Ti Na Neboia, iroun Dana Mario Wood

Tianuare 9–15

Mataio 2; Ruka 2

Ti Roko Bwa Ti Na Taromauriia

Ataei ake ko reireiniia bon natin Tamara are i Karawa aika mwaane ao aine aika a kakawaki. Bubutiia bwa E na buokiko ngkai ko ukora aron reireiaia man koroboki aika tabu. E kona ni kairiko nakon reirei ake ko riai ni katuruturui ao ni kona n anganiko kairam iroun te tamnei ni iango iaon waaki ni kakukurei ake a na ringiia Natina.

Kaunga te Tibwatibwa

Tuangiia ataei bwa a na tuangko te bwai ae ataia iaon bungiakin Kristo. Tera te mwakoro n te karaki ae mamaten nanoia?

Reirei te Reirei: Ataei aika a Uarereke Riki

Ruka 2:1–14

E bungiaki Iesu.

E kitana mweengana Iesu iroun Tamana are i Karawa ao ni bungiaki nako aon te aba bwa E aonga n riki bwa ara Tia Kamaiu. Ko na kanga ni buokiia ataei n ururinga karakin bungiakin Kristo?

Waaki ni Kakukurei aika a Kona ni Karaoaki

• Inanon am tai ni wareka karakinan bungiakin Kristo, kaoiia ataei bwa a na karaoa te kaotioti iaona, ke kabongana te iteraniba ibukin waaki ni kakukurei n te wiiki aei n rinanon te karaki. (Taraa naba “Mwakoro 5: E a Bungiaki Iesu Kristo,” inanon Karaki man Te Nu Tetamenti, 13–15, ke te witeo ae irekereke ma aei iaon ChurchofJesusChrist.org.)

• Ngkana iai iroum, uotii bwaai ake a kaota bungiakin Iesu Kristo, ao kaoiia ataei bwa a na bairei bwaai akanne n aron aroia ngkai ko karakina nakoia bungiakin Iesu Kristo. Ko kona naba ni kaota tamnein bungiakin Iesu (te katooto, tara te kabwarabwara n te wiki aei inanon Nakomai Iriirai—Ibukiia Aomata n Tatabemaniia ao Utu). Koteiia aomata ake ni bwaai ake a kaota bungiakin Iesu, ao kaoiia ataei bwa a na tibwa te bwai are ataia iaon te aomata are ko koteia.

• Uaia n anenea mamaten nanoia ataei te anene iaon bungiakin Iesu. Ngkai ko karaoia, tarai taai are e na reke iai am tai ni kaota am koaua iaon te Tia Kamaiu. Kaoiia ataei bwa a na tibwauaia bwa bukin tera a tangira Iesu.

Mataio 2:1–12

I kona n anga bwaintangira aika a tamaroa nakon Iesu.

Taan Rabakau a angan Iesu bwaintangira ae te koora, te ribano, ao te mura. Ko na kanga ni kabonganaa te karaki aei n reireinnia ataei ae a kona naba n anga bwaintangira nakon Iesu—bwaintangira n aron te tangira, te ibuobuoki, ao te ongotaeka?

Waaki ni Kakukurei aika a Kona ni Karaoaki

• Kaota tamneia Taan Rabakau ngkai ko rinanoa karakinaia, ae kuneaki ni Mataio 2:1–12, ma ataei. Ke ko kona ni kaota Wise Men Present Gifts (ChurchofJesusChrist.org).

• Bwaintangira aika a batianaki aika tamnei ke bwaai ake a tei bwa bwaintangira ae ti kona n angan Iesu. Kaoiia ataei bwa a na buokiko ni kaukii bwaintangira, ao maroroakinna bwa ti kanga n anga bwaintangira aikai nakon te Tia Kamaiu.

• Buokiia ataei n tatabemaniia ni korea tamnein ke ni korei ni karinanii bwaintangira are a kona n angan Iesu, n aron “te riki bwa te rao ae tamaroa” ke “tataro.” Kaoiia ataei bwa ana tibwa te bwai are a koreia nakoia kaain te kiraati ao n rinea teuana te “bwaintangira” ae a na angan Iesu n te bong aei.

Ruka 2:40–52

Bon te tei Iesu ngkoa n ai arou.

Reiakinan aron uarereken te Tia Kamaiu e kona ni buokiia ataei ake ko reireiniia ni kairekerekeia ma Ngaiia. Titirakiniia ataei bwa tera ae a kona n reiakinna man kiibu aikai iaona bwa a na kanga n riki n ai aron Iesu ngkai.

Waaki ni Kakukurei aika a Kona ni Karaoaki

• Kaoa temanna te kairake n te uoote bwa e na roko nakon am kiraati ao n tibwaa karakin Iesu ngke e reirei n te tembora ngke te kairake n ataeinimwaane.

• Tuangii ataei imwaain te tai bwa a na uotii tamneia ngke a merimeri bwa a na tibwaia. Tuangiia bwa e kanga aroia n rikirake. Tibwa tabeua kawai n aron Iesu ngke e rikirake (taraa Ruka 2:40, 52). Aneneia ma ataei “Jesus Once Was a Little Child” (Aia Boki n Anene Ataei, 55) ke te anene riki teuana iaon te Tia Kamaiu.

• Wareka Ruka 2:52, ao kabwarabwaraa bwa tera nanon “rabakau” ao “ni ikawai”. Ko na bae n tuangiia ataei bwa a na karaoa kaina ni kaotaia bwa tera ae nanonaki n rikirake ni rabakau ao n akoaki iroun te Atua ma aomata. Te katooto, a kona ni karaoa kain ae a wareware n te boki ke ni buoka temanna ae e kainano.

