“18–24 ni Noveba. Jemesa: ‘Mo Cakacakataka na Vosa, ka Kakua ni Rogoca Walega’” Lako Mai, Mo Muri Au—Me Baleti Ira na Tamata Yadua kei na Matavuvale: Veiyalayalati Vou 2019 (2019)
“18–24 ni Noveba. Jemesa,” Lako Mai, Mo Muri Au—Me Baleti Ira na Tamata Yadua kei na Matavuvale: 2019
O Eparama ena Buca o Mamire, maivei Grant Romney Clawson
18–24 ni Noveba.
Jemesa
“Mo Cakacakataka na Vosa, ka Kakua ni Rogoca Walega”
Ni o wilika na iVola i Jemesa, vakaraica matua na veimalanivosa ena votu mai vei iko, ka vola toka. O sa vakauqeti vakacava mo bulataka na veidina oqo?
Vola na Veika o Vakauqeti Kina
Eso na gauna e dua ga na tiki ni ivolanikalou sa rawa ni veisautaka na vuravura. Jemesa 1:5 e veivakasalataki toka vakarawarawa—kevaka o gadreva na vuku, kerea vua na Kalou. Ia na gauna a wilika kina o Josefa Simici na tikina oqo ni se yabaki 14, “e laubasikata vakalevu sara na veitiki ni yalo[na]” (Josefa Simici—Ai Tukutuku 1:12). Ni sa vakauqeti, a cakacakataka sara o Josefa na veidusimaki i Jemesa ka vakasaqara na vuku mai vua na Kalou ena masumasu. Ka sa sega dina ni veivakadirideini na Kalou, ena nona donuya o Josefa e dua na veisiko vakalomalagi vakasakiti duadua ena itukuni ni bula vakatamata—na Matai ni Raivotu. Na raivotu oqo e veisautaka saraga na ituvatuva ni bula i Josefa ka sa muataki ki na Veivakalesuimai ni Lotu i Jisu Karisito e vuravura. Eda sa vakalougatataki taucoko tu nikua baleta ni a wilika ka cakacakataka o Josefa Simici na Jemesa 1:5.
Na cava o na raica ni o vulica na iVola i Jemesa? De na rawa beka ni veisautaki iko se na nomu daulomani e dua se rua na tikina. O na kunea beka na veidusimaki ni o sasagataka mo qarava vakaoti na nomu ilesilesi ni bula. O na kunea beka na veivakauqeti mo vosa vinaka se dau vosota vakalevu cake. Se cava ga e vakauqeti iko, laiva na veivosa oqori me “laubasikata … na veitiki ni yalo[mu].” Nanuma tiko “ka vakabauta ena yalomalua na vosa,” me vaka e vola o Jemesa, “sa vakabula rawa na yalomudou” (Jemesa 1:21).
Vakasama eso ni Vuli iVolanikalou Yadua
O cei o Jemesa?
E sa vakadinati raraba tu ni o koya e vola na iVola i Jemesa e a luvei Meri, na tinai Jisu Karisito, ka sa mai tacina vakacabecabe na iVakabula. E cavuti tiko o Jemesa ena Maciu 13:55; Marika 6:3; Cakacaka 12:17; 15:13; 21:18; kei na Kalatia 1:19; 2:9. E laurai mai na veivolanikalou oqo ni o Jemesa a dua na iliuliu ni Lotu mai Jerusalemi ka sa kacivi me dua na iApositolo (raica na Kalatia 1:19).
Na vosota vakadede e kauti keda ki na veika uasivi.
“Na noda wawa toka vakabalavu e rawa ni dau dredre,” Peresitedi Dieter F. Uchtdorf. E vakavulica na Uchtdorf. “Eda vinakata na ka eda vinakata, ka da vinakata saraga oqo. Sai koya oya e rawa ni dau logaloga ca na vakasama ni vosota vakadede” (Toso Tikoga ena Vosota,” Ensign se Liaona, Me 2010, 56). Ni wiliki oti na Jemesa 1:2–4; 5:7–11, na cava o rawa ni tukuna sa itukutuku bibi i Jemesa me baleta na dauvosota? Na ikuri ni rai titobu cava soti e tiko vei iko ni oti na wiliki ni vo ni itukutuku nei Peresitedi Uchtdorf? O rawa ni vakaraitaka vakacava vua na Turaga ni ko sa lomasoli mo dauvosota?
Jemesa 1:3–8, 21–25; 2:14–26; 4:17
Na vakabauta sa gadrevi kina na cakacaka.
O kila vakacava kevaka o sa vakabauti Jisu Karisito? E vakaraitaka vakacava na nomu vakabauta na Kalou na nomu cakacaka? Vakasamataka na veitaro oqo ni o vulica na ivakavuvuli i Jemesa me baleta na vakabauta. Ena rairai veivakidroataki me wiliki talega na veika baleti Eparama kei Reapi, e rua na ivakaraitaki e tukuna o Jemesa (raica na Nai Vakatekivu 22:1–12; Josua 2). E rau vakaraitaka vakacava ni rau sa vakabauta na Kalou?
Na wiliki ni Jemesa 1:3–8, 21–25; 2:14–26; 4:17 ena rawa ni vukei iko ni vakasamataka na sala eso o na rawa ni vinaka cake kina ni cakacakataka na vosa. Vola na veivakauqeti cavaga o ciqoma, ka tuvatuvaka mo cakacakataki ira.
