2–8 ni Janueri

Maciu 1; Luke 1

“Me Yaco Ga Vei Au me Vaka na Nomuni Vosa”

Ni o wilika ka vakasamataka vakatitobu na Maciu 1 kei na Luke 1, vola na veivakanananu vakayalo o ciqoma. Na dina vakaivunau cava so o sa kunea? Na itukutuku cava e vakamareqeti vakalevu cake vei iko kei na nomu vuvale? Na vakasama eso ni vuli e tiko ena idusidusi oqo ena rawa ni vukei iko mo kunea eso tale na raititobu eso.

Vola na Nomu Nanuma

Mai na rai vakayago, e na sega ni rawa. Ena sega ni kunekune rawa e dua e se goneyalewa—e sega talega ni rawa vua e dua na marama yava sa oti makawa sara na nona gauna ni vakaluveni. Ia, e tiko na ituvatuva ni Kalou me sucu kina na Luvena Tagane kei na sucu nei Joni na Dauveipapitaisotaki, ka sa rawa kina, vei Meri kei Ilisapeci, me rau tina, e dina ga ni saqati kece na ituvaki ni bula. E rawa ni dau veivuke me da vakasamataka na veika veivakurabuitaki e rau a sotava ena vei gauna kece eda sotava kina na vei ka eda nanuma ni na sega ni rawa. Ena rawa beka me da ulabaleta na noda malumalumu? Ena rawa beka ni da tara na yalona e dua na lewe ni vale e sega ni dau vakaitavi? E rawa ni a vosa tiko vei keda o Keperieli ena nona vakananuma vei Meri, “Ni na sega ni dredre vua na Kalou e dua na ka” (Luke 1:37). Ena rawa talega ni da sauma vakataki Meri ni sa vakatakila na Nona iNaki na Kalou “Me yacoga vei au me vaka na nomuni vosa” (Luke 1:38).

Vakasama Eso ni Vuli iVolanikalou ni Tamata Yadua

O cei sara mada o Maciu kei Luke?

O Maciu a dua na Jiu dau kumuni vakacavacava, ka sa kacivi koya ko Jisu me dua na Nona iApositolo (raica na Maciu 10:3; raica talega na Bible Dictionary, “Publicans””). A vola na nona Kosipeli o Maciu ki vei ira na wekana na Jiu; koya gona oya, e a digia kina o koya me vakabibitaka na parofisai mai na Veiyalayalati Makawa me baleta na Mesaia ka mai vakavotukanataki ena nona bula kei na veiqaravi nei Jisu.

O Luke e a kai Matanitu Tani (sega ni Jiu) ka dau veivakabulai vakayago ka a dau lako voli kei na iApositolo o Paula. A vola o koya na nona Kosipeli vei ira na sega ni kawa vaka-Jiu ni sa mate oti na iVakabula. E vakadinadinataki Jisu Karisito o koya ni sa iVakabula vei ira na kai Matanitu Tani kei ira na Jiu. E volaitukutukutaka o koya na veika e raica e matana ena vei ka e yaco ena nona bula na iVakabula, ka tomana talega kina o koya na italanoa era oka vakalevu kina na marama ni vakatauvatani kei na Kosipeli tale eso.

Raica talega na Bible Dictionary, “Gospels,” “Matthew,” “Luke.”

Maciu 1:18–25; Luke 1:26–35

A sucu o Jisu Karisito mai vua e dua na tina vakayago kei na Tamana tawa mate rawa.

Ena Maciu 1:18–25 kei na Luke 1:26–35,, raica na sala e vakamacalataka kina o Maciu kei Luke na cakamana ni nona sucu o Jisu. E vakaqaqacotaka vakacava na nomu vakabauta na iVakabula na nodra ivakamacala? Na cava na vuna e bibi kina vei iko mo kila ni o Jisu e Luve ni Kalou ka sa luvei Meri talega?

E vakamacalataka o Peresitedi Russell M. Nelson ni Veisorovaki i Jisu Karisito “e a vinakati kina e dua na isoro vakatamata o koya e sega ni vesuki ena ivau ni mate. Ia, ena mate o Koya ka na qai taura cake tale na Yagona. Na iVakabula duadua ga ena rawata na vei ka oqo. Mai vua na Tinana e a rawata o Koya na kaukauwa me mate kina. Mai vei Tamana a rawata kina na kaukauwa me qaqa mai na mate” (“Constancy amid Change,” Ensign, Nov. 1993, 34).

Luke 1:5–25, 57–80

Na veivakalougatataki ni Kalou ena lako mai ena Nona gauna ga.

Kevaka o raica ni o sa waraka tiko e dua na veivakalougatataki se kevaka e sa vaka e sega ni rogoca tiko na Kalou na nomu masu, na italanoa kei Ilisapeci kei Sakaraia ena rawa ni veivakananumi ni sega ni na guilecavi iko o Koya. Me vaka e yalataka o Elder Jeffrey R. Holland: “O koya gona ni da cakacaka ka waraka vata tiko na isau ni noda masu eso, au sa solia vei iko na noqu yalayala vakai-apositolo ni ra na rogoci ka na saumi mai, ia e sega beka ena gauna se ena sala eda vinakata kina. Ia era sa dau saumi ga ena gauna kei na sala era dau sauma kina na itubutubu dauloloma ka tawamudu” (“Waiting on the Lord,” Liaona, Nove. 2020, 115–16). E rau sa yalodina tikoga vakacava o Sakaraia kei Ilisapeci? (raica na Luke 1:5–25, 57–80). O dau waraka tiko beka e dua na veivakalougatataki? Na cava o nanuma e namakina na Turaga mai vei iko?

