10

N na Kaawakina Raoi Rabwatau

Te Kabwarabwara Ibukin te Tia Reirei

N te aro bwa ko na tauraoi n te tamnei n anga te reirei aei, taiaoka warekii ao iangoi raoi bwaai aikai:

Teuana te kakabwaia ae korakora man te baire ni kamaiu bon te tai ni karekei rabwatara. E tangiria te Uea bwa ti na karinei rabwatara ao n tararuai raoi. E kakabwaiaira ngkana ti karaoia (taraa 1 I-Korinto 3:16; D&C 89:18–21).

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuki.

Te tamnei

Tuangiia ataei bwa Tamara are i Karawa e angniira rabwatara ao ma rabwatara ti kona ni karaoi bwaai aika bati aika tamaroa. Kaota te tamnei iaon te iteraniba 46. Koteia kaain te utu ni kabane n te tamnei; ngkana ko kotea te ataei, taekin titiraki aika titebo ma aika karinanaki inano. Imwiin titiraki n tatabeua nako, kaoia ataei bwa ana atonga te kaeka ma ngkoe man atongan “Tiaki” ngkana ko raira atuum man te itera are teuana nakon are teuana n te kawai ae karakaraka.

• E kona n nakonako te ataei?

• E kona n tekateka te ataei?

• E kona te ataei ni kare n te booro?

Tuangiia ataei bwa bon ataei ngkoa n te taina, ma ngkai a rikirake ni bubura.

Anene

Tuangiia ataei bwa ana teirake. Anenea ke taekin taeka aikai nakon tangin te “Iai Ngkoa Temanna te Tinoman” (Aia Boki n Anene Ataei 249) ao karaoi mwakuri aika oti inano. Kaoia ataei bwa ana raoniko.

N te taina ngke ngai te ataei, ataei, ataei. (kamena bwa aongkoa ko bwabwakoa te ataei ni baim)

N te taina ngke ngai te ataei, uarereke, uarereke, uarereke. (karaurau kabaouako nako naano)

Ngkai I a rikirake ni bubura, bubura, bubura. (karaurau n teirake)

Ngkai I a rikirake ni bubura, a bwabwaki, abwabwaki, abwabwaki! (taaken baim nako aon atuum)

Tamnei

Kaota riki te tamnei ao kotea te ataei ae uarereke ae takakaro ma tamana. Tuangiia ataei bwa te ataei aei e kuri n titebo ma ami tiaiti. Titirakiniia ataei titiraki aika ti tebo ma aika koreaki inano. Imwiin titiraki n tatabeua nako, tuangiia ataei bwa ana kaeka ma ngkoe man atongan “Eng” ngkana ko katoutoua atuum n te kawai ae karakaraka.

• Ko kona n nakonako? (tuanga te ataei bwa e na onea mwiina n nakonako)

• Ko kona n taetae? (warekia nakon nimaua ma ataei)

• Ko kona ni kare nakoa te booro? (tuangiia ataei bwa ao ngkoa a kare n te booro ao raweia)

Tungiia ataei bwa a rikirake ni bubura bukina bwa a kang amwarake aika tamaroa, a nako nakon aia kainiwene ao a matu, ao a kaitiakiia bwa a na teimatoa itiakiia.

Kabwarabwaraana n te Kaotioti

Kaota te tamnei iaon te iteraniba 47. Kotea tamnein te ataeinnaine ae matu ao kabwarabwara bwa te matu bon teuana te kawai ibukin tararuaan rabwatara. Tuangiia ataei bwa ao ngkoa a matu. Kaokia ibukin kabwarabwara n tamnei ake tabeua.

N na Kaawakina Raoi Rabwatau

Kabaneana

Kaota kukureim ibukin rabwata aika e anganiira Tamara are i Karawa. Kaoia ataei bwa ana taekina, “N na tararuaa rabwatau,” tabeua taeka n teuana te tai.

Tataro

Kaoa te ataei bwa e na anga te tataro ni kainiin.

