Maria ao Eritabeta

Tianuare 2–8

Mataio 1; Ruka 1

“E na karaoaki Nakoiu n ai aron Am Taeka”

Waaki mani warekan Mataio 1 ao Ruka 1. Nakomai, Iriirai—Ibukiia Aomata n Tatabemaniia ao Utu e kona ni buokiko ni kamataata mwakoro aikai, ao kanoan te kamatata aei e konaa n na anganiko iango ibukin am angareirei. Ngkana ko kainnanoa te ibuobuoki i aon te anga reirei nakoia ataei, tara “Karekean Kainnanoia Ataei ake a Uarereke” are e mena mai moan te boki aei.

te aikaon ibukin te tibwatibwa

Kaunga te Tibwatibwa

Tuangia ataei bwa a na kamronron, ao tuanga temanna te ataei bwa e na tibwaua reireiana man te kibu are e warekaki. E kona te ataei aei ni kabuta te booro ke ni kotea temanna te ataei n te mronron, are e na manga tibwatibwa.

te aikaon ibukin te anga reirei

Reirei te Reirei: Ataei aika a Uarereke Riki

Mataio 1:18–25; Ruka 1:26–38

A roko anera ni katanoata bungiakin Iesu.

A kawaraki Maria ma Ioane iroun te anera are e katanoata bungiakin Iesu Kristo. Karaki n aron aikai a kona ni buokiia ataei n ataa kakaawakin bungiakin Iesu.

Waaki ni Kakukurei aika a Kona ni Karaoaki

• Kaoa te taangana ke ana karo temanna te ataeibwa a na oneia bwa aongkoa ngaiia Maria ma Iotebwa. Tuangia bwa a na karakina te rongorongo are koreaki ni Mataio 1:18–25 ao Ruka 1:26–38.

• Karakina rongorongoia anera ake a kaoti nakon Maria ma Iotebwa, n aron are e koreaki ni kiibu aikai. (Tara naba “Mwakoro 2: Maria ma te Anera” ao “Mwakoro 4: Iotebwa ma te Anera,” i nanon Karaki man Te Nu Tetemanti, 8–9, 12, ke te karaki are e irekereke ma te reirei aei ChurchofJesusChrist.org.) Kaota teuana te tamnei man kanoan te reirei n te wiki aei i nanon Nakomai, Iriirai—Ibukiia Aomata n Tatabemaniia ao Utu. Tuangia ataei bwa a na manga kataia ni karakina te rongorongo aei.

• Tuangiia ataei bwa a na korei tamnein karaki man Mataio 1:18–25 ao Ruka 1:26–38.

E kaoti Kabiriera nakon Maria

Bungiakin te Tia Kamaiuiroun John Scott

Mataio 1:5–25, 57–63

Tamara are i Karawa e kaekai au tataro.

E bati aia tataro Takaria ma Eritabeta ni bubuti natiia i nanon ririki aika a mwaiti. Ao e kaekaki aia bubuti iroun Tamara are i Karawa ao a anganaki natiia te mwaane, Ioane te Tia Bwabetito. Tera arom n tuangiia ataei bwa e kaekaki taian tataro iroun Tamara are i Karawa?

Waaki ni Kakukurei aika a Kona ni Karaoaki

• Karakin te rongorongo aei n oin ootam Ruka 1:5–25, 57–63. Ko kona ni kaokiokia tabeua te tai. Katabeia tabeman ataei bwa a na riki bwa Takaria, Eritabeta, ao te anera ao ni karaoa aia kaotioti. Kabotoa te kaotioti i aon ana taeka te anera nakon Takaria: “E kaekaki am tataro” (Ruka 1:13). Karakina teuana rongorongom are e kaekaki am tataro iroun Tamam are i Karawa.

• Kabongana “We Bow Our Heads” (Aia Boki n Anene Ataei, 25) ke teuana te kuna ae reirei aron te tataro. Ni katoaa te tai are a taekina te taeka ae “tataro” ke “te tataro,” tuangiia bwa a na booti baia ao ni kabaraki atuuia.

• Tuangiia ataei n tatabemaniia bwa a na katea kain te bwai ae a tataro ibukina. Tuangiia ataei bwa a na kataia ni keetina te bwai are e kateaki kaina. A kona n nori taian iango i aon te iteraniba ibukin te mwakuri ni kauring.

Ruka 1:30–35

Iesu Kristo bon Natin te Atua.

Iesu Kristo bon Natin Tamara are i Karawa ma Maria. Tera ae ko na karaoia ni buokiia ataei bwa a na reirei taekan Kristo?

Waaki ni Kakukurei aika a Kona ni Karaoaki

• Tuangiia ataei bwa e roko te anera n tuanga Maria bwa natina e na aranaki bwa Natin te Atua (tara Ruka 1:35). Buokiia ataei bwa a na kaokioka te kibu n taeka ae “Iesu Kristo bon Natin te Atua.” Buokiia ataei bwa antai ana karo Iesu ao tuangiia bwa a na korei tamneia ma tamaia ao tinaia. I mwin aia korotamnei, tuangiia bwa tinan ma taman Iesu bon—Maria ao Tamara are i Karawa. Reitan te karaki, e tuangaki Iotebwa bwa e na kamanoa man tararua Iesu n ana tai ni maiu i aon te aba.

