« ថ្ងៃទី ១១–១៧ ខែ កុម្ភៈ ។ យ៉ូហាន ២–-៤ ៖ ‹ អ្នករាល់គ្នាត្រូវតែកើតជាថ្មី › »ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ព្រះគម្ពីរសញ្ញាថ្មី ឆ្នាំ ២០១៩( ឆ្នាំ ២០១៩ )
« ថ្ងៃទី ១១–១៧ ខែ កុម្ភៈ ។ យ៉ូហាន ២–៤ »ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ឆ្នាំ ២០១៩
ថ្ងៃទី ១១–១៧ ខែ កុម្ភៈ
យ៉ូហាន ២–៤
« អ្នករាល់គ្នាត្រូវតែកើតជាថ្មី »
នៅពេលអ្នក អានយ៉ូហាន ២–៤ព្រះវិញ្ញាណនឹងបង្រៀនអ្នកនូវរឿងទាំងឡាយអំពីការប្រែចិត្តជឿរបស់អ្នកផ្ទាល់ ។ ចូរកត់ចំណាំ អំពីការបំផុសគំនិតរបស់ទ្រង់ ។ អ្នក អាចរកឃើញគំនិតខាងវិញ្ញាណបន្ថែមទៀតមកពីគំនិតយោបល់ការសិក្សានៅ ក្នុងគម្រោងនេះ ។
កត់ត្រាចំណាប់អារម្មណ៍របស់បងប្អូន
នៅឯពិធីជប់លៀងក្នុងពិធីរៀបការមួយនៅ ស្រុកកាណា ព្រះគ្រីស្ទបានប្រែទឹកក្លាយទៅជាស្រា—ជាព្រឹត្តការណ៍មួយដែលយ៉ូហានហៅថា « ទីសម្គាល់មុនដំបូង » ។( យ៉ូហាន ២:១១ ) ។ នោះគឺ ជាការពិតតាមរបៀបជាច្រើន៖ ខណៈដែលវាគឺជាអព្ភូតហេតុជាលើកទីមួយ នោះព្រះយេស៊ូវបានធ្វើជាសាធារណៈ វាក៏អាចជានិមិត្តរូបនៃការចាប់ផ្ដើមនូវអព្ភូតហេតុផ្សេងទៀត—ជាដំណើរការដែលដួងចិត្តរបស់យើងត្រូវបានផ្លាស់ប្រែ នៅពេលយើងប្រែក្លាយកាន់តែដូចជាព្រះអង្គសង្គ្រោះរបស់យើង ។ អព្ភូតហេតុក្នុងជីវិតនេះ ចាប់ផ្ដើមដោយការសម្រេចចិត្តដើម្បីដើរតាមព្រះយេស៊ូវគ្រីស្ទ ដើម្បីផ្លាស់ប្ដូរ ហើយរស់នៅក្នុងជីវិតល្អប្រសើរតាមរយៈទ្រង់ ។ នៅទីបំផុត ការផ្លាស់ប្ដូរនេះអាចប្រែក្លាយទៅជាពេញលេញ ដែលក្លាយជា « កើតជាថ្មី » គឺជារបៀបមួយដ៏ល្អ បំផុតដើម្បីពិពណ៌នាអំពីវា (យ៉ូហាន ៣:៧) ។ ប៉ុន្តែការកើតជាថ្មី គឺគ្រាន់តែជាការចាប់ផ្ដើមនៃផ្លូវភាពជាសិស្សប៉ុណ្ណោះ ។ ព្រះបន្ទូលរបស់ព្រះគ្រីស្ទទៅកាន់ស្ត្រីសាសន៍សាម៉ារី នៅ ឯអណ្ដូងទឹក រំឭកយើងថា បើយើងបន្ដនៅ លើផ្លូវនេះ នៅទីបំផុតដំណឹងល្អ នឹងប្រែក្លាយជា « អណ្ដូងទឹក » នៅក្នុងខ្លួនយើង « រន្ធទឹក »នៅក្នុងយើងនោះ ដែលផុសឡើងដល់ទៅបានជីវិតអស់កល្បជានិច្ច » ( យ៉ូហាន ៤:១៤ ) ។
គំនិតយោបល់សម្រាប់ការសិក្សាព្រះគម្ពីរផ្ទាល់ខ្លួន
ព្រះចេស្តារបស់ព្រះយេស៊ូវគ្រីស្ទអាចផ្លាស់ប្ដូរខ្ញុំ ។
នៅពេលអ្នកអានអំពីព្រះអង្គសង្គ្រោះប្រែទឹកទៅជាស្រានៅ ក្នុងយ៉ូហាន ២:១–១១តើអ្នកទទួលបានគំនិតអ្វីខ្លះអំពីព្រះចេស្ដានៃព្រះគ្រីស្ទដើម្បីផ្លាស់ប្ដូរអ្នក ?
