22

Ana Boki Moomon E Reireinai Taekan Iesu Kristo

Te Kabwarabwara Ibukin te Tia Reirei

N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:

Ana Boki Moomon bon te tia kakoaua ae korakora ibukin Iesu Kristo. Iai inanona aia kakoaua burabeti ngkoa ake a kaman noora Rokona ao n ataa Ana mition. Iai naba inanona taekan Ana mwananga ae uarereke nakon aban America tabeua te tai imwiin te Manga Uti (taraa 3 Nibwaai 11–27). Te kantaninga raoi ibukin Ana Boki Moomon bon anakin nanoia aomata ni kabane “bwa Iesu bon te Kristo, te Atua ae Akea Tokina, e kaotia ngaia nakon te aonaaba” (atuun iteraniba n Ana Boki Moomon; taraa naba 1 Nibwaai 13:40–41; 2 Nibwaai 25:26.; 33:10–11).

Te Katauraoi

• Mwaakena iteranibaa 22, 94, ao 126 n te bokinreirei aei bwa e aonga ni bebete rekeia iroum.

• Uota kaobiin Ana Boki Moomon.

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuki.

Anene

Anenea kooratin te “Ukeuke, Iangoia, ao Tataro” (Aia Boki n Anene Ataei 109) ao ni karaoi mwakuri aika oti inano. Kaoia ataei bwa ana raoniko.

Ukoukoria, (aongkoa ko kauka te boki) iangoia raoi, (kotea te atu) ao tataro (booti baimi)

Bwaai aika N na karaoi. (boni kotoiko)

Te tamnei e na kairai, ao, n nano inanona, (katiku baaim iaon bwaabwaam)

I ataia bwa koroboki aika a tabu a Koaua (kotea te atu)

Tamnei

Katea ieta Ana Boki Moomon. Tuangiia ataei, “Aioa Ana Boki Moomon. Ana Boki Moomon e reireiniira taekan Iesu.” Kaoia ataei bwa ana taekina “Ana Boki Moomon.” Kauka Ana Boki Moomon ao katikua imatam.

Kaota tamnein Bungiakin te Tia Kamaiu (iteraniba 126 n te bokinreirei aei). Kotea Ana Boki Moomon ao tuangiia ataei bwa Ana Boki Moomon e reirei bwa Iesu Kristo e roko nako aon te aba.

Kaota tamnein Iesu ni kamaiuia Nibwaite (iteranbia 94). Kotea Ana Boki Moomon ao tuangiia ataei bwa Ana Boki Moomon e reirei bwa Iesu e kamaiuia aomata ake aoraki.

Kaota tamnein Iesu ni kakabwaiaia natiia te naan Nibwaite (iterania 22). Kotea Ana Boki Moomon ao tuangiia ataei bwa Ana Boki Moomon e reirei bwa e kakabwaiaia ataei Iesu.

Kabaneana

Tuangiia ataei bwa ana taekina, “Ana Boki Moomon E Reireinai Taekan Iesu Kristo,” tabeua taeka n te taina. Tuangiia bwa ko ataia bwa Ana Boki Moomon e boni koaua.

Tataro

Kaoa te ataei bwa e na anga te tataro ni kainiin.

Kawai n Angareirei

Te Katauraoi: Ngkana ko tauraoi raoi ma taian karaki, tamnei, ao takakaro imwain ae waaki te netiurii kiraati, ko na tauraoi ni kabanea am iango iaoia ataei. Tataro mwaaka n ukoukora ana kairiiri te tamnei n am tai ni katauraoi n anga reirei.

Anene: Ko kona ni kabonganai anene man te Buraimwari n angiin taian reirei ni kabwarabwaraa ke ni kakimototoa te iango. Anene n te buraimwari a buokiia ataei n reireiniia ao n uring reirei n te euangkerio. A kariaia naba ataei bwa ana kaota aia kakoaua n ae bebete man tikiraoi.

Koroboki aika Tabu: Kaukan koroboki aika tabu ao koteakiia nakoia n am tai n anga reirei e na buokia ni kaotaia ataei bwa karakinan Iesu a bane n roko man koroboki aika tabu.

Waaki ni Kakukurei Aika a Kona n Rineaki

Te Katauraoi

• Ibukin te takakaro n te baeki: Kaobiina te tamnei iaon te iteraniba 95. Koroia iaon te rain are katanetaneaki. Katikui tamnei inanon te baeki ke kaonteina riki tabeua.

  

  Ana Boki Moomon E Reireinai Taekan Iesu Kristo

  Ana Boki Moomon E Reirei bwa e roko Iesu nako aon te aba (taraa Aramwa 7:10–12).

  Ana Boki Moomon e reirei bwa Iesu e katoka te aoraki (taraa 3 Nibwaai 17:7–10).

  Ana Boki Moomon E Reirei bwa Iesu e kakabwaiaia ataei (taraa 3 Nibwaai 17:21–24).

• Ibukin te boki: Karekea kaobiin te iteraniba 95 ibukiia ataei n tatabemaniia bwa ana karanna.

  

Kibun te Kamate nano

Kaokiokii n taekin kibun waaki ni kakukurei aikai ao kaoia ataei bwa ana raoniko:

Wareka Ana Boki Moomon (moanna man botakin baimi ni kabane, ao imwiina kaukia kanga te boki)

Warekia ni katoa bong.

Imwain ae ko wakina am kamatebwai, (kotea te atu)

Tai mwaninga n tataro. (booti baimi)

[Terri Clark, “Wareka Ana Boki Moomon,” Te Rao, Maati. 2004, 11]

Te Takakaro n te Baeki

Tuanga te ataei bwa e na rinea te tamnei man te baeki ke te kaonteina. Wareka te taeka are iaon te tamnei nakoia ataei. Kaokiokia ni karokoa a bane n tia ni karekea aia tai ataei ake a tangiria ni karaoia.

Boki

Tuangiia ataei bwa ana karana kaobiin te tamnei iaon te iteraniba 95. N aia tai ni kara, tatetae nakoia ibukin kamataata n te tamnei. Kotea Iesu n taian tamnei n tatabeua nako. Ngkana a tia, rukum n iri rain ake a katanetaneaki ni karaoa te boki. Ngkanne wareka te boki nakoia ataei.

Kawai n Angareirei

Waaki ni kakukurei: Kateimatoaia ataei bwa ana tabetabe man kabonganakin waaki ni kakukurei aika kakaokoro. Aio tao te kabanea n tamaroa ni kawai ibukin totokoan katei ni kamangao. (Taraa Teaching, No Greater Call 72, 80.)

Ataei aika uarereke a kai anaaki nanoia n te bwai teuana. Ngkana temanna te tia kairiiri n te netiurii e anga reirei ke ni kaira te waaki ni kakukurei, te tia kairiiri are temanna n te netiurii e kona n ibuobuoki ni katabetabeia ataei nakon te waaki ni kakukurei. Anganakin te ataei bwa e na taua te bwai teuana e kona naba ni buoka teuanne ke neienne n tiku n rangin n ibuobuoki n tain te waaki ni kakukurei.