25 ni Noveba–1 ni Tiseba. 1 kei na 2 ni Pita: ‘Ka Reki ena Reki e sega ni Cavuti rawa ka Vinaka Sara’” Lako Mai, Mo Muri Au—Me Baleti Ira na Tamata Yadua kei na Matavuvale: Veiyalayalati Vou 2019 (2019)
“25 ni Noveba–1 ni Tiseba. 1 kei na 2 ni Pita,” Lako Mai, Mo Muri Au—Me Baleti Ira na Tamata Yadua kei na Matavuvale: 2019
E Vunau Tiko na Karisito ena Vuravura ni Yalo, mai vei Robert T. Barrett
25 ni Noveba-1 ni Tiseba
1 kei na 2 Pita
“Ka Reki ena Reki e sega ni Cavuti rawa ka Vinaka Sara”
Ni o wilika na iVola i Pita, ena rawa ni o ciqoma na veivakauqeti mo cakacaka. Vola tiko na veivakauqeti eso oqori ni “sa tiko ga kei [iko] na Yalo” (VV 76:80) me rawa ni o katona vakamatata na veika o sa vulica.
Vola na Veika o Vakauqeti Kina
Ni oti ga Nona Tucake tale, e a vakayacora na iVakabula e dua na parofisai ka a tikotiko vaka ca kina o Pita. E tukuna o Koya ena gauna e qase kina o Pita, ena lako o koya “ki na tikina ko na sega ni vinakata … , me vakatakila na mate cava ena vakarokorokotaka kina na Kalou ko koya” (Joni 21:18–19). Ni a vola o Pita nona ivola, e kila o koya ni sa voleka na nona vakamatei e parofisaitaki: “Ka’u sa voleka ni biuta tani ni’u biuta tani noqu vale vakacevaceva, me vaka sa tukuna mai vei au na noda Turaga ko Jisu Karisito” (2 Pita 1:14). E kani rarawa, na veivakacacani bibi vakaoqori e a ka wale tu vei ira na Yalododonu ena veiyasana vaka Roma, ka volavola tiko kina o Pita (raica na 1 Pita 1:1). Ia na nona vosa e a sega ni vakasinaiti ena rere se na vakasama ca. Ia, e a vakavulici ira na Yalododonu me ra “reki vakalevu kina,” e dina ga ni ra “vakararawataki ena dau vere e vuqa.” E a vakasalataki ira me ra nanuma ni “sa vakatovolei na [nodra] vakabauta” ena veimuataki ki na “vakavinavinaka, ka me dokai ka me vakacaucautaki, ni na rairai mai ko Jisu Karisito” kei na “bula ni yalomudou” (1 Pita 1:6–7, 9). E a veivakacegui beka vei ira na Yalododonu ena gauna oya na vakabauta nei Pita, me vaka ni sa veivakauqeti vei ira na Yalododonu edaidai, ka ra sa “vakaivotavota talega ena veivakararawataki i Karisito; mo dou reki talega kina ena reki vakaidina, ni na vakaraitaki koya ena iukuuku” (1 Pita 4:13).
Vakasama eso ni Vuli iVolanikalou Yadua
1 Pita 1:3–9; 2:19–24; 3:14–17; 4:12–19
Au rawa ni kunea na reki ena gauna ni veivakatovolei kei na rarawa.
Ena matai ni rai, ena rairai duatani beka ni vakayagataka o Pita na vosa vaka na reki, marau, ukuuku, kei na reki vakalevu ni semati kei na vosa eso e dau vakayagataki ena gauna ni dredre: veivakatovolei, veivakararawataki, veika dredre, veivakararawataki vakatawadodonu, kei na rarawa (raica na 1 Pita 1:6; 2:19; 4:12–13). Itukutuku nei Pita ivuvu taumada a na itukutuku vata ga e vakavulici kina mai vei Peresitedi Russell M. O keda na yalododonu e rawa ni da marau tiko ena ituvaki ni bula kecega. “Ni vakanamata na noda bula ki na ituvatuva ni veivakabulai ni Kalou … vei Jisu Karisito kei na Nona kosipeli, eda na rawa ni vakila na reki veitalia na cava e yaco tiko—se sega ni yaco tiko—ena noda bula. Na reki e lako mai Vua vakakina ena Vukuna. Sa iKoya na ivurevure ni reki kecega” (“Reki kei na Bulabula Vakayalo,” Ensign se Liaona, Nove. 2016, 82).
Ni o wilika na 1 Pita 1:3–9; 2:19–24; 3:14–17; 4:12–19, na cava e rawa ni solia vei iko nai nuinui ni o rawa ni kunea na reki ena loma saraga ni veituvaki dredre?
E vunautaki na kosipeli vei ira na mate baleta me rawa ni ra lewai vakadodonu.
Ena dua na siga, e na tu na tamata yadua ena itutu ni veilewai me ra “tukuni ira vua sa vakarau me lewai ira era sa bula kei ira talega na mate” (1 Pita 4:5). Eso na tamata era na vakasamataka tu beka ena rawa vakacava ni lewai ira kece na tamata na Kalou vakadodonu ni a duidui tu na nodra kila kei na bulataki ni kosipeli. Raica nai vakavuvuli e vakatavulica o Pita ena 1 Pita 3:18–20; 4:6 me vukei ira na Yalododonu ena nona gauna me ra kila ni sa dodonu na lewa ni Kalou. Ena vaqaqacotaka vakacava na veitikina oqo na nomu vakabauta na Nona lewa dodonu ka tautauvata na Kalou?
