Taqomaki ena Vale ni Susu Manumanu, maivei Dan Burr

16–22 ni Tiseba.

Siganisucu

“Tukutuku ni Marau kei na Reki”

Kina so, na Siganisucu e rawa ni gauna ni vakacauoca. Vakasamataka ena rawa vakacava ni kauta mai kina nomu bula na yalo ni vakacegu kei na vakatabui ni nomu bula na vulici ni Veiyalayalati Vou. Vakasamataka vakatitobu na veivakayarayarataki ni nona sucu kei nai lesilesi ni iVakabula ena nomu bula, ka vola eso na rai titobu vakayalo e yaco mai vei iko.

Vola na Veika o Vakauqeti Kina

Na cava e dau vakavuna kina na reki levu na sucu ni dua na gone. Baleta beka ni dua na gone ena rawa ni vakatakilakila ni inuinui. E dua na ka baleta na veimadigi e kauta mai e dua na bula vou e dau sureti keda meda vakasamataka vakatitobu na veika e vakarautaka tu na bula kina gone oya kei na veika totoka ena rawa ni rawata na gone oya. E se sega mada ni se bau dina sara me vakaga na sucu ni Luve ni Kalou, o Jisu Karisito. E se sega mada ni se bau levu cake nai nuinui e tu vua e dua na gone, ka sega ni se dua e sucu mai kei na vuqa nai yalayala.

Ena gauna a sureti ira na ivakatawa ni sipi e dua na agilosi, me ra vakasaqara na gone e sucu vou ena vale ni manumanu, e solia talega o koya e dua nai tukutuku me baleta na gone oya. E itukutuku ni inuinui—ni a lako mai ki vuravura na gone oqo me mai vakayacora e dua nai lesilesi tabu. Era vakatakila na ivakatawa ni sipi “era sa tukuna yani … a ra sa kurabui kecega era sa rogoca na veika sa tukuna vei ira ko ira na ivakatawa ni sipi. A sa taura na vosa kecega oqo ko Meri, ka sa vakananuma kina e lomana” (Luke 2:17–19). Ena vinaka beka meda vakamuria na nona ivakaraitaki o Meri ena Siganisucu oqo: mo vakasamataka vakatitobu e lomamu na veika o sa vulica me baleta na iVakabula ena yabaki oqo. E rawata vakacava o Koya na Nona ilesilesi ni dauveivueti ena veitukutuku o sa wilika? Ka bibi cake sara, e sa veisautaka vakacava na nomu bula na Nona ilesilesi?

Vakasama eso ni Vuli iVolanikalou Yadua

Maciu 1:18–25; 2:1–12; Luke 1:26–38; 2:1–20

E siro sobu mai o Jisu Karisito me mai sucu ena keda maliwa e vuravura.

E dina beka ni o sa rogoca se wilika vakavica vata na italanoa ni nona sucu o Jisu Karisito, vulica ena gauna oqo kei na vakanananu oqo: “E sega walega ni dua na gauna marautaki na Siganisucu ni nona lako mai vakacava ki vuravura ia e baleta talega na kilai ni ocei o Koya e—noda Turaga ka iVakabula, o Jisu Karisito—kei na cava e lako mai kina o Koya” (Craig C. Christensen, “The uto ni italanoa ni Siganisucu” [Lotu ni Siganisucu ni Mataveiliutaki Taumada, Tise. 4, 2016], broadcasts.lds.org).

Na cava o kila me baleta o cei o Jisu Karisito sa ikoya ni bera ni a sucu mai? (raica, me kena ivakaraitaki, Joni 17:5; Mosaia 3:5; VV 76:13–14, 20–24; Mosese 4:2). E veisautaka vakacava na veika o vakila ni o wilika nai tukutuku ni Nona sucu?

Na cava o kila baleta na cava na vuna e lako mai kina o Jisu Karisito ki vuravura? (raica, me ivakaraitaki, Luke 4:16 – 21; Joni 3:16 – 17; 3 Nifai 27: 13 – 16; VV 20:20 – 28). E veisautaka vakacava na kilaka oqo na veika o vakila me baleta na iVakabula? E tatara vakacava ki na nomu bula?

Raica talega na 2 Koronica 8:9; Iperiu 2:7–18; 1 Nifai 11:13–33; Alama 7:10–13; “The Nativity” (vidio, LDS.org).

1 Koronica 15:21–26; Kolosa 1:12–22; 1 Pita 2:21–25

E vakacavara o Jisu Karisito na Nona ilesilesi ka rawa kina meu na taukena na bula tawamudu.

E dina ga ni wavolita tu na italanoa ni sucu i Karisito na veika veivakurabuitaki, na Nona sucu ke a ka walega ke a sega ni vakayacora na cakacaka cecere e mai vakayacora emuri ena Nona bula. Me vaka ni Peresitedi Gordon B. Vakamacalataka o Hinckley, “Na gone lailai o Jisu mai Peceliema ke a dua walega na gone tale ke a sega na veivueti va-Karisito mai Kecisemani kei Kalivari, kei na itukutuku qaqa ni Tucake tale” (“The Wondrous and True Story of Christmas,” Ensign, Tise. 2000, 5).