អ្នកអាចទទួលបានគំនិតបន្ថែមតាមការពិចារណាអំពីទស្សនវិស័យអំពីមនុស្សផ្សេងៗដែលនៅ ទីនោះ ដូចជាម៉ារី ជាពួកសិស្ស និងអ្នកដទៃទៀត ។ តើមនុស្សទាំងនេះមានបទពិសោធន៍អំពីអព្ភូតហេតុយ៉ាងដូចម្ដេច ? អ្នកអាចប្រៀបធៀបនូវអ្វីដែលអ្នករៀនអំពីអព្ភូតហេតុនៅ ក្នុងខគម្ពីរទាំងនេះជាមួយនឹងអ្វីដែលព្រះយេស៊ូវគ្រីស្ទ បានបង្រៀននីកូដេម ( សូមមើលយ៉ូហាន ៣:១–៨)និងស្ត្រីនៅ ឯអណ្ដូងទឹក ( សូមមើលយ៉ូហាន ៤:៣–២៦ ) ។
ខ្ញុំត្រូវកើតជាថ្មីដើម្បីចូលក្នុងនគររបស់ព្រះ ។
នៅពេលនីកូដេមបានមករកព្រះយេស៊ូវជាឯកជនគាត់គឺជាអ្នកសង្កេតមើលយ៉ាងប្រុងប្រយ័ត្ន ។ ទោះជាយ៉ាងណាក៏ដោយ ក្រោយមក គាត់បានការពារព្រះយេស៊ូវជាសាធារណៈ ( សូមមើលយ៉ូហាន ៧:៤៥–៥២ ) ហើយចូលរួមនឹងពួកអ្នកជឿនៅ ឯទីបញ្ចុះព្រះសពរបស់ព្រះអង្គសង្គ្រោះ ( សូមមើលយ៉ូហាន ១៩:៣៨–៤០) ។ តើអ្នករកឃើញការបង្រៀនអ្វីខ្លះនៅក្នុងយ៉ូហាន ៣:១–២១ដែល អាចបំផុសគំនិតនីកូដេមដើម្បីធ្វើតាមព្រះយេស៊ូវ ហើយត្រូវបានកើតឡើងវិញ ?
