“Tianuare 16–22. Ioane 1: E a Reke i Roura te Mesia,” Nakomai, Iriirai—Ibukin te Moanrinan: Nu Tetemanti 2023 (2022)
“Tianuare 16–22. Ioane 1,” Nakomai, Iriirai—Ibukin te Moanrinan:2023
Tianuare 16–22
Ioane 1
E a Reke i Roura te Mesia
I nanon warekan Ioane 1, korei baike ko reiakin. Kanoan te reirei n te wiki aei i nanon Nakomai, Iriirai—Ibukiia Aomata n Tatabemaniia ao Utu e kona ni buokiko n am katebwai n te mwakoro aei. Mwakuri ni kauring aikai ko na karekai mai iai iango bwa ko na kanaga ni buokiia ataei n reiakina taian koaua n Ioane 1. Ngkana e riai, e kona ni kangaraoaki taian mwakuri ni kauring nakon ana roro te ataei.
Kaunga te Tibwatibwa
Buokia ataei bwa a aonga ataei n tibwauai baike a reiakin i ibukin Iesu, kaota tamneina are e karaoi ana mwakuri n Ioane 1 (n aron karikan te aonnaba ke te anga reirei). Tuangiia ataei bwa a na kabwarabwara te tamnei are ko kaotia nakoia.
Reirei te Reirei: Ataei aika a Uarereke Riki
E maeka Iesu ma Tamara are i Karawa i mwain ae E bungiaki.
E reirei Ioane bwa e maeka Iesu Kristo ma te Atua te Tama i mwain maiuna n te aonnaba. Ngaira naba ti maeka ma te Atua i mwain bungiara (tara “Te Utu: Te Katanoata nakon te Aonaba,” ChurchofJesusChrist.org). Tera arom n reirei te koaua aio nakoia ataei?
Waaki ni Kakukurei aika a Kona ni Karaoaki
-
Kabwarabwara bwa “te Taeka” n Ioane 1:1 bon Iesu. Wareka te kibu aei ni kabaibati, ao tuangia ataei bwa a na atonga “Iesu” ngkana ko wareka “te Taeka.” Kaota te korobanna ae“Premortal Life” (ChurchofJesusChrist.org; tara naba Behold Your Little Ones [2008], 15). Kabwarabwara bwa e maeka Iesu Kristo ma Tamara are i Karawa i mwaain rokona nakon te aonaba.
-
Karekei am kanoa n reirei man booki aikai bwa e aonga ni mataata irouia ataei aron maiura ma te Atua i mwain rokora n te aonnaba: “Kabwarabwara: Ana Babaire Tamara are i Karawa” (n te Karaki man te Nu Tetemanti, 1–5, ke te tamnei are e irekereke ma te reirei ChurchofJesusChrist.org) ke “Premortal Life” n Te Kairi nakon Koroboki aika Tabu (scriptures.ChurchofJesusChrist.org).
-
Kaoa te karo ma natina ae uarereke nakon te kiraati. Tuangiia ataei bwa e mena ia tamnein te ataei i mwain ae e bungiaki. Kauringiia ataei bwa titebo aroia ma te ataei aei, ao kaota am koaua bwa a maeka i karawa ma Tamara are i Karawa bwa taian tamnei i mwain ae a bungiaki.
E karaoi bwaai ni kabane Iesu.
Ataakin rongorongon Iesu Kristo bwa te Tia Karikibwai e na buokiia ataei bwa a na karinea te Tia Kamaiu.
Waaki ni Kakukurei aika a Kona ni Karaoaki
-
Wareka Ioane 1:3 ma ataei, ao kaota te tamnei teuana man kanon te reirei n te wiki aei n Nakomai, Iriirai—Ibukiia Aomata n Tatabemaniia ao Utu. Buokiia ataei bwa a na kamatea te bota n taeka ae “a karaoaki bwaai ni kabane iroun [Iesu Kristo].”
-
Kaota teuana tamnein ana karikibwai te Uea nakon temanna te ataei. Anga te tai nakon teuanne ke neienne bwa e na kabwarabwara nakoia ataei tabeman, ao tuangiia bwa tera ae tia ni kabwarabwaraki.
-
Tuangiia ataei bwa a na taekin bwaai aika e kariki Iesu Kristo. Buokiia ataei n iangoi aanga ake a kona n tararua te aonaba ao ana karikibwai te Uea.
E karaoa te aonnaba ma bwaai ni kabane Iesu Kristo.
I kona ni kaoiia aomata nakon Iesu Kristo bwa a na reiakina taekana.
Ioane 1 e kaota rongorongoia ana reirei Iesu ngke a kaoiia aomata bwa a na “roko ao n noria” bwa Iesu bon Natin te Atua. A kona naba ataei aika uarereke n ira te kakao aei.
Waaki ni Kakukurei aika a Kona ni Karaoaki
-
Kabwarabwara aron Anterea n reiakina taekan Iesu, ao aron Anterea ni reirei nakon Betero (tara Ioane 1:35–42). Tibwauaia bwa ko kanga ni kaaina te Ekaretia, ke kaoiia aomata aika a boou nakon te aro bwa a na kabwarabwara aroia ni kaaina te Ekaretia.
