Xkomon chik li k’anjeleb’aal

Chixjunileb’ li k’anjeleb’aal a’in naru neke’tawman sa’ li aplicación Biblioteca del Evangelio ut sa’ LDS.org.

Eb’ lix huhil li Iglees.

Sa’eb’ li hu Liahona wankeb’ li seraq’ ut li k’anjel li neke’ru chatenq’ankil sa’ xk’utb’aleb’ li na’leb’ li wankeb’ sa’ Kim, Taaqehin—Choq’ reheb’ li komon ut li junkab’al.

Eb’ li B’ich ut li B’ichleb’aal choq’ reheb’ li Kok’al

Eb’ li loq’laj b’ich neke’xb’oq li Musiq’ej ut neke’xk’ut li tzol’leb’ re taakanaaq chi jultik’anb’il. Wankeb’ li hu Eb’ li B’ich ut li B’ichleb’aal choq’ reheb’ li Kok’al, ut naru ajwi’ taatawmaq lix yaab’eb’ li b’ich ut li video reheb’ li b’ich ut reheb’ lix b’icheb’ li kok’al sa’ music.lds.org ut sa’ li aplicaciónMúsica SUD.

Eb’ li Esilal sa’ li Ak’ Chaq’rab’

Li hu Eb’ li Esilal sa’ li Ak’ Chaq’rab’ taaruuq chixtenq’ankileb’ li kok’al chixtzolb’aleb’ li na’leb’ ut li seraq’ li neke’tawman sa’ li Ak’ Chaq’rab’. Naru ajwi’ xtawb’aleb’ li video chirixeb’ li seraq’ a’in sa’ li aplicación Biblioteca del Evangelio ut sa’ medialibrary.lds.org.

Eb’ li tzoleb’aal hu re Seminario ut Instituto

Sa’eb’ li tzoleb’aal hu re Seminario ut Instituto natawman li resilaleb’ ut li aatin chirixeb’ li na’leb’ ut li seraq’ li neke’tawman sa’eb’ li loq’laj hu.

Biblioteca multimedia

Eb’ li jalam-uuch, eb’ li video, ut xkomon chik li k’a’ru nak’utman naru chatenq’ankil laa’at ut li wankeb’ sa’ laa junkab’al chirilb’al xyaalalil li na’leb’ ut li seraq’ li neke’tawman sa’ li Ak’ Chaq’rab’. Naru tat-ok sa’ medialibrary.lds.org re rilb’aleb’ li jalam-uuch ut xkomon chik li k’anjeleb’aal, jo’eb’ li video chirix li Santil Hu, k’utb’il wi’ li k’a’ru nak’ulman sa’ li Ak’ Chaq’rab’

Temas del Evangelio

Sa’ topics.lds.org naru taataw aatin chirix junjunq li na’leb’ re li evangelio, ut taataw ajwi’ b’ar taatawmanq chik li na’leb’ jo’ sa’eb’ li aatin re li jolomil ch’utub’aj-ib’, eb’ li loq’laj hu, ut eb’ li video. Naru ajwi’ taataweb’ li Ensayos sobre Temas delEvangelio, li wan wi’ xsumenkileb’ li patz’om chirix li evangelio.

Leales a la Fe

Wi nawaj chik aatenq’ankil sa’ xtzolb’aleb’ li na’leb’ re li evangelio, naru taasik’ sa’ Leales a la Fe. Sa’ li k’anjeleb’aal a’in wankeb’ chi tusb’il naab’al li na’leb’ chirix li evangelio, li ch’olob’anb’il chi saqen ru.