7--13 Ianuari

Mataio 1; Luka 1

“Ia faia ia te Au e tusa ma Lau Fetalaiga”

A o e faitau ma manatunatu loloto i le Mataio 1 ma le Luka 1, tusifaamaumau ou uunaiga e te mauaina. O a upumoni faaleaoaoga faavae ua e mauaina? O a savali o le a sili ona taua ia te oe ma lou aiga? E ono fesoasoani manatu e suesue ai o i lenei otootoga e te maua ai ni malamalamaaga faaopoopo.

Tusifaamaumau Ou Lagona Uunai

Mai se vaaiga faaleolaga nei, sa lei mafai. Sa le mafai ona maitaga se taupou. E le mafai foi e se fafine e pa o se ua te’a mamao tausaga e mafai ai ona fanauina ni fanau. Ae sa i ai se fuafuaga a le Atua mo le soifua mai o Lona Alo ma Ioane le Papatiso, o lea na tulagaese ai lava Maria ma Elisapeta mai le lalolagi uma, na avea ma tina. E mafai ona fesoasoani le manatuaina o o la’ua aafiaga faavavega pe a tatou fetaiai ma se mea e foliga mai e le mafai. Pe mafai ona tatou faatoilalo i o tatou vaivaiga? Pe mafai ona tatou pa’i atu i le loto o se tagata o le aiga e le o ano mai? Semanu e faigofie lava ia Kaperielu ona talanoa mai ia i tatou ina ua ia faamanatu atu ia Maria, “E leai lava se mea e tasi e le mafaia e le Atua” (Luka 1:37). O le tali foi a Maria e mafai ona avea ma a tatou pe a faaalia mai e le Atua Lona finagalo: “Ia faia ia te au e tusa ma lau fetalaiga” (Luka 1:38).

Manatu mo Suesuega Faaletagata Lava Ia

O Evagelia a Mataio ma le Luka

O ai Mataio ma Luka?

O Mataio o se telona Iutaia, po o se ao lafoga, lea sa valaauina e Iesu e avea ma se tasi o Ana Aposetolo (tagai Mataio 10:3; tagai foi Bible Dictionary, “Publicans”). Sa tusia faapitoa e Mataio lana Evagelia i tagata Iutaia; o le mea lea, sa ia filifili ai e faamamafa ia valoaga o le Feagaiga Tuai e uiga i le Mesia ia ua faataunuuina e ala i le soifuaga ma le galuega a Iesu.

O Luka o se fomai o nuuese (e le o se Iutaia) o le sa malaga faatasi ma le Aposetolo o Paulo. Sa ia tusia lana Evagelia ina ua mavae le maliu o le Faaola e faamuamua i se aofia e le o ni Iutaia. Sa ia molimau atu ia Iesu Keriso o le Faaola o Nuuese ma Iutaia. Sa ia tusifaamaumauina tala o molimautino o mea na tutupu i le soifuaga o le Faaola, ma sa ia tuu i ai ma nisi tala e aofia ai fafine pe a faatusatusa i isi Evagelia.

Tagai foi Bible Dictionary, “Gospels,” “Mataio” “Luka.”

Mataio 1:18–25; Luka 1:28–35

Aisea na manaomia ai ona soifua mai le Faaola i se tina faaletino, ma se Tama tino ola pea?

Sa faamalamalama mai e Peresitene Russell M. Nelson e faapea o le Togiola a Iesu Keriso, “sa manaomia ai se taulaga patino a se tagata tino ola pea e le mafai ona oti. Peitai e tatau ona Ia maliu ma toe faatuina mai Lona lava tino. Sa na’o le Faaola lava sa mafai ona ia faia lenei mea. Sa ia maua mai Lona tina faaletino le mana e maliu ai. Ae sa Ia maua mai Lona Tama le mana e manumalo ai i le oti” (“O Le Tumau i le Lotolotoi o Suiga,” Liahona, Nov. 1994, 39).

Luka 1:5--25, 57--80

O faamanuiaga a le Atua e oo mai i Lona lava taimi.

Pe o le a lava le mafuaaga, o le taimi a le Atua o lona uiga o le faamanuiaga na manaomia e Elisapeta ma Sakaria, o le maua o se atalii, na umi lava se taimi faatoa maua nai lo le mea sa la faamoemoeina. Afai e iai se taimi e te iloa ua tatau ona e faatali mo se faamanuiaga, pe foliga mai foi e le o faafofoga mai le Atua i au tatalo, e mafai ona avea le tala ia Elisapeta ma Sakaria ma se faamanatu e Na te le’i faagaloina oe. E i ai sana fuafuaga mo oe, ma Na te tausia lava e le aunoa Ana folafolaga i Ana Au Paia amiotonu. E pei ona sa folafola mai Elder Jeffrey R. Holland, “O nisi faamanuiaga e vave oo mai, o ni isi e tuai, a o nisi e le oo mai lava seia oo i le lagi, ae mo i latou o e taliaina le talalelei a Iesu Keriso, e oo mai” (“An High Priest of Good Things to Come,” Ensign, Nov. 1999, 38). Na faapefea ona tumau le faamaoni o Sakaria ma Elisapeta? (tagai Luka 1:5–25, 57–80). Pe ua i ai se taimi ua e faatalitali ai mo se faamanuiaga? O le a sou lagona i le mea ua faamoemoe mai le Alii ia te oe a o e faatalitali?