-
Karakina rongorongon Biribi ngke e kaoa Natanaera bwa e “roko n noria” (Ioane 1:43–51). Karabaa tamnein Iesu n te bwaoki, ao kaoa temanna te ataei bwa e na “roko n noria” ao ngkanne tuangiia ataei bwa tera ae e noria te ataei aei.
-
Tuangiia ataei bwa a na kara, ao kaungaia bwa a na kabongana te iteraniba are a karanna ni kaoa te aomata nakon Iesu.
-
Tuanga te ataei bwa e na karakina te tai teuanangke teuanne ke neienne a tibwaa te bwai teuana n aron te bwai n takakaro ke te bwai n tangira ma raoia n takakaro. Tera arora n tibwaua te euangkerio? Karakina rongorongon te ataei are e tibwaua te euangkerio nakon raoraona, n aron “Te Rao ao te Mitinare,” Te Rao, Turai 2018, 12–13; Riaona, Turai 2018, 70–71.
Reirei te Reirei: Ataei aika a Ikawai Riki
E maeka Iesu Kristo ma Tamara are i Karawa i mwain ae E bungiaki.
Bon i mwain ae E bungiaki, E karaoi tabena Iesu Kristo aika a kakaawaki n ana kainibare Tamara are i Karawa. Ngke ko wareka Ioane 1:1–5, tera ae ko reiakinna i aon ana mwakuri Kristo i mwain bungiana?
Waaki ni Kakukurei aika a Kona ni Karaoaki
-
Tuangiia ataei bwa tera ae a ataia n te bwai ae e karaoia Iesu i mwain ae E bungiaki. Tuangiia bwa a na karekea kaekaan aei n Ioane 1:1–5. E na ibuobuoki taraan Ana Rairairi Iotebwa Timiti, Ioane 1:1–5 (n te Bible appendix).
-
Wareka teutana man “Kabwarabwara: Ana Babaire Tamara are i Karawa” (i nanon Karaki man Nu Tetemanti, 1–5, ke te tamnei are e irekereke ma te reirei n ChurchofJesusChrist.org). Tuangiia ataei bwa tera ae a reiakinna i aon Iesu Kristo.
-
Tabeua te bong i mwain te kiraati, mwiokoia tabeman ataei bwa a na katauraoa aia tamnei ke a na kabwarabwara nakoia kaain te kiraati. Kaotii tamnein ana karikibwai te Uea, ao wareka Ioane 1:3 ni kabwarabwara bwa bon Iesu ae karaoa te aonaba ma bwaai ni kabane.
Iesu Kristo bon au oota.
Te kanikina ae te oota e kona ni buokiia ataei bwa a na mataata iroun te Tia Kamaiu ao Ana euangkerio. Ko na kanga ni kaungaia ataei bwa a na ukoukoura oota te Tia Kamaiu ngkai e rikirake n roo te aonaba?
Waaki ni Kakukurei aika a Kona ni Karaoaki
-
Kaoiia ataei bwa a na wareka Taian Areru 27:1; Ioane 1:4–9; Motiaea 16:9; ao Reirei ao Berita aika Tabu 39:1–2, ni kakaei bota n taeka ake a irekereke iai kiibu aikai. N te aro raa ae Iesu Kristo bon te oota?
-
Kaota tamnein te Tia Kamaiu ao tabeua bwaai aika a kona n oota, n aron te tooti. N te aro raa ae a titebo iai bwaai aikai ma Iesu Kristo? Ti na kanga n tibwaua Ootana ma aomata? Anenea “The Lord Is My Light” (Anene n Taromauri, nambwa. 89) ke te kuna n taromauri are e taekina ootan te euangkerio.
-
Titirakiniia ataei bwa tera ae a karaoia ngkana a namakina te roo ma te maaku. Kaota am koaua bwa a kona n rairaki nakon te Tia Kamaiu ngkana a maaku.
Ngai te tia iriira Iesu Kristo, I kona ni kaoiia aomata bwa a na iriiria.
Taraia bwa tera arom ni kabonganai tenaan katooto aika i nanon Ioane 1:35–51 ni buokiia ataei n reiakina taekan te Tia Kamaiu.
Waaki ni Kakukurei aika a Kona ni Karaoaki
-
Buokiia ataei ni wareka Ioane 1:35–51 ao kakaei aia taeka aomata ni kaoiia tabemwang bwa a na reirei taekan te Tia Kamaiu. Let them practice what they might say to invite a friend to learn about Him.
-
Tuangiia ataei bwa a na kabongana te iteraniba ibukin te waaki ni kakukurei ni karaoa te kakao nakon raoraoia ke aia koraki bwa a na rerei taekan Iesu Kristo.
-
Anga te tai nakoia ataei bwa a na tibwaua te bwai ae mamate iai nanoia. Buokiia ataei bwa a na ataia ae tibwauan te euangkerio kanga tibwauan te bwai ae e mate nanora iai (n aron te katooto, mataku n te tamnei ae “Good Things to Share” n ChurchofJesusChrist.org).
Kaungaa te Kamatebwai n te Mweenga
Kaungaia ataei bwa a na kaoa aia koraki n reirei taekan Iesu Kristo.
Kanakoraoan Ara Anga reirei
Kabongana buokan te reirei ae kona n noraki. Buokiia ataei bwa e na kona n tameni te bwai are a reiakinna man koroboki aika a tabu. Ko kona ni kabongana tamnei n te euangkerio, witeo, taore, ke kaotioti.
