Ti na Tangiria, iroun Dana Mario Wood

Tianuare 9–15

Mataio 2; Ruka 2

Ti a Roko Ba Ti na Taromauria

Ngkai ko wareka Mataio 2 ao Ruka 2, kakauongo nakon atatai n tamnei ake ko karekei. Buokan te kamatebwai ake a kaotaki ikai a kona ni buokiko ni katebenakoi reirei aika kakaawaki man manena inanon mwakoro aikai.

Korei Am Namakin

Man te bong are e bungiaki iai, e mataata raoi bwa Iesu bon tiaki te ataei n arora. Bon tiaki tii te itoi ae boou i karawa ke aia katanoata ni kimwareirei ae karika ataein Iesu e rangi ni kamiimi. Bon aio naba bukina bwa kaokoron mwaitiia aomata aika a kakaonimaki—man aaba aika a kakaokoro, nakoa, ao rongorongoia aomata aika a onoti—a namakina ae a rang katikaki nanoia Irouna. Imwaain naba are e taekina Ana kakao n “nakomai, iriirai,” a roko (Ruka 18:22). Aki bane n roko aomata Irouna. A mwaiti ake aki kan kinaa, ao te tia tautaeka are e bakantang are e ukoukora Maiuna ba e na tiringnga. Ma nanoia ae nanorinano, e itiaki, taan ukoukora te koaua a nooria bwa antai Ngaia—aia Mesia are e a tia n beritanaki. Aia kakaonimaki a kaungaaki iai nanora, ibukin “te rongorongo ae kakukurei ae kakimwareirei” are e nikiraki irouia taan kawakin tiibu bon ibukiia “aomata ni kabane,” ao te “Tia Kamaiu, ae te Uea are Kristo” are e bungiaki n te bong anne nakoira ni kabane (taraa Ruka 2:10–11).

Iango ibukin te Kamatebwai i bon Iroum ni Koroboki aika Tabu

Ruka 2:1–7

Iesu e bungiaki n te aro ae mangori.

E ngae ngke iai mimitongin Iesu Kristo ma te Atua te Tama “imwaain rikin te aonaaba” (Ioane 17:5), E tauraoi ni bungiaki n te aro ae mangori ao ni makea ibuakora iaon te aba. Ngkai ko wareka Ruka 2:1–7, iangoia raoi tera ae ko reireiaki iai Ibukina man rongorongon bungiakina. Kataia kinai rongorongo ke atatai inanon te karaki aei aika ko tuai atai mai imwaaina. E kanga ataakin bwaai aikai n roota am namakin Nakoina?

Taraa naba “The Christ Child” (video), ChurchofJesusChrist.org.

Mataio 2:1–12; Ruka 2:8–38

A mwaiti taan kakoaua ibukin bungiakin Kristo.

Bungiakin ao ataaein Kristo a kanikinaeaki irouia taan kakoaua ao taan taromauriia man rinanin nako maiu aika a mwaiti. Ngkai ko kunei aia karaki, tera ae ko reiakinaki ibukin kawai n taromauria ao ni kakoaua ibukin Kristo?

Ana Tia Kakoaua Kristo	Tera ae I reiakinaki iai ibukin taromaurian ao kakoauan Kristo?
Ana Tia Kakoaua Kristo Taan kawakin tiibu (Ruka 2:8–20)	Tera ae I reiakinaki iai ibukin taromaurian ao kakoauan Kristo?
Ana Tia Kakoaua Kristo Timeon (Ruka 2:25–35)	Tera ae I reiakinaki iai ibukin taromaurian ao kakoauan Kristo?
Ana Tia Kakoaua Kristo Anna (Ruka 2:36–38)	Tera ae I reiakinaki iai ibukin taromaurian ao kakoauan Kristo?
Ana Tia Kakoaua Kristo Taan Rabakau mwaane (Mataio 2:1–12)	Tera ae I reiakinaki iai ibukin taromaurian ao kakoauan Kristo?

Taraa naba 1 Nibwaai 11:13–23; 3 Nibwaai 1:5–21; “Shepherds Learn of the Birth of Christ” and “The Christ Child Is Presented at the Temple” (witeo), ChurchofJesusChrist.org.

Mataio 2:13–23

A kona kaaro ni karekei kaotioti ni kataniia aia utu.

E na bon aki kona Iotebwa ni katiaa te bwai ae tuangaki bwa e na karaoia—ni kamanoa Iesu inanon uarerekena—n akean te buoka mai ikarawa. N aroia Mwaane ake Taan Rabakau, e karekea te kaotioti ae e kauringaki iai taekan te kabuanibwai. Ngkai ko wareka taekan ana taneiai Iotebwa ni Mataio 2:13–23, iangoi kabuanibwai n te maiu n rabwata ao te maiu n tamnei are ti kaitara ma ngaai ni boong aikai. Iangoi raoi waaki aika ko rinanona ngke ko namakina ana kairiiri te Atua ni kamanoko ma am utu aika a tangiraki iroum. Iangoia n tibwai taneiai akanne ma tabeman. Tera ae ko kona ni karaoi bwa e aonga n reke kairam n taai aika a na roko?

