Qaqa o Karisito vei Setani, mai vei Robert T. Barrett

Feperueri 4–10

Maciu 4; Luke 4–5

“Sa tu vei au na Yalo i Jiova”

Tekivu mai ni wiliki na Maciu 4 kei na Luke 4–5, ka vakarogoca vakamalua na rai vakayalo titobu o na ciqoma. Na vakasama ni vuli eso e tiko ena idusidusi oqo ena rawa ni vukei iko mo dusia eso na ivakavuvuli bibi ka tu ena veiwase oqo.

Vola na Nomu Veivakasama

Ni se cauravou, e kena i rairai ni ko Jisu e a sa vakila tu ni Nona duadua e dua na ilesilesi tabu. Ia ni se qai vakavakarau me tekivu na Nona cakacaka e vuravura, e sa segata na meca me tea na vakatitiqa ki na vakasama ni iVakabula.. “Kevaka ko sa Luve ni Kalou,” e kaya ko Setani (Luke 4:3, vakamatatataki). Seva ni na iVakabula e a veivosaki tiko kei Tamana mai Lomalagi. E kila na ivolanikalou, ka kila ko cei Ko Koya. Vei Koya, na isolisoli i Setani—“A lewa ni ka kece oqori ka’u na solia vei iko” (Luke 4:6)—e a waqa lala, ni Nona vakavakarau na iVakabula e Nona bula taucoko e vakatara Vua me ciqoma na “kaukauwa ni Yalotabu” (Luke 4:14) E yaco ni veitalia ga na veitemaki, na dredre, kei na biliraki, e a sega ni yavalati o Koya mai na Nona ilesilesi: “Sa dodonu me’u lako me’u tukuna na itukutuku-vinaka ni matanitu ni Kalou … ni sa ka oqo ka’u sa talai mai kina” (Luke 4:43).

Vakasama eso ni Vuli iVolanikalou Yadua

Maciu 4: 1–2

Na veivosaki kei na Kalou e vakarautaki au me’u qaravi Koya.

Me vakavakarau ki na Nona ilesilesi , e a lako o Jisu ki na lekutu “me tiko kei na Kalou” (iVakadewa nei Josefa Simici, Maciu 4:1 [ena Maciu 4:1, draunipepa e ra b]). Vakasamataka na cava o na cakava mo toro voleka kina Vua na Kalou. E vakarautaki iko vakacava na ka oqo ki na cakacaka e vinakata O Koya mo cakava?

Maciu 4:1-11; Luke 4:1-13

E a tuva o Jisu Karisito na ivakaraitaki vei au ena Nona vorata na veitemaki.

Ena so na gauna era dau ora na tamata ni ra dau temaki me ivalavala ca. Ia na iVakabula mada ga, ka bula “sega na nona cala” (Iperiu 4:15), e a temaki. E rawa ni vu ni vakacegu ni kilai ni baleta ni a sotava ka gumatua mai na veitemaki ko Karisito, e kila O Koya na veitemaki eda sotava ka rawa ni vukei keda meda gumatua vei ira (raica na Iperiu 2:18; Alama 7:11 - 12).

Ni ko wilika na Maciu 4:1–11 kei na Luke 4:1–13, na cava o vulica ka na rawa ni vukei iko ni o sotava na veivakatovolei? Ena rawa ni o tuva na nomu vakasama ena dua na tepeli vakaoqo:

Jisu Karisito	Au
Jisu Karisito O Setani e a temaki Jisu me cakava na cava? Vakayagataka Nona kaukauwa me mamau kina.	Au Na cava e temaki au kina o Setani me’u cakava?
Jisu Karisito Na cava a vakarautaka tu na Karisito me vorata na veitemaki? E a lolo; E a lako me la’ki tiko kei na Kalou; E kila na ivolanikalou.	Au E rawa vakacava ni’u vakavakarau me’u vorata na veitemaki?
Jisu Karisito	Au

Na ikuri ni raikiloma cava o rawata mai na iVakadewa i Josefa Simici ena Maciu 4? (raica na ivakamacala e ra ena wase taucoko ni Maciu 4).

Raica talega 1 Korinica 10:13; Alama 13:28; Mosese 1:10–2; “Temptation,” Gospel Topics, topics.lds.org.

Luke 4: 16–32

Sa i Jisu Karisito na Mesaia ka parofisaitaki.

Kevaka mo a kerei mo vakamacalataka se cava e a talai mai ki vuravura me mai cakava ko Jisu Karisito, na cava o na tukuna? Ena Luke 4:18–19, e a vakamacalataka na iVakabula eso na ivalavala ni Nona ilesilesi ena Nona cavuqaqataka e dua na parofisai nei Aisea baleta na Mesaia (raica Aisea 61:1–2). Na cava o vulica baleta Nona ilesilesi ni o wilika na veitikina oqo?

E vakadinadinataka o Jisu Karisito ni sa iKoya na Mesaia.

E dina ga ni ra sa waraka tu mai na Jiu me vica vata na senitiuri me vakayacori na parofisai i Aisea, e levu e a sega ni ciqoma ni sa i Jisu na Mesaia ni tukuna vei ira, “Ena siga oqo sa akayacori e daligamudou na iVola Tabu oqo” (Luke 4:21). Ni ko wilika na Luke 4:20–30 (raica talega Marika 6:1–6) tovolea mo biuti iko ki na vanua ni kai Nasareci. E dua beka na ka e rawa ni vakataotaka na nomu ciqomi Karisito taucoko me nomu iVakabula vakai iko?

