisi manatu mo le aoaoina atu o le fanau, tagai otootoga o lenei vaiaso i le Sau, Mulimuli Mai ia te A’u—Mo le Peraimeri.

Pese fautuaina: “Mulimuli i le Perofeta,” Tusipese a Tamaiti, 110–11, aemaise lava fuaiupu mulimuli.

Faaleleia o Suesuega Faaletagata Lava ia

Vaavaai mo Iesu Keriso. O le faamoemoega o tusitusiga paia o le molimau lea i le Faaola ma Lana talalelei. A o e faitau i le Mataupu Faavae ma Feagaiga 1, manatunatu e faailoga pe faailoga fuaiupu lea ua aoaoina ai oe e uiga ia Iesu Keriso.

Tusi o Poloaiga

O faaaliga muamua i le Ekalesia toefuataiina sa tuufaatasia i totonu o le Tusi o Poloaiga.