ព្យាការីយ៉ូសែប ស្ម៊ីធ បានបង្រៀនថា « ការកើតជាថ្មីកើតមកពីព្រះវិញ្ញាណនៃព្រះ តាមរយៈពិធីបរិសុទ្ធ » ( Teachings of Presidents of the Church:Joseph Smith[ ឆ្នាំ ២០០៧ ], ទំព័រ ៩៥ ) ។ តើតួនាទីនៃបុណ្យជ្រមុជទឹក ( ការ« កើតពីទឹក » [ យ៉ូហាន៣:៥ ] ) និងការបញ្ជាក់ ( ការកើត « ពីវិញ្ញាណ » [ យ៉ូហាន ៣:៥ ] ) ដើរតួយ៉ាងណានៅក្នុងការកើតជាថ្មី ? តើអ្នកកំពុងធ្វើអ្វីខ្លះដើម្បី បន្ដនៅ ក្នុងដំណើរការនៃការផ្លាស់ប្ដូរនេះ ? ( សូមមើល អាលម៉ា ៥:១១–១៤ ) ។
សូមមើលផងដែរ ម៉ូសាយ ៥:៧ ២៧:២៥–២៦ « Salvation » Gospel Topics topics.lds.org ដេវីឌ អេ បែដណា « Ye Must Be Born Again » Ensign ឬ លីអាហូណា ខែ ឧសភា ឆ្នាំ ២០០៧ ទំព័រ ១៩–២២ ។
ព្រះវរបិតាសួគ៌បង្ហាញសេចក្ដីស្រឡាញ់របស់ទ្រង់ចំពោះខ្ញុំតាមរយៈព្រះយេស៊ូវគ្រីស្ទ ។
អែលឌើរ ជែហ្វ្រី អ័រ ហូឡិន បានបង្រៀនថា « សេចក្តីពិតដ៏មហិមាបំផុត នៃគ្រប់ទាំងភាពអស់កល្បជានិច្ច គឺថាព្រះស្រឡាញ់យើងដោយអស់ពីដួងចិត្ត គំនិត និងពលំរបស់ទ្រង់ » ( « Tomorrow the Lord Will Do Wonders among You »Ensignឬលីអាហូណាខែ ឧសភា ឆ្នាំ ២០១៦ ទំព័រ ១២៧ ) ។ តើអ្នកទទួលដឹងសេចក្ដីស្រឡាញ់របស់ព្រះតាមរយៈអំណោយនៃព្រះរាជបុត្រារបស់ទ្រង់យ៉ាងដូចម្ដេច ?
សាក្រាម៉ង់ផ្ដល់ជាពេលមួយដើម្បីនឹកគិតអំពីសេចក្ដីស្រឡាញ់របស់ព្រះ និងអំណោយទានជាព្រះរាជបុត្រារបស់ទ្រង់ ។ តើទំនុកតម្កើងជួយអ្នកទទួលអារម្មណ៍នៃសេចក្ដីសឡាញ់នេះយ៉ាងណាខ្លះ ? សូមពិចារណាធ្វើការមើលវីដែអូអំពីក្រុមចម្រៀងរោងឧបោសថមរមន ច្រៀងបទ « ខ្ញុំឆ្ងល់យ៉ាងអស្ចារ្យ » ។ (LDS.org) ។ តើអ្នកអាចធ្វើអ្វីខ្លះដើម្បីធ្វើឲ្យពិធីសាក្រាម៉ង់ កាន់តែមានអត្ថន័យ ?
តើព្រះជាវិញ្ញាណមួយឬ ?
មនុស្សមួយចំនួនអាចនឹងភាន់ច្រឡំដោយសេចក្ដីថ្លែងរបស់ព្រះយេស៊ូវថា ព្រះគឺជាវិញ្ញាណ ។ ការបកប្រែរបស់យ៉ូសែប ស្ម៊ីធអំពីខគម្ពីរនេះផ្ដល់នូវការបញ្ជាក់អះអាងយ៉ាងសំខាន់មួយ៖ « ចំពោះអស់អ្នកដែលបានធ្វើដូច្នោះ នោះព្រះបានសន្យានឹងប្រទានព្រះវិញ្ញាណ របស់ទ្រង់ » ( យ៉ូហាន ៤:២៤ លេខយោងក ) ។ វិវរណៈសម័យទំនើបក៏បង្រៀនផងដែរថា ព្រះមានរូបកាយសាច់ និងឆ្អឹង ( សូមមើលគ និង ស ១៣០:២២–២៣សូមមើលផងដែរលោកុប្បត្តិ ៥:១–៣,ហេព្រើរ ១:១–៣) ។
ព្រះគ្រីស្ទបានប្រទានទឹករស់របស់ទ្រង់ដល់ខ្ញុំ ។
តើព្រះយេស៊ូវចង់មានន័យយ៉ាងណា ពេលទ្រង់ប្រាប់ដល់ស្ត្រីសាសន៍សាម៉ារីថាតែអ្នកណាដែលផឹកទឹកខ្ញុំឲ្យ នោះនឹងមិនស្រេកទៀតឡើយ ? តើដំណឹងល្អដូចជាទឹករស់យ៉ាងដូចម្ដេច ?