Reirei te Reirei: Ataei aika a Ikawai Riki

Ruka 2:1–21; Mataio 2: 1–12

Burabeti ake rimoa a kaman tataekina bungiakin te Tia Kamaiu.

Burabeti ao taan kakoaua a kaman kariaria ni bungiakin te Tia Kamaiu inanon tienture. Te mataata iaon te koaua aei e kona ni buokiia ataei ni kananoa aia kakaitau ibukin maiun ao ana mition te Tia Kamaiu.

Waaki ni Kakukurei aika a Kona ni Karaoaki

• Tuangiia ataei bwa a na marooro iaon bwaai aika a rangi ni kariaria nako iai, n aron te bootaki ni koronririki ke te motirawa ae abwabwaki. Tuangiia ataei bwa ana wareka Ereman 14:2–5 ni kakaea bwa tera ae a rangi ni kariaria nako iai burabeti.

• Uaia wareka tabeua taetae ni burabeti iaon bungiakin te Tia Kamaiu (taraa Itaia 7:14; 9:6; 1 Nibwaai 11:18; Ereman 14:5). Buokiia ataei ni korei baika inanon taetae ni burabeti aikai ao kakaei kakoroakin nanoia n Ruka 2:1–21 ao Mataio 2:1–12.

• Kaoia ataei bwa a na korea tamnein te bwai teuana ni Mataio 2:1–12 or Ruka 2:1–21 ao tibwaia bwa bukin tera a kakaitau ngkai e bungiaki Iesu.

Timeon e Neboa Kristo Te Teei,, iroun Greg K. Olsen

Ruka 2:40, 52

Ao e rikirake Iesu “n rabakau ma n ikawai, ma n akoaki iroun te Atua ma aomata.”

N aron Iesu, ataei aika ko reireiniia iai aia mition ae kakawaki ae a na katauraoi nako iai. Tera ae a kona n reiakinna man ana banna ni katooto Iesu?

Waaki ni Kakukurei aika a Kona ni Karaoaki

• Ngkai ko wareka Ruka 2:40, 52, tuangiia ataei bwa a na ongora nakon bwaai ae e karaoi Iesu. Kaoiia ataei bwa a na tibwai kawai n aroia n rikirake ma ngke a uarereke. Tibwaa oin am taneiai n reiakina te euangkerio teutana imwiin teutana. Kaota am kakoaua iaon te Tia Kamaiu.

• Katiai waaki ni kakukurei are e kaotii kibu n taeka n Ruka 2:40, 52. Te katooto, ko kona n anai abwakiia ataei n tatabemaniia (“E rikirake Iesu n … ikawai”) ke tuangiia ataei bwa a na tibwa mamaten nanoia ni koroboki aika a tabu (“e riki ni korakora n tamneina”). Buokiia ataei n nori kawai ae a rikirake iai ao tibwai baikanne ma aia utu.

• Mmwiin rinanona Ruka 2:40, 52, kaoiia ataei bwa a na tibwaia bwa tera n aia iango aron Iesu ngke e rikirake ngke aia roro. E kanga aron ana reitaki ma tinana? Ma taarina ao mwanena?

Ruka 2:41–52

I kona ni ira ana banna ni katooto Iesu.

N arona ngke te kairake n ataeinimwaane, Iesu e reirei te euangkerio n te tembora. N arona naba, ataei n am kiraati e mwaiti te bwai ae a na reireia tekoraki ake a mena irarikiia.

Waaki ni Kakukurei aika a Kona ni Karaoaki

• Kaoiia ataei bwa a na roko n te kiraati n tauraoi ni kauarerekea te rongorongo are inanon Ruka 2:41–52. Ni buokiia ataei ni mataata n te karaki, reirei bwa tera nanon “Ana bwai Tamau” (kibu 49). Te katooto, ko kona n tuangiia ataei bwa tera am mwakuri ke aia mwakuri am karo. Tera ana mwakuri ke “e karaoia” Iotebwa, taman Iesu iaon te aba? (taraa Mataio 13:55). Tera ana mwakuri Tamana are i Karawa? (taraa ruka 2:46–49, taraa naba Mote 1:39).

• Warekia, ma ataei Ruka 2:46–49, ao titirakiniia, “E kanga Iesu ni karaoa Ana mwakuri ‘Tamana’?” Buokiia ataei ni korei ke ni korotamnei iaon te burakibooti kawai ake a kona ni buoka iai naba ana mwakuri Tamara are i Karawa.

• Ni buokiia ataei ni karika namakinan onimakinaia ibon irouia bwa, naron te ataeinimwaane ae Iesu, a kona n reirei te ang reirei, buokiia n reirei ibon imarenaia te reirei man Ibukin Kakorakoraia Kairake.

Kaungaa te Kamatebwai n te Mweenga

Kaoiia ataei bwa a na reireia aia utu te bwai ae a reiakinna iaon bungiakin Iesu Kristo.

Kanakoraoan Ara Anga reirei

Ataei a rangi n reberake ni kan atatai ao n reirei ni kawai aika bati. Ataei a kukurei n reireinaki ni kawai aika boou man kakaokoro. Kabonganai waaki ni kakukurei are e na buokiia ni kakamwakuri, ni kabonganai aia namakin, ao ni katai bwaai aika a boou. (Taraa Reirei n Ana Kawai te Tia Kamaiu, 25–26.)