29

E a Mangauti Iesu Kristo (Itita)

Te Kabwarabwara Ibukin te Tia Reirei

N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:

Ibukin Bwakan Atam ao Eewa, ngaira ni kabane ti na bane ni mate. Ngkana ti mate, rabwatara, ao tamneira ana mae nako. Ngkana Iesu Kristo e a mangauti, Rabwatana na Tamneina a na manga uaia n ikotaki, n aki kona ni manga mae nako riki. Ibukin Ana Mwakuri ni Kamaiu Iesu Kristo, ngaira ni kabane ti na bane ni mangauti (taraa 1 I-Korinto 15:22; Aramwa 11:42–45). Ataakin ao te kakoaua n te Mangauti e anganiira te kimwareirei ao te kantaninga (taraa Itaia 25:8; Aramwa 22:14).

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuki.

Karaki

Katea ieta te tamnei iaon te iteraniba 122. Kotoi kabwarabwaraana n te tamnei ngkana ko karakina rongorongon Mangautin te Tia Kamaiu n ae bebete (taraa Ioane 19:41–42; 20:1, 11–16). Aikai bon katooto:

Ngke e mate Iesu, Raoraona a rangin n nanokawaki (tuangiia ataei bwa a na kaoraoa te mata n nanokawaki). A katuka rabwatan Iesu n te bwanganimatang, ae ti tebo ma te nono (kotea te bwanganimatang n te Tamnei). Te atibu ae bubura e karabinoaki nako i matan te mataroa (tuangiia ataei bwa angkoa a karabinoa te atibu ae bubura, ao n rawawata). Imwiin tenuua te bong (tuangiia ataei bwa ana katei tennai baia), uoman anera a karabinoa nako te atibu. E a manga oki ni maiu Iesu! (Kotea Iesu n te Tamnei.) E a mangauti (buokiia ataei n atonga “mangauti”). Raoraon Iesu a bane ni kukurei! E a maiu, ao E na bon aki manga mate riki!

Maria bon temanna raoraon Iesu (kotea Maria n te Tamnei). E rangin n nanokawaki ngke E mate. Ngke e a mangauti Iesu, Maria ngaia te moan aomata ae Nooria. E rangin ni kukurei bwa e a maiu Iesu (tuangiia ataei bwa ana karaoa te mata ae kukurei).

Jesus and Mary by the tomb

Tuangiia ataei bwa ibukin Iesu, aomata ni kabane ana manga uti ao ni maiu n aki toki. Tuangiia ataei bwa ana manga karaoa te mata ae kukurei.

Anene

Anenea ke taekin moan kibun “E koaua bwa e a manga maiu riki Iesu?” (Aia Boki n Anene Ataei 64) ao ni karaoi mwakuri aika oti inano. Kaoia ataei bwa ana raoniko.

E koaua bwa e a manga maiu riki Iesu?

Eng, ngke e roko te katenua ni bong, (katei nako eeta tenua baai)

E uti ao e kitana te bwanganimatang;

E wetea aran Maria. (booti baai)

Kabaneana

Kaoa te ataei bwa e na taekina, “E a mangauti Iesu Kristo,” teuana ke uoua te taeka n teuana te tai. Tibwauaia ni kakimototoa ma ataei am kakoaua bwa e mangauti Iesu Kristo.

Tataro

Kaoa te ataei bwa e na anga te tataro ni kainiin.

Kawai n Angareirei

Iesu Kristo: A mwaiti katei aika iai inanoia katein te Itita ake a kakukurei ibukiia ataei ma e uarereke ibukin Ana Mwakuri ni Kamaiu Iesu Kristo. Kabotoa te reirei n te Itita aei iaon te Tia Kamaiu, ao bokiia ataei ni karikirakea aia tangira Ibukina. Reireiniia bwa ana kimwareirei n te bwaintituaraoi ae kakawaki ae E a tia n anganiira, n aron te Mangauti ao Ana reirei ao ana katooto aika kororaoi.

Anene: Tabeman ataei ana bae n aki anene ma ngkoe. E ngae ngke a ti karaoi mwakuri ke n ti taratarai man kakauongo nakoim, a kona n teimatoa ni kukurei n taian anene ao n reirei ma iai.

Te Kakoaua: Kabwarabwaraa am kakoaua n te kawai ae bebete, man bwarabwara raoi; te katoto: “I ataia bwa e mangauti Iesu Kristo.”

Waaki ni Kakukurei Aika a Kona n Rineaki

Te Katauraoi

• Ibukin te karaki: Kaobiina te tamnei are iaon te iteranbia 123. Karanii ao katikui iaon beeba aika rawawata, ngkana e kainnanoaki. Korei ni kabane tamnei ao korea nako te mataroa ae uki n te bwanganimatang n ira te rain are e katanetaneaki.

  coloring page, Resurrection illustration

• Ibukin te waaki ni kakukurei n te kara: Karekea kaobiin te iteraniba 123 ibukiia ataei n tatabemaniia. Koroi tamnei n tatabeua nako ao korea nako te tabo are e uki ni mataroan te bwanga ni matang.

Anene

Kaoia ataei bwa ana tei n te mronron ao n taui baia. Anenei ke taekin taeka aikai “E A Uti Iesu” (Aia Boki n Anene Ataei 70) ao ni karaoi mwakuri aika oti inano:

E a uti Iesu, (nakonako n te mronron)

Iesu, raoraora.

E onrake nanora n te kimwareirei; (katokia ao katokai baim iaon buroom)

E a manga maiu.

Kaokiokia n aron are a tangiria ataei.

Te Karaki

Karakina riki rongorongon Mangautin Iesu Kristo, ni kabongana n te tai aei te tamnei are ko a tia ni koroia. Mainano bon te katooto:

(Moanna ma tamnein Iesu n tei ni kainetia ao te atibu ngke e rabino nako man te bwanganimatang.) Ngke e mate Iesu, rabwatana e wene n te bwanganimatang (kawenea tamnein Iesu i [irarikin] te bwanganimatang). Te atibu ae bubura e rabinonako nako matan te mataroa (karabinoa te atibu imatan te tabo are e uki n te bwanganimatang). N te katenua ni bong uoman anera a roko ao a karabinoa nako te atibu (karabinoa nako te atibu man te tabo are e uki). Iesu e mangauti (katea tamnein Iesu ni kainetia nako eeta). Tamneina ao Rabwatana a manga ikotaki riki! [Taraa Susan Payson, “Easter Story,” Te Rao, Eberi. 1995, 32–33.]

illustration diagram

Karanakin

Anganiia ataei te tamnei are ko a tia ni koroia ibukiia. Kaotia nakoia bwa a na kanga ni kabongana te tamnei n rinanon karakinan Mangautin te Iesu. Te waaki ni kakukurei aei e kaineti riki nakoia ataei aika a ikawai riki.

Kawai n Angareirei

Waaki ni Kakukurei Aika a Kona n Rineaki a katauraoki ibukim ni karinna n te