Raica talega na Alama 34:27–29; 3 Nifai 27:21.
Na vosa au tukuna e tiko kina na kaukauwa meu vakamavoataki se vakalougatataki ira na tani.
Mai na ivakamacala momona eso a vakayagataka o Jemesa ena nona ivola taucoko, eso na nona ivosavosa kilai vakamatata tu sa kune ena nona ivakasala me baleta na ivosavosa. Navuca ni cakava e dua na ituvatuva ni iwalewale kece a vakamacalataka kina o Jemesa na yame se gusu. Na cava e vakatura na veivakatauvatani se ivakatakarakara yadua me baleta na vosa eda cavuta? Vakasamataka e dua na ka o rawa ni cakava mo vakalougatataka e dua ena nomu vosa (raica na VV 108:7).
Me vaka e dua na tisaipeli i Jisu Karisito, sa dodonu meu lomani ira na tamata kecega, se cava ga na ituvaki ni nodra bula.
A veivakasalataki vakatabakidua o Jemesa vei ira na Yalododonu me baleta na nodra taleitaki na vutuniyau kei na nodra beci na dravudravua, ia sa rawa ni vakayagataki na nona veivakaroti ki na veivakaduiduitaki se veitovaki cavaga ena rairai tiko vei keda me baleti ira na tani. Ena rawa ni dredre meda raica rawa na sala eso eda vakalewai ira tiko kina vakatani na tamata, ia sa yalataka na Turaga ni na vukei keda o Koya meda raica na vanua eda gadreva me vakavinakataki (raica na Ica 12:27). Ni o vulica ena masumasu na Jemesa 2:1–9, vakasaqara na lomamu vakaiiko ka vakarorogo ki na veivakauqeti ni Yalo Tabu. O sa vakila beka eso na veisau o gadreva mo cakava ena ivakarau ni nomu qaravi se vakasamataki ira na tani?
Eso na Vakasama me baleta na Vuli iVolanikalou Vakavuvale kei na Lotu Vakavuvale ena Moniti
Ni o wilika na ivolanikalou vata kei na nomu matavuvale, sa rawa ni vukei iko na Yalo mo kila na ivakavuvuli cava mo vakabibitaka ka veivosakitaka me baleta na gagadre ni nomu matavuvale. Oqo eso na vakatutu:
Navuca ni wilika na Jemesa 1:5 ka sureta e dua na lewe ni matavuvale me vakalekalekataka na itukutuku ni iMatai ni Raivotu (raica na Josefa Simici—Ai Tukutuku 1:8–13 se na vidio ““Ask of God: Joseph Smith’s First Vision” ena LDS.org). Sureti ira na lewe ni matavuvale me ra wasea na nodra ivakadinadina baleta na Parofita o Josefa Simici kei na veika era sotava ni sauma na nodra masu na Tamada Vakalomalagi.
Navuca ni sarava na vidio “True Christianity” (LDS.org) ni veisemati kei na veitikina oqo. Qai wilika na ivakamacala i Jemesa me baleta na lotu savasava ka veivosakitaka na sala eso e rawa ni tutaka kina na nomu matavuvale me savavuka na nomudou lotu.
E okati enaJemesa 3 e vuqa na ivakatakarakara e rawa ni vakauqeta na lesoni guilecavi dredre me vukea na nomu matavuvale ni nanuma me ra dau vosa vinaka. Me ivakaraitaki, e rawa ni o veitalanoataka na kena rawa ni tekivuna e dua na caudre se mata ni masese lailai e dua na kama levu, ka qai rawa ni vakasamataka na matavuvale na gauna eso e a vakavuna kina e dua na leqa e dua na vosa sega ni loloma (raica na tikina e 5–6). Se e rawa ni o vakarautaka e dua na ka wiwi se gaga ena dua na itawatawa ni kakana kamikamica—me vaka na wainimoli wiwi ena tavaya ni de–ni–oni. Oqo e rawa ni vakavuna na veitalanoataki ni kena qarauni na noda vosa me kamica ka veilaveti (raica na tikina e 9–14).
Cava na vuna meda “toro voleka kina vua na Kalou” ni da sotava tu na veitemaki?
E rairai ni veiwasei e rau ciqoma na veivakalougatataki ni matabete vakayaloqaqataki kina na lewe ni matavuvale me ra “tarogi me baleta na veivakalougatataki ni matabete ni [ra] gadreva na kaukauwa vakayalo” (Dallin H. Oaks, “The Importance of Priesthood Blessings,” New Era, Julai 2012, 4).
Me ikuri ni tukutuku ni vakavulici ni gone, raica na idusidusi ni macawa oqo ena Lako Mai, Mo Muri Au—Me Baleta na Lalai.
Vakavinakataki ni Vuli Yadudua
Cakacakataka na ka o sa vulica. Ni o vuli tiko, vakarorogo ki na veivakauqeti ni Yalo me baleta na ivakarau o rawa ni vakayagataka kina na ka o sa vulica voli ki na nomu bula. Yalataka mo muria na veivakauqeti oqo ka bulataka sara vakaoti na kosipeli. (Raica na Veivakavulici ena iVakarau ni iVakabula, 35.)
Me Kerea Vua na Kalou, mai vei John McNaughton