• Kaota am koaua bwa ngkai Iesu bon Natin te Atua, E kona ni mate ibukin ara bure ao e kona naba ni mangauti. Kaota tamnein Iesu ngke e Tauraki ao ngke e a Mangauti (tara Te Boki n Tamnei n te Euangkerio, nambwa. 57, 59).

te aikaon ibukin te anga reirei

Reirei te Reirei: Ataei aika a Ikawai Riki

Mataio 1:18–25; Ruka 1:5–37

Akea te bwai ae e aki kona ni karaoia te Atua.

Bungiakin Iesu ma Ioane te Tia Bwabetito a riki tii man mwaakan te Atua. Reiakinan taian kakai aikai e kona ni kakorakora aia onimaki ataei bwa iai mwaakan te Atua ni karaoi kakai i nanon maiuia.

Waaki ni Kakukurei aika a Kona ni Karaoaki

• Ngkai ko waaki ma ataei n taraa Mataio 1:18–25 ao Ruka 1:5–37, titirakinia ataei baikai “Tera am taeka ngke arona bwa ngkoe Maria?” ke “Tera am namakin ngke arona bwa ngkoe Takaria?”

• Kabonganai taeka aika a kakai oota iai ataei ni karakina Mataio 1:18–25 ao Ruka 1:5–37. Tuangiia ataei bwa a na katei baia ngkana a ongo te bwai ae e aki kona ni karaoaki ngkana akea mwaakan te Atua. Tera riki te karaki ae a kona n reiakinna ataei ike te Atua e karaoai bwaai aika a taraa n aki kona ni karaoaki?

• Buokiia ataei ni kamatea Ruka 1:37. Ko kona ni karaoa aei, man korean te kibu aei i aon te burakibooti ao tuangiia ataei bwa a na warekia tabeua te tai. I mwin te moan wareware, kamaunaa teuana te taeka.

Mataio 1:21–25; Ruka 1:30–35, 46–47

Iesu Kristo bon Natin te Atua.

Iesu Kristo bon Natin Tamara are i Karawa ma Maria. Ko na kanga ni buokiia ataei bwa a na ataa te koaua aei?

Waaki ni Kakukurei aika a Kona ni Karaoaki

• Tuangiia ataei bwa a na wareka Ruka 1:30–35, ao a na kakaei reken titiraki aikai: “Antai tinan Iesu?” ao “Antai taman Iesu?” Buokiia bwa a na ataia ae Iesu Kristo bon tii ngaia te aomata ae tinana, Maria, ao tamana bon Tamara are i Karawa (tara naba 1 Nibwaai 11:18–21).

• Ngkana ko wareki kiibu aikai, tuangiia ataei bwa a na kakaei aran ke nakoan Iesu Kristo. Tera nanon aara aikai, ao tera ae ti reiakinna n aron Iesu?

• Kaota am koaua iroun Iesu Kristo, ao tuangiia ataei bwa a na kaota naba aia koaua.

Mataio 1:5–25, 57–66

Te Tama are i Karawa e ongo ao e kaekai au tataro.

E kaekai ara tataro te Atua ni kawai aika ti aki kantaningai. Ko na kanga n reirei te koaua aei mani kabonganaan rongorongon Takaria ma Eritabeta?

Waaki ni Kakukurei aika a Kona ni Karaoaki

• Tuangiia ataei bwa e na tera aia taeka nakon te aomata are e a tia n tataro ma e tuai reke kaekaan ana tataro. Tuangiia bwa a na iangoa te titiraki aei i nanon warekan Ruka 1:5–25, 57–66. (Tara naba “Mwakoro 1: Eritabeta ao Takaria” ao“Mwakoro 3: Ioane te Tia Bwabetito,” n Karaki man te Nu Tetemanti, 6–7, 10–11, ke te tamnei ae e irekereke ma te reirei ChurchofJesusChrist.org.) E na tera aia taeka Takaria ao Eritabeta nakon te aomata are e tuai kaekaki ana tataro?

• Kaoiia ataei i mwain te kiraati bwa a na tibwauai rongorongoia ngke a kaekaki aia tataro iroun Tamara are i Karawa. Tibwaua rongorongom ngke ko namakinna bwa e kaekaki am tataro n te aro ae ko aki kantaningaia.

• Kaoiia ataei bwa a na korea tamnein te karaki are e kaekaki te tataro iroun Tamara are i Karawa—n ikotaki ma rongorongoia. Tuangiia bwa a na kaotii aia korotamnei nakoia kaain te kiraati.

te aikaon ibukin te kamatebwai

Kaungaa te Kamatebwai n te Mweenga

Kaoiia ataei bwa a na kaota aia korotamnei ae a korei nakoia aia utu. Kaungaia bwa a na titiraki nakoia kaain aia utu aron kaekaan aia tataro iroun te Atua.

Kanakoraoan Ara Anga reirei

Buokiia ataei aika a uarereke n reireiaki man koroboki aika tabu. Ni buokiia ataei bwa a na reiakinaki man koroboki aika tabu, kabanea am tai iaon te kibu teuana ke te koroboki ke bon boton raoi te kibuntaeka. Ko na bae ni kaoiia ataei bwa a na teirake ke ni katei baia ngkana a ongo te taeka ke te kibuntaeka. (Tara Reirei n Ana Kawai te Tia Kamaiu, 21.)

iteraniba ibukin te waaki ni kakukurei: E kaekai au tataro te Atua