N reitaki ma anne, ko na kona ni mataku n te witeo “The First Christmas Spirit” (ChurchofJesusChrist.org) ni katamneia te bwai are e namakinna Iotebwa ngke e kaitaraa te katabeaki ibukin tarauakin Natin te Atua.

Ruka 2:40–52

N aron naba ngke te kairake, Iesu e kabanea nanona iaon Ana kantaninga te Tama.

Ngke e ataeinimwaane, te Tia Kamaiu e reireia te euangkerio ma te mwaaka n te aro are a rangi ni miimi taan reirei ake a mena inanon te tembora” (Ruka 2:47). Tera ae ko reiakinna man kiibu aikai n taekan te Tia Kamaiu ngke te ataeinimwaane ngaia? A kanga aomata aika kairake ake ko kinaiia ni kataia n “karaoa [ana] mwakuri Tamaia”? (Ruka 2:49). A kanga kairake ao ataei ni buokiko ni kananoa te tatai ibukin te euangkerio? Baikara riki ae ko reiakinaki man ana katoto Iesu inanon uarerekena Ruka 2:40–52 ao n Ana Rairairi Iotebwa Timiti, Mataio 3:24–26 (n te Baibara abentekiti)?

“Kam aki ataia ba I riai ni mena n auti Tamau?” (Ruka 2:49).

Tera ana Rairairi Iotebwa Timiti?

Ibukina bwa “a mwaiti bwaai aika a maataata ma ni kakawaki” koaua ake a bua man te Baibara man tienture aika a nako (1 Nibwaai 13:28; taraa naba Mote 1:41), te Uea e tuanga Iotebwa Timiti bwa e na manga rinanoa riki te Baibara, are e ataaki n arana ae Ana Rairairi Iotebwa Timiti. E mwaiti rinanoakina iroun te Burabeti ike a kairaki inanon te abentekiti inanon koroboki aika tabu ake a boretiaki ibukiia Aika Itiaki. Ana rairairi Iotebwa Timiti n Mataio 24, ae ataaki n arana ae Iotebwa Timiti—Mataio, e kona ni kuneaki n te Bwaeao ae Bati Bona. Ibukin rongorongo riki, taraa “Joseph Smith Translation (JST)” n te Bible Dictionary and the Gospel Topics article “Bible, Inerrancy of” (topics.ChurchofJesusChrist.org).

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Ruka 2.Kaoia kaain te utu bwa a n a rinea te aomata are e kabwarabwaraaki n Ruka 2, wareki tabeua kiibu ibukin te aomata anne n arona n reitaki ma te Tia Kamaiu, ao n tibwaua te bwai are a reakinna are e kakorakora aia onimaki iroun Iesu Kristo. Baane anenea “Mary’s Lullaby” ke “The Nativity Song” (Aia Boki n Anene Ataei, 44–45, 52–53). Tera ae ti reiakinna man anene aikai ibukin bungiakin te Tia Kamaiu?

Iangoia bwa e kanga te mwakuri n korotamnei ni katamaroa am maroro ibukin bungiakin Kristo. (N aron te katoto, taraa Gospel Art Book ke history.ChurchofJesusChrist.org/exhibit/birth-of-Christ.)

Mataio 2:1–12.Tera ae ti reiakinna ibukin ukoran ao kunean te Tia Kamaiu man aia katoto Taan Rabakau mwaane?

Ruka 2:41–49.Tera ana “imwakuri te Tama”? (Ruka 2:49; taraa Mote 1:39; Aeniboki ni Kabuta: Te Beku n Ana Ekaretia Iesu Kristo Ibukiia Aika Itiaki ni Boong aika Kaitira, 1.2, ChurchofJesusChrist.org). Tera ae ti reiakinna n taekan te mwakuri anne man te karaki n Ruka 2:41–49? Iangoia korei tabeua kawai are a na kona am utu n ira karaoan ana mwakuri te Tama ao karini inanon te turumwa. Inanon te wiiki ae nang roko, ngkai am utu a kakaei kawai ni buoka ana mwakuri Tamara are i Karawa, a kona n rinei iango akanne man te turumwa. Bairea te tai ngkana ko kona n tibwaua am taneiai.

Ruka 2:52.Tera ae ti na kona n reiakinna man Ruka 2:52 bwa e kanga Iesu ni karikirakea maeuna? Tera am kouru ke aia kouru am utu are kam na kateia ni ribanaia “inanon te rabakau ma ongotaeka, man akoaki iroun te Atua ma aomata.”?

Ibukin iango aika a mwaiti riki ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.

Te anene ae rineaki: “Stars Were Gleaming,” Aia Boki n Anene Ataei,, 37.

Kanakoraoan Am Kamatebwai I Bon Iroum

Kabonganai bwaai ni ibuobuoki ni kamatebwaian koroboki aika tabu. Ni karekei rakan atatai riki tabeua ngkai ko kamatebwaia koroboki aika a tabu, kabonganai bwaai n reirei n aron bwaai aika a na taraaki mai inano, Topical Guide, Bible Dictionary, Guide to the Scriptures, ao buokan kamatebwai tabeua ake a reke n ChurchofJesusChrist.org.

Te Tia Kamaiu ibukin te Aonaaba e roko iaon te aba n te aro ae mangori.