O a isi savali atonu o i ai i le Alii mo oe i lenei tala?

Ina ua mavae le faatalitali ma le faamaoni, sa faamanuiaina Elisapeta ma Sakaria i se atalii.

Mataio 1:18--25; Luka 1:26–38

E gauai atu ma le naunautai e faamaoni i le finagalo o le Atua.

E pei o Maria, o nisi taimi tatou te iloa ai e fai si ese o fuafuaga a le Atua mo o tatou olaga mai mea sa tatou fuafuaina. O le a se mea ua e aoaoina mai ia Maria e uiga i le taliaina o le finagalo o le Atua? I siata ia, tusi ai faamatalaga mai le agelu ma Maria (tagai Luka 1:26–38), faatasi ai ma savali e te mauaina mai a la faamatalaga:

O upu a le agelu ia Maria	O savali mo au
O upu a le agelu ia Maria “Ua ia te oe le Alii” (fuaiupu 28).	O savali mo au O loo silafia e le Alii lo’u tulaga ma o’u atugaluga.
O upu a le agelu ia Maria	O savali mo au
O upu a le agelu ia Maria	O savali mo au

O uiga na faaalia e Maria.	O savali mo au
O uiga na faaalia e Maria. “A faapefea le mea nei?” (fuaiupu 34).	O savali mo au E le afaina le fai o fesili pe a ou le malamalama.
O uiga na faaalia e Maria.	O savali mo au
O uiga na faaalia e Maria.	O savali mo au

A o e faitau e uiga i le faataitaiga amiotonu a Iosefa i le Mataio 1:18--25, o le a se mea ua e aoao mai ai e uiga i le taliaina o le finagalo o le Atua? O le a se mea e mafai ona e aoao mai aafiaga o Sakaria ma Elisapeta? (tagai Luka 1).

Tagai foi Mosaea 3:19; Luka 22:42; Helamana 10:4–5; Bible Dictionary, “Gabriel.”

Luka 1:46–55

Ua molimau mai Maria i le misiona a Iesu Keriso.

O upu a Maria i le Luka 1:46–55 ua muai ta’u mai ai itu o le misiona a le Faaola. O le a se mea ua e aoaoina mai e uiga ia Iesu Keriso mai faamatalaga a Maria? O a nisi malamalamaaga ua e maua mai e uiga i faamanuiaga o loo ofo mai e le Faaola pe a faatusatusa nei fuaiupu i upu a Hana i le 1 Samuelu 2:1–10 Faaamuia a Iesu o i le Mataio 5:4–12? O le a se mea o aoao atu ia te oe e le Agaga a o e manatunatu loloto i nei malamalamaaga?

Manatu mo Suesuega Faaleaiga o Tusitusiga Paia ma Afiafi Faaleaiga

A o faitauina ma lou aiga ia tusitusiga paia, e mafai ona fesoasoani le Agaga ia te oe ia iloa po o a mataupu faavae e famamafa ma talanoaina ina ia taulima ai manaoga o lou aiga. O ni nai fautuaga nei:

Mataio 1:1–17

A o faitau e lou aiga le gafa o Iesu, atonu e te faamatalaina atu faapea e tosi atu Lona gafa faatupu e ui atu ia Iosefa ma tau atu ai i tua i le Tupu o Tavita. O lea gafa e taua aua sa valoia faapea o le a afio mai le Mesia i le gafa o Tavita (tagai Ieremia 23:5–6). E mafai ona avea lea ma avanoa lelei e talanoaina ai lou lava talafaasolopito o lou aiga ma faasoa mai ni nai tala e uiga i ou augatuaa. E faamanuiaina faapefea lou aiga i le iloaina o le talafaasolopito o lou aiga?

Mataio 1:20; Luka 1:13, 30

Aise na faamata sa fefefe ai tagata o i nei fuaiupu? O a ni faapogai o lo tatou fefefe? Na mafai faapefea ona poloai mai le Atua ia i tatou e “aua le matatau”?

Luka 1:37

Ina ia fesoasoani i lou aiga e fausia le faatuatua faapea “e leai se mea e tasi e le mafaia e le Atua, e mafai ona outou sailiili faatasi i le Luke 1 ma sue mea na faia e le Atua e ono manatu i ai e le mafai. O a isi tala e mafai ona latou faasoa maia---mai tusitusiga paia po o o latou lava olaga---ia na faia ai e le Atua ni mea na matua foliga mai e le mafai? O le sailiili i le Tusi Ata o le Talalelei e mafai ona fesoasoani ai ia te i latou mo manatu.

Mo nisi manatu mo le aoaoina atu o le fanau, tagai i le otootoga o lenei vaiaso i le Sau, Mulimuli Mai ia te A’u—Mo le Peraimeri.

Faaleleia o Lo Tatou Aoao Atu

Faaaoga mau i o tatou olaga. A uma ona faitau se mau, valaaulia ia tagata o le aiga e faaaoga i o latou olaga (tagai Teaching in the Savior’s Way, 21). Mo se faataitaiga, e mafai faapefea ona tatou faaaogaina mea tatou te aoaoina e uiga i le tali atu i le valaau a le Faaola mai uiga na faaalia e tagata taitasi o i le Mataio 1 ma le Luka 1?

Amuia Oe i Fafine Uma, saunia e Walter Rane