Kecisemani, mai vei J. Kirk Richards

Na ivakadinadina ni ilesilesi vakalou ni iVakabula kei na Nona loloma mana vei ira na tani e kune vakararaba ena Veiyalayalati Vou. Na itukutuku se veitikina cava e yaco mai ki na nomu vakasama? O na vinakata beka mo railesuva tale eso na ivurevure oqo se na nomu ivola ni vuli ni veisiga ka raica eso na vakasama titobu o sa vola tu. Ena rawa talega ni o wilika na 1 Koronica 15:21–26; Kolosa 1:12–22; 1 Pita 2:21–25 ka qai vakasamataka vakatitobu esa vakalougatataka vakacava na nomu bula na Nona cakacaka na iVakabula. Na cava o vakauqeti mo veisautaka ena nomu bula? Ena rawa vakacava mo taura mai na kaukauwa ni iVakabula?

Eso na Vakasama me baleta na Vuli iVolanikalou Vakavuvale kei na Lotu Vakavuvale ena Moniti

Ni o wilika na ivolanikalou kei na nomu vuvale, ena rawa ni vukei iko na Yalo mo kila na ivakavuvuli cava mo vakabibitaka ka veivosakitaka me rawa ni sotavi kina na gagadre ni nomu vuvale. Oqo eso na vakatutu:

Maciu 1:18–25; 2:1–12; Luke 1:26–38; 2:1–20

O na rawa ni marautaka vakacava na nona sucu o Jisu Karisito kei na nomu vuvale? Oqo eso na vakasama, se o na rawa ni vakayagataka talega eso ga na nomu:

• Wilika se vakatasuasuataka vata eso na tiki ni talanoa ni Siganisucu.

• Sarava talega na vidio “The Nativity” (LDS.org).

• Vakaraica eso na ivurevure ena christmas.mormon.org; jesuschrist.lds.org; se “Christmas,” iUlutaga Va-Kosipeli, topics.lds.org.

• Sarava e dua na lotu ni Siganisucu ni Mataveiliutaki Taumada (broadcasts.lds.org;).

• Lagata vata eso na serenilotu ni Siganisucu, se digitaka eso vei ira na tiko volekati iko se itokani ka laga sere vei ira (raica na Serenilotu, naba. 116–27).

• Vakayacora e dua na cakacaka ni veiqaravi.

• Kerei ira na lewe ni matavuvale me ra vakasaqara na itukutuku matai lalai ena italanoa ni Siganisucu e solia vei ira na vakasama ni so na iukuuku era rawa ni cakava ka rawa ni ra vakananumi Jisu Karisito kina.

1 Koronica 15:21–26; Kolosa 1:12–22; 1 Pita 2:21–25

Cava na vuna eda vakavinavinakataka kina ni a sucu mai o Jisu Karisito? Nai solisoli cava esa solia vei keda o Koya? Eda na vakaraitaka vakacava vei Koya na noda vakavinavinaka?

“Se Bula Tiko Na Karisito: Na Nodra iVakadinadina na iApositolo”

Kevaka o vinakata mo vukea nomu matavuvale ena gauna ni Siganisucu me ra vakanamata vua nai Vakabula, ena rawa beka ni o vakayagataka eso na gauna mo wilika se vulica vata “Se Bula Tiko Na Karisito: Na Nodra iVakadinadina na iApositolo” (Ensign se Liaona, Me 2017, ena loma ni waqana e liu). Ena rawa ni o vulica ka wiligusutaka eso na tikina mai na “Se Bula Tiko Na Karisito” se vakaraica eso nai vakamacala ni bula ni iVakabula ena Veiyalayalati Vou era tokona nai tukutuku oqo. Ena rawa talega ni o sureti ira na lewe ni matavuvale yadua me ra vola na nodra ivakadinadina i Jisu Karisito, ka kevaka era vakauqeti, me ra wilika kina matavuvale.

Me ikuri ni tukutuku ni vakavulici ni gone, raica na idusidusi ni macawa oqo ena Lako Mai, Mo Muri Au—Me Baleta na Lalai.

Vakavinakataki ni Vuli Yadudua

Vakaraici Jisu Karisito. E vakavulica vei keda na ivolanikalou ni veika kecega e vakadinadinataki Jisu Karisito (raica na Mosese 6:62–63), sa dodonu kina meda vakaraici Koya ena veika kecega. Ni o wilika nai volanikalou, navuca mo vola se makataka eso na tikina e vakavulici iko baleti Koya. Taura na gauna ni sa voleka tiko yani na Siganisucu mo vakasaqara na ka e wavoliti iko e vakadinadinataki Jisu Karisito.

Na iTalanoa ni sucu i Jisu mai vei Brian Call