ដំណឹងល្អរបស់ព្រះគ្រីស្ទគឺជាទឹករស់ដែលបីបាច់ដល់ព្រលឹងរបស់យើង ។
សារលិខិតមួយរបស់ព្រះអង្គសង្គ្រោះទៅដល់ស្ត្រីសាសន៍សាម៉ារី គឺថារបៀបដែលយើងថ្វាយបង្គំគឺសំខាន់ជាងកន្លែងដែលយើងថ្វាយបង្គំ ( សូមមើលយ៉ូហាន ៤:២១–២៤) ។ តើអ្នកធ្វើអ្វីខ្លះដើម្បី « ថ្វាយបង្គំព្រះវរបិតាដោយវិញ្ញាណ និងសេចក្តីពិត » ? ( យ៉ូហាន ៤:២៣ ) ។
សូមមើលផងដែរ សេចក្ដីណែនាំដល់បទគម្ពីរទាំងឡាយ, « Worship » ឌីន អិម ដេវីស « The Blessings of Worship » Ensign ឬ លីអាហូណា ខែ វិច្ឆិកា ឆ្នាំ ២០១៦ ទំព័រ ៩៣–៩៥ ) ។
គំនិតយោបល់សម្រាប់ការសិក្សាព្រះគម្ពីរជាគ្រួសារ និងរាត្រីជួបជុំក្រុមគ្រួសារ
នៅពេលអ្នកអានគម្ពីរជាមួយនឹងគ្រួសាររបស់អ្នក នោះព្រះវិញ្ញាណអាចជួយអ្នកស្គាល់ថាគោលការណ៍អ្វីដែលត្រូវគូសបញ្ជាក់ និងពិភាក្សាដើម្បីបំពេញតាមតម្រូវការរបស់គ្រួសារអ្នក ។ នេះ គឺជាការផ្ដល់យោបល់មួយចំនួន ៖
នៅពេលគ្រួសាររបស់អ្នកអានជំពូកទាំងនេះក្នុងសប្ដាហ៍នេះ សូមផ្ដោតយកចិត្តទុកដាក់ជាពិសេសទៅលើរបៀបដែលព្រះអង្គសង្គ្រោះប្រើអ្វីៗក្នុងជីវិតប្រចាំថ្ងៃ—កំណើត ខ្យល់ ទឹក និងអាហារ—ដើម្បីបង្រៀនអំពីសេចក្ដីពិតខាងវិញ្ញាណ ។ តើវត្ថុអ្វីខ្លះនៅ ក្នុងផ្ទះរបស់អ្នក ដែលអ្នកអាចប្រើដើម្បីបង្រៀនអំពីសេចក្ដីពិតខាងវិញ្ញាណ ?
នៅពេលអ្នកចៀសវាងពីរឿងដែលនឹងធ្វើឲ្យគេហដ្ឋានរបស់អ្នកមិនស្អាតស្អំទាំងខាងសាច់ឈាម និងខាងវិញ្ញាណ វាអាចក្លាយជាកន្លែងបរិសុទ្ធមួយ—ដូចជាព្រះវិហារបរិសុទ្ធ ។ តើគ្រួសារអ្នកចាំបាច់ត្រូវចៀសវាងពីអ្វីខ្លះកុំឲ្យមានក្នុងផ្ទះអ្នក ដើម្បីវានឹងក្លាយជាកន្លែងពិសិដ្ឋមួយនោះ ? តើអ្នកនឹងធ្វើអ្វីខ្លះដើម្បីចៀសវាងពីរឿងទាំងនោះ ?