Ni rau wawa toka ena yalodina, e rau sa vakalougatataki o Ilisapeci kei Sakaraia ni sa dua na luvedrau tagane.

Maciu 1:18–25; Luke 1:26-38

O ira na yalodina era na vakamuria na inaki ni Kalou.

Me vakataki Meri, eda na raica ni so na gauna na ituvatuva ni Kalou me baleta na noda bula e duidui mai na noda ituvatuva. Na cava o vulica mai vei Meri me baleta na nomu ciqoma na nona inaki na Kalou? Mai na vei ivola ka tarava, vola na veika e tukuna na agilosi kei Meri (raica na Luke 1:26–38), ka vaka kina na itukutuku o raica ena nodra itukutuku:

Na nona vosa na agilosi vei Meri	Tukutuku me noqu
Na nona vosa na agilosi vei Meri “Sa tiko vei iko na Turaga” (tikina 28).	Tukutuku me noqu E kila tiko na Turaga na noqu bula kei na dredre.
Na nona vosa na agilosi vei Meri	Tukutuku me noqu
Na nona vosa na agilosi vei Meri	Tukutuku me noqu

Na vei ka e vakayacora ko Meri	Tukutuku me noqu
Na vei ka e vakayacora ko Meri “Ena yaco vakabeka evei na ka oqo?” (tikina 34).	Tukutuku me noqu E vinaka me da taro me kilai vakavinaka cake kina na loma ni Kalou.
Na vei ka e vakayacora ko Meri	Tukutuku me noqu
Na vei ka e vakayacora ko Meri	Tukutuku me noqu

Ni o sa wilika na ivakaraitaki yalododonu nei Josefa ena Maciu 1:18–25, na cava o sa vulica me baleta na nomu ciqoma na lewa ni Kalou? Na ikuri ni raititobu cava o sa vulica mai na vei ka a sotava o Sakaraia kei Ilisapeci? (raica na Luke 1).

Raica talega na Luke 22:42; Bible Dictionary, “Gabriel.”

Luke 1:46–55

E vakadinadinataka o Meri na ilesilesi i Jisu Karisito.

Na nona vosa o Meri ena Luke 1:46–55 e tukuni taumada kina na ituvaki ni ilesilesi ni iVakabula. Na cava o vulica me baleti Jisu Karisito mai na itukutuku nei Meri? E rawa ni o vakatauvatana na vei tikina oqo ki na vosa nei Ana ena 1 Samuela 2:1–10 kei na Kalougata nei Jisu ena Maciu 5:3–12. Na cava e vakavulica vei iko na Yalo ni o vakasamataka vakatitobu na vei tikina oqo?

Na Vakasama Eso Me Baleta na Vuli iVolanikalou Vakamatavuvale kei na Lotu Vakamatavuvale

Maciu 1:1–17.Ni wilika na nomu matavuvale na itukutuku ni kawa nei Jisu, sa rawa mo dou veitalanoataka na nomudou tuva kawa ka wasea eso na italanoa baleti ira na nomu qase e liu. Ena vakalougatataki vakacava na nomu matavuvale ni dou kila na nomudou kawa? Me baleta eso tale na itaviqaravi ni tuva kawa, raica na FamilySearch.org/discovery.

Maciu 1:20; Luke 1:13,30.Na cava beka era rerevaka o ira na tamata era tukuni tiko ena vei tikina oqo? Na cava e dau vakavuna na noda vakila na rere? Na sala cava e sureti keda tiko kina na Kalou me da “kakua ni rere”?

Luke 1:37.Mo vukea na nomu vuvale me ratou taracake na vakabauta ni “sega ni dredre vua na Kalou e dua na ka,” e rawa ni vakasaqarai vata na Luke 1 ka raica na ka e cakava na Kalou ka rawa ni vakatokai me dredre. Na italanoa cava tale eda rawa ni wasea—mai na ivolanikalou se ena noda bula—ni a vakayacora kina na Kalou na vei ka e a dredre? Na vakasaqaqara ena Gospel Art Book e rawa ni vakavure vakasama.)

Luke 1:46–55.Na cava eso na “vei ka cecere” e sa cakava vei keda na Kalou? Na cava e rawa ni ibalebale ni yaloda me “vakamalua vua na Turaga”?

Me ikuri ni tukutuku ni vakavulici ni gone, raica na idusidusi ni macawa oqo ena Lako Mai, Mo Muri Au—Me Baleta na Lalai.

Sere vakaturi: “Tala Mai na Luvena,” iVolanisere ni Lalai, 20.

Vakatoroicaketaki ni Noda Veivakavulici

Bulataka na ivolanikalou ena nomu bula. Ni o wilika oti e dua na tiki ni ivolanikalou, sureta iratou na lewe ni vuvale me ratou bulataka ena nodratou bula (raica na Veivakavulici ena iVakarau ni iVakabula, 21). Me kena ivakaraitaki, era na vakayagataka vakacava na lewe ni matavuvale na veika era sa vulica mai na Maciu 1 kei na Luke 1 me baleta na nomu rogoca na kaci ni Turaga?

Ko Ni Sa Kalougata Mai Vei Ira Kecega Na Marama, mai vei Walter Rane