2
Tamara are i Karawa iai ana babaire ibukiU
Te Kabwarabwara Ibukin te Tia Reirei
N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:
Ti maeka ma Tamara are i Karawa bwa tamnei imwain are ti bungiaki. Tamara are i Karawa e katauraoa te baire are e kariaira bwa ti na nakon te aonaaba ao ni karekei rabwatara bwa ti na riki n Aiarona ao n oki Nakoina. E kona ni karaoaki aei rinanon Ana Mwakuri ni Kamaiu Iesu Kristo ao n ara ongeaba. Iesu Kristo e rineaki bwa ara Tia Kamaiu.(Taraa Abraham 3:24–27; Taekan te Onimaki 1:13.)
Te Katauraoi
Mwaakena te iteranibaa 98 n te bokinreirei aio bwa e aonga ni bebete rekena iroum.
Reiakinan Waaki Ni Kakukurei
Moanna ma waaki ni kakukurei ni bootaki. Ibukin iango, taraa iteraniba 3.
Tataro
Kaoa te ataei bwa e na anga te tataro ni kaukuki.
Anenea te Karaki
Kabongana “Ngai Natin Te Atua” (Aia Boki n Anene Ataei 2–3) n reireiniia ataei rongorongo aika bebete ibukin te babaire ni kamaiu. Ao aikai aika katautauaki ni kaotaki:
Tuangiia ataei bwa ti bane ni maeka ma Tamara are i Karawa imwain ae ti bungiaki.
Anene ke taekina (kaoia ataei bwa ana raoniko):
Ngai Natin Te Atua
Ao e kanakomaiai ikai.
Tuangiia ataei bwa Tamara are i Karawa iai ana babaire ibukira. E tuangiira bwa ti na roko nako aon te aba bwa ti na maeka iai. Ti rang ni kukurei ao ti tatakarua ni kimwareirei. Kaoia ataei bwa ana kangai, “Ureei!”
Kaota tamnein te utu are n te iteraniba 14. Tuangiia ataei bwa ti roko nako aon te aba bwa ti na maeka ma ara utu aika tangirira. Kaoia ataei bwa ana booti baiia man irabwati irouia.
Aneneia ke taekinna:
E atia n anganai abau mweengau
Ngngai ma tamau tinau.
Tuangiia ataei bwa ngkai ti mena n te aonaaba, Tamara are i Karawa e tangirira bwa tina kukurei ao n toui mwiin Ana tua.
Aneneia ke taekinna:
Kairai, ao kairirai,
Buokai kakaea te kawai.
Kaota tamnein Iesu Kristo i aon te iteraniba 98. Tuangiia ataei bwa Tamara are i Karawa e rinea Iesu Kristo bwa e na buokiira ni kaokiraa Nakoina. Kabwarabwara bwa ibukin Iesu , ti kona ni maeka ma Tamara are i Karawa ao ara utu n aki toki ngkana ti kawakin tuua.
Anene ao taekinna:
Reirei ai ae nna karaoia
Bwa i kan tiku i rouna.
Anenea te anene ni kabane, kaoti tamnei n am tai n anene:
Ngai Natin Te Atua
Ao e kanako maiai,
E anganai abau mweengau (kaota tamnein te utu i aon te iteraniba (14)
Ngai ma tamau tinau.
Kairai, ao kairirai, nakonako irarikiu,
E nga te kawai.
Reireiai ae n na karaoia (kaota tamnein Iesu are i aon te iteraniba 98)
Ni maeka ma ngaia n te taina.
Kabaneana
Tibwaua am koaua ibukin ana babaire Tamam are i Karawa ibukira.
Tataro
Kaoa te tei bwa e na anga te tataro ni kainiin.
Waaki ni Kakukurei Aika a Kona n Rineaki
Te Katauraoi
-
Ibukin te takakaro n te baeki: Kaobiina ao korea te tamnei i aon te iteraniba 15. Ana te bwai teuana ni karaba te tamnei, n aron te baeki ae uarereke ke te kunikai.
Tamara are i Karawa iai ana babaire ibukiu.
Ngai natin te Atua, ao e kanakomaiai.
E anganai abau mweengau, ngai ma tamau tinau.
Reireiai ae nna karaoia bwa i kan tiku irouna.
-
Ibukin waaki ni kakukurei ni kara: Kaobii te iteraniba 15 ibukin te tei temanna. Korei tamnei ao taeka. Ana te kora ke te karai ao kanimma ni karaoia n aron te moubwairi ibukiia ataei.
Takakaro n te baeki
Katuka te kabwarabwara n te tamnei inanon te baeki. Angan te ataei bwa e na rinea ana tamnei mai nanon te baeki. Warekia ke anenea te taeka are oti ao tuangia ataei bwa ana kaoka aneneana ke n anenea taekana ma ngkoe. Kaokioka aneneana ni karokoa ae reke aia tai ataei ni kabane.
Koro Tamnei
Anganiia ataei bwa ana koro tamneia te kaobii ibukin te kabwarabwara n te tamnei i aon te iteraniba 15 ao anganiia ataei bwa ana uoti nakon mweengaia ni kaoti nakoia aia karo bwaai aika atia n reiakin n te netiurii. Ngkana e reke am tai, kabongana te kora ke te karai ao kanimma nakon te mobwairi ibukiia ataei n are kaotaki n te tamnei man te atai.