ចូរសុំឲ្យសមាជិកគ្រួសារគិតអំពីអព្ភូតហេតុនៃការពរពោះ និងការផ្ដល់កំណើត—ដំណើរការនៃការបង្កើតតួអង្គមានជីវិត មានចលនា ហើយមានបញ្ញា ។ ព្រះគ្រីស្ទបានបង្រៀនថា យើងត្រូវតែកើតជាថ្មីពីមុនចូលទៅក្នុងនគររបស់ព្រះ ។ ហេតុអ្វីការកើតជាថ្មីគឺជាការប្រៀបធៀបដ៏ល្អមួយសម្រាប់ការផ្លាស់ប្ដូរដែលតម្រូវពីយើង ពីមុនយើងអាចចូលទៅក្នុងនគររបស់ព្រះ ? តើយើងមានបទពិសោធន៍អំពីដំណើរការនៃការកើតជាថ្មីខាងវិញ្ញាណដោយរបៀបណា ?
សូមអញ្ជើញសមាជិកគ្រួសារឲ្យថាខគម្ពីរនេះឡើងវិញតាមពាក្យរបស់ពួកគេផ្ទាល់ ដូចជាពួកគេកំពុងពន្យល់វាទៅមិត្តម្នាក់ ។ តើព្រះគ្រីស្ទបានជួយយើងឲ្យទទួលដឹងពីសេចក្ដីស្រឡាញ់របស់ព្រះនៅ ក្នុងជីវិតរបស់យើងយ៉ាងដូចម្ដេច?
តើ ព្រះអង្គសង្គ្រោះកំពុងបង្រៀនយើងនៅពេលទ្រង់ប្រៀបធៀបដំណឹងល្អរបស់ទ្រង់ទៅនឹងទឹករស់យ៉ាងណាខ្លះ ? សូមពិចារណាលើកពែងទឹកមួយឡើង ហើយសុំដល់សមាជិកគ្រួសារអ្នកឲ្យពិពណ៌នាអំពីគុណភាពទឹក ។ ហេតុអ្វីយើងត្រូវការទឹកទទួលទានប្រចាំថ្ងៃ ? ហេតុអ្វីព្រះយេស៊ូវគ្រីស្ទ ប្រៀបធៀបដំណឹងល្អរបស់ទ្រង់ទៅនឹង « រន្ធទឹកនៅក្នុងអ្នកនោះ ដែលផុសឡើងដល់ទៅបានជីវិតអស់កល្បជានិច្ច »ដូច្នេះ ? (យ៉ូហាន ៤:១៤ ) ។
សម្រាប់គំនិតបន្ថែមដើម្បីបង្រៀនកុមារ សូមមើល គម្រោងមេរៀនសប្ដាហ៍នេះ នៅក្នុង ចូរមកតាមខ្ញុំ—សម្រាប់ថ្នាក់អង្គការបឋមសិក្សា ។
ការកែលម្អដល់ការសិក្សាផ្ទាល់ខ្លួន
សូមស្វែងរក និមិត្តសញ្ញា ។ ជាញឹកញាប់ ព្រះគម្ពីរប្រើកម្មវត្ថុ ព្រឹត្តិការណ៍ សកម្មភាព ឬការបង្រៀនដើម្បីតំណាងឲ្យសេចក្ដីពិតខាងវិញ្ញាណ ។ និមិត្តសញ្ញាទាំងនេះ អាចពង្រីកការយល់ដឹងរបស់អ្នកអំពីគោលលទ្ធិដែលត្រូវបានបង្រៀន ។ ឧទាហរណ៍ ព្រះអង្គសង្គ្រោះបានប្រៀបប្រដូចការប្រែចិត្តជឿទៅនឹងការកើតជាថ្មី ។
ទឹករស់ ដោយ ស៊ីម៉ូន ឌីវី