Au Utu a Kona n Ikotaki n Aki Toki

Te Kabwarabwara Ibukin te Tia Reirei

N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:

E a tia Tamara are i Karawa ni karekea te anga ibukin te reitaki n te utu bwa e na waaki nako imwiin te maiu aei. Ngkana kaain te utu a kabaeaki n te tembora ao ni kakaonimaki ni kawakin tuua, a kona n ikotaki bwa te utu ae akea tokina ao ni maeka ma Tamara are i Karawa. (Taraa Mataio 16:19; D&C 138:47-48.)

Te Katauraoi

Ngkana e kona, uota tamnein te tembora n am aono.

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuki.

Te Tamnei

Kaota tamnein te tembora n am aono (ke kaota te tamnei iaon te iteraniba 58). Tuangiia ataei bwa aio tamnein te tembora. Kabwarabwara te tamnei nakoia, ni kotea te bwai ae kakang, wintoo, mataroa, ao a mwaiti riki. Tuangiia bwa ana kaokioka te taeka “tembora” tabeua te tai. Tuangiia bwa aongkoa ngaia te tembora ae tikiraoi man ikotakin baai ni kabane iaon atuia ni karaoa ana tibwaea te tembora.

Anene

Kaoia ataei bwa ana tei. Anene ke taekin taeka nakon “I Tangiria n Noora te Tembora” (Aia Boki n Anene Ataei 95) ao ni karaoi mwakuri aika oti inano. Kaoia ataei bwa ana raoniko.

I Tangiria n Noora te Tembora (booti tabonibai ni kabane ni karaoa te bwai ae kakang)
N na nako ikekei n te taina (nakonako n onea mwiina)
N namakina te Tamnei ae Raoiroi, (katikui baai iaon bwabwaam)
Ni kakauongo ao n tataro. (booti baimi)

Tuangiia ataei bwa te tembora bon ana auti te Uea. Kaoia bwa ana taekina, “Ana Auti te Uea.” Katuruturua n taekinna bwa te tembora bon te tabo ae rangin n onoti; ibukin te tembora, ara utu a kona n riki bwa utu aika akea tokiia.

Kibun te Kamate nano

Kaokiokii n taekin kibun waaki ni kakukurei aikai ao kaoia ataei bwa ana raoniko:

Aio Tinau. (katea te bai ieta; kotea te bubuanibai)
Aio te Tama. (kotea te tabonibai te intekiti)
Aio te Tari rietata. (kotea te tabonibai are i nuuka)
Aio Titita. (kotea te tabonibai ae iai te mwamwa iai)
Aio te Teei. (kotea te tabonibai ae uarereke)
O, tikanga n tangiriia ni kabane. (taui baim ni kauaai nakon bwabwaam)

Anene

Anenei ke taekin moan rainin te koorati ake uoua “Utu a Kona n Riki Bwa Utu aika Akea Tokiia” (Aia Boki n Anene Ataei 188):

Utu a kona n riki bwa utu aika akea tokiia

Rinanon ana baire te Tama are i karawa.

Kaoia ataei bwa ana kaokioki rain aikai ma ngkoe tabeua te tai ni karaurau.

Kabaneana

Kakimototoa n tibwaua am namakin ibukin te tembora. Tibwaua am koaua bwa a kona utu n riki bwa utu aika akea tokiia.

Tataro

Kaoa te ataei bwa e na anga te tataro ni kainiin.

Waaki ni Kakukurei Aika a Kona n Rineaki

Te Katauraoi

Ibukin te kibu n te waaki ni kakukurei: Kaobinna ao korei taore baai iaon te iteraniba 59 ke kabongana te taore are ko karaoia ibukin te waaki ni kakukurei n te iteraniba 12. Karana te taore ngkana e tangiraki.

Au Utu a Kona n Ikotaki n Aki Toki

Kaobiia te iteraniba aei ao taore baai iaon te rain ae matoatoa ma n ineti. Rukumma iaon rain aika katanetaneaki. Ngkanne teibin rarikina, ao ni kauka mataniwiina are inano bwa aonga ataei ni katuka te taore iaon baia.
Ibukin te takakaro ni keeti: Kaobinna ao koroi tamneia utu iaon te iteraniba 51 ke kabonganai tamnei ake ko katauraoi ibukin te reirei 11. Uota te bwai teuana n rabun taian ware, n aron te burangketi ke te kunikai. Ngkana ko kona ao uota tamnein te tembora n am aono.
Ibukin te waaki ni kakukurei n te kara: Kaobiia ao koroi mronron iaon te iteraniba 59 ibukiia ataei n tatabemaniia. Karina te karai ke te kora ma ieta n te mnronron aika uoua ni karaoia bwa te mwae n roroa.

Te waaki ni kakukurei n te tabonibai

Tuangiia ataei bwa ti riai ni katauraoi n nako n te Tembora. Tuangiia bwa ana tabeki tabonibaiia aika nimaua ieta, ao buokiia bwa ana karinani n tabonibaiia nimaua bwaai aika kona ni karaoi ni katauraoia n nako n te Tembora ngkana a ikawai (tataro, karineia kaaro, tangiriia tabeman, nanako n taromauri, toui mwiia burabeti, ao aiarona naba). Te waaki ni kakukurei aio e ti katauaki ibukiia ataei aika ikawai.

Kibun te Kamate nano

Manga kaoka kibun te waaki ni kakukurei iaon te iteraniba 56, te tai aei kabongana te taore te bai.

Te Takakaro ni Keeti

Katuka tamnei te utu i aon tano irarikin tamnein te tembora (are ko uotia ke are i aon te iteraniba 58. Rabuna te ware n te burabgketi ke te kunikai. Kanakoa teuana te taore. Kanakoa te kunikai ao tuangiia ataei bwa antai ae bua. Manga kaoka te ware are bua nakon nne na ao tuangiia ataei bwa Tamara are i Karawa e tangiriia utu ni kabane bwa ana ikotaki n aki toki, n akea remanna ae bua. Te waaki ni kakukurei aei e katauaki ibukiia ataei ake aikawai.

Karanakin

Kaoia ataei bwa ana karana te te mwae n roroa are ko katauraoia. N aia tai ni kara, lakorakora te moan tua bwa ibukin te tembora, utu a kona n riki bwa utu aika akea tokiia.