Kawai n Angareirei

Te Bwai ae na taraaki N tain te reirei aei, ao ko na riai n ataa aia namakin ataei ake iai aia kanganga n rabwataia. Ko na bae n tangiria ni biti titiraki ake ko titiraki iaona n tain te Waaki ni kakukurei n te tamnei. Kabanea am ati riki iaon bwaai aika ataei a kona ni karaoia, tiaki te bwai ae aki kona ni karaoia. Ibukin rongorongo riki tabeua iaon reireinakiia naake iai aki toamaun rabwataia, taraa Teaching, No Greater Call 38–39.

Kain te tatakaro: Ataei aika uarereke a kona n aki ata aron karaoan te waaki ni kakukurei n te kaotioti. Ni kawaina riki teuana, ko kona ni kaoia bwa ana kotei mwakoron rabwataia tabeua. Te katoto, kotea wiim ao taekina, “Aio wiiu. Ko kona ni kaota nakoiu wiim?” Uboi baim ao kamoamoaia ataei. Kaokia ibukin mwakoron rabwata ake tabeua.

Waaki ni Kakukurei Aika a Kona n Rineaki

Te Katauraoi

• Ibukin te takakaro ni keeti: Uoti tenua ke aua amwarake aika kamarurung i aon te raurau, n aron uaanikai ao bukin kaai aika kakanaki. Uota te bwai teuana n rabuna te raurau n amwarake, n aron te rabuna n amwarake.

• Ibukin te waaki ni kakukurei n te kara: Karekea kaobiin te kabwarabara n te tamnei n te iteraniba 47 ibukiia ataei n tatabemaniia nako bwa a na karanna.

Te Takakaro ni Keeti

Kaotia nakoia ataei te raurau n amwarake Kotoi aitam n tatabeua nako, ao buokiia ataei bwa ana atong araia. Rabuna te amwarake n te rabuna; ao ana teuana mai buakon te aitam ao kanakoa terabuna. Kaoia ataei bwa ana ketinna bwa engaa ae bua. Te waaki ni kakukurei aio e nakoraoi riki irouia ataei aika ikawai.

Kibun te Kamate nano

Kaokioki n taekin kibun waaki ni kakukurei aikai ao kaoia ataei bwa ana raoniko:

Te aomat ae uarereke aei e nangi matuu. (katea tabonibaim teuana)

Nako aon te uninga e kawenea atuuna. (kawenea tabonibaim i aon nanoni baim are teuana)

E rabunna n te burangketi ni kakooa, (kaina te bai i aon te tabonibai)

Ao aio aron matuuna n te bong ae bwanin.

E roko te ngaina ao e kaurei matana.

Kaare rikaaki n rabun naango. (kauka baina ni kawenei tabonibaina)

E aki maan ao e teirake e kunnikainna ao e nako, (katei tabonibai ni waerake)

Tauraoi ni matangare ao ni mwakuri ao n takakaro.

Karanakin

Kariaia ataei bwa ana karana kaobiin te kabwarabwara n te tammnei iaon te ireraniba 47. N aia tai ni kara, taekinna bwa taian tamnei a kaoti kawai aika ti kona n tararuai iai rabwatara.

Kawai n Angareirei

Waaki ni Kakukurei Aika a Kona n Rineaki e kariaiakako bwa ko na kona ni kaitarai kainnanoia ataei n am kiraati n te netiurii. Ko kona n rineia ni karaoa teuana ke ni kabane, ao kona ni kaokioki n aron ae ko tangiria. Rinei waaki ni kakukurei aika a na kukurei iai ataei ao aika a na buokiia n reireiniia. Ko inaomata ni kabonganai nakon am kanganga ke kainnanoana.

Karanakin: Tiaki ni kabane ataei aika tangira te kara. Tabeman a kona ni karaoa teuana ke uoua te mwaake iaon te iteraniba. A kona n reirei man te reirei, e ngae ngkana e aki bati aia tai ni karanii.