Me ra vulica talega na ivunau oqo, raica na Vunau kei na Veiyalayalati 138, e dua na ivakatakila Peresitedi Joseph F. Ciqomi ni vakasamataka toka na veika a vola ko Pita na Smith. Na veivakalougatataki cava e lako mai vei ira era vakayacora me rawa vei ira na lewe ni nodra matavuvale era sa mate na cakacaka vakalotu ni kosipeli ka sa waraka tiko ga na cakacaka vakalotu oqo?
Raica talega na “Papitaisotaki ni Mate,” iUlutaga Vaka-Kosipeli, topics.lds.org.
Ena kaukauwa i Jisu Karisito, au na rawa ni vakatorocaketaka kina na noqu bula vakalou.
O dau vakila beka ena so na gauna ni na sega ni rawa ni o vakataki Jisu Karisito ka na sega talega ni rawa ni o vakatorocaketaka na nomu vakamuria na Nona itovo? Elder Robert D. E solia na vakasama veivakayaloqaqataki oqo o Elder RobertD. Hales, ena noda na rawa ni vakatorocaketaka na itovo va-Karisito: “Na ivakarau ni Vakabula … era sai vakarau veicurumaki, e vakuri kina dua tale, e tubu tiko e lomada ena sala veisemati eso. Kena ibalebale, eda na sega ni rawa meda rawata e dua na ivakarau sa va-Karisito vakavo ke da rawata ka vakauqeti ira tale eso. Ni sa kaukauwa sara mai e dua nai tovo, ena vakatalega kina e vuqa tale” (“Yaco Mo Tisaipeli ni Noda Turaga o Jisu Karisito,” Ensign se Liaona, Me 2017, 46).
Na ivakarau va-Karisito yadua eda tauyavutaka e vukei keda meda talia e dua na isulu vakayalo ni bula vakatisaipeli.
Navuca mo wilika na 2 Pita 1:1–11 me veisemati kei na itukutuku nei Elder Hales. Na cava o vulica mai vei rau na iApositolo e rawa ni vukei iko ena nomu sasaga mo vakataki Karisito vakalevu cake?
Raica talega na 1 Pita 4:8; David A. Bednar, “Exceeding Great and Precious Promises,” Ensign se Liaona, Nove. 2017, 90–93.
Eso na Vakasama me baleta na Vuli iVolanikalou Vakavuvale kei na Lotu Vakavuvale ena Moniti
Ni o wilika na ivolanikalou kei na nomu vuvale, ena rawa ni vukei iko na Yalo mo kila na ivakavuvuli cava mo vakabibitaka ka veivosakitaka me rawa ni sotavi kina na gagadre ni nomu vuvale. Oqo eso na vakatutu:
Ni o wilika na veitikina oqo kei na nomu matavuvale, navuca mo vakayagataka na vatu me vukei ira na lewe ni matavuvale me ra raitayaloyalotaka na ivakavuvuli nei Pita ni noda iVakabula esa noda “vatu ivakadei.” Eda sa tautauvata vakacava kei na “veivatu bulabula” e vakayagataka tiko na Kalou me tara cake na Nona matanitu? Na cava eda vulica mai vei Pita me baleta nai Vakabula kei na noda itavi ena Nona matanitu? Na cava sa itukutuku nei Pita ki na nomu matavuvale?
Eda na tu vakarau vakacava meda sauma na nodra vakatataro na tamata me baleta na noda vakabauta? Ena rawa ni marautaka na nomu matavuvale na kena vakatasuasuataki na ituvaki, esa lako mai kina e dua me taroga na taro baleta na kosipeli.
Na cava dou rawa ni vakayacora vakamatavuvale mo dou vulica kina na ka baleti ira na nomu qase e liu? Ena rawa beka mo vakayacora ena nona siga ni sucu e dua na nomu qase e liu, mo vakasaqara na kena kakana taleitaki, vakaraitaka na kena iyaloyalo, se talanoataka eso na italanoa mai na nona bula. Kevaka e rawa, mo tuva me ciqoma na nomu qase e liu na cakacaka vakalotu e valetabu.
Ena veitikina oqo, e vakananuma vei ira na Yalosavasava o Pita na veika e sotava ena Ulunivanua ni Veivakamataliataki (raica na Maciu 17:1–9). Na cava e rawa ni da vulica mai na veitikina oqo me baleta na nodra ivakavuvuli na parofita? (raica talega VV 1:38). Na cava e solia vei keda na yalonuidei meda vakamuria na noda parofita ena siga nikua?
Me ikuri ni tukutuku ni vakavulici ni gone, raica na idusidusi ni macawa oqo ena Lako Mai, Mo Muri Au—Me Baleta na Lalai.
Vakatorocaketaki Noda Veivakavulici
“Dau Tuvakarau e Veigauna.” Na gauna ni veikatavulici vakavuvale,ka sega ni biu vakaituvatuva,e rawa ni yaco mai ka rawa ni takali totolo talega yani,o koya sa bibi kina,me vakayacori ena gauna ga e basika cake mai kina. Ena rawa vakacava mo dau “vakarau tiko” me vakavulici ira na lewe ni nomu matavuvale na dina ni kosipeli ka wasea “na vu ni nuinui sa tu e na lomamudou” (1 Pita 3:15) ni yaco mai na gauna ni veivakavulici? (Raica na Veivakavulici ena iVakarau ni iVakabula, 16.)
E dina ga ni sotava o Pita e vuqa na veivakacacani kei na veisaqasaqa, e tudei tiko ga na nona ivakadinadina i Karisito.