Raica talega Mosaia 3:5 - 12; “Jesus Declares He is the Messiah” (video, LDS.org).

Maciu 4:18–22; Luke 5:1–11

Ni’u sa ravi vua na Turaga, ena rawa ni vukei au O Koya me’u rawata na noqu iyacoyaco vakalou.

E vakatavulica o Peresitedi Ezra Taft Benson, “O ira na tagane kei na yalewa era solia na nodra bula vua na Kalou era na kunea ni o Koya ena rawa ni cakava e levu sara na ka ena nodra bula mai na nodra sasaga ga vakai ira.” (Nodra iVakavuvuli na Peresitedi ni Lotu: Ezra Taft Benson [2014], 42). Oqo na ka a yaco vei Pita kei rau na nona itokani dauqoli. E vukei rau o Jisu me rau vakadeitaka ni rau rawa ni cakava e levu cake na ka mai na rawa ika—e rawa ni rau “gonedau ni tamata” (Maciu 4:19; raica talega Luke 5:10). Me vukei rau me raica oqo,e vakayagataka o Jisu na ka sotavi ka matau vei rau.

Na gauna cava o sa bau vakila kina na kaci ni iVakabula mo muri Koya? E rawa ni ko vakaraitaka vakacava ni ko sa yalorawarawa mo “[biuta] na ka kecega” (Luke 5:11) ka muri Koya? Vakanananutaka na veitaro oqo ni ko wilika na Maciu 4:18–22 kei na Luke 5:1–11.

Raica talega “Muri Au Mai,” Serenilotu, na. 116.

Eso na Vakasama me baleta na Vuli iVolanikalou Vakavuvale kei na Lotu Vakavuvale ena Moniti

Ni o wilika na ivolanikalou kei na nomu vuvale, ena rawa ni vukei iko na Yalo mo kila na ivakavuvuli cava mo vakabibitaka ka veivosakitaka me rawa ni sotavi kina na gagadre ni nomu vuvale. Oqo eso na vakatutu:

Maciu 4:1-2; Luke 4:1-2

E a lolo tiko mai ko Jisu ni bera ni mai temaki Koya na meca. Na raikiloma cava eda na rawata mai na itukutuku oqo mai na kaukauwa ni lolo. Na itukutuku ena “Fasting and Fast Offerings,” Gospel Topics, topics.lds.org ena rawa ni vukei iko mo liutaka e dua na veitalanoa ni matavuvale me baleta na lolo. E rawa ni ko sureti ira na lewe ni vuvale me ra wasea na ka era sotava ena lolo. E rawa beka ki na nomu matavuvale me masulaki na ituvatuva mo dou lolo vata ena dua na inaki matata.

Maciu 4:3-4; Luke 4:3-4

Ni sa temaki Karisito o Setani me vukica na vatu me madrai, e sa bolea kina na itutu vakalou i Karisito ena nona kaya, “Kevaka ko sa Luve ni Kalou” (Maciu 4:3, vakuri ena vosakala). E dau tovolea vakacava o Setani meda vakatitiqataka na noda itutu vakalou? E tovolea vakacava me vakayacora oqo? (Raica talega Mosese 1:10–23.)

iVakadewa i Josefa Simici, Maciu 4:11

Ni sa vakatovolei oti vakayago ka vakayalo ko Jisu, sa vagolea na Nona vakasama ki na gagadre nei Joni na Dauveipapitaisotaki, ka a tiko mai valeniveivesu: “Ia oqo ni sa kila ko Jisu ni sa biu ki valeniveivesu ko Joni, sa tala yani eso na agillosi, ka, raica, era sa lako mai ka veiqaravi vei koya [Joni] iVakadewa i Josefa Simici, Maciu 4:11 [ena Maciu 4:11 a). Eda vakalougatataki vakacava ena noda muria na ivakaraitaki i Karisito meda nanumi ira mada na tani ni se bera ko ikeda? E rawa vakacava ni da vakamuria na Nona ivakaraitaki?

Luke 4: 16–21

Eda kila beka e dua e loloma bibi se gadreva me “sere me galala”? Luke 4:18 Eda na vukei ira rawa vakacava na tani me ra rawata na veivakabulai kei na veisereki ni iVakabulai? Ena rawa ni ko veitalanoataka na kena rawa ni vukea na “sereki vei ira na bobula” na vakayacori ni cakacakatabu ni valetabu (Luke 4:18).

Me ikuri ni tukutuku ni vakavulici ni gone, raica na idusidusi ni macawa oqo ena Lako Mai, Mo Muri Au—Me Baleta na Lalai.

Vakatorocaketaki ni Noda Veivakavulici

Bulataka na kosipeli i Jisu Karisito. “E rairai ni ka bibi duadua o rawa ni cakava [vakaitubutubu se qasenivuli] o ya … mo bulataka na kosipeli ena yalomu taucoko. … Oqo na sala liu mo rawata kina na veitokani ni Yalo Tabu. E sega ni gadrevi mo vinaka taucoko, mo tovolea ga vagumatua—ka vakasaqara na veivosoti ena Veisorovaki ni iVakabula ena gauna ga o lutu kina” (Teaching in the Savior’s Way, 13).

The Call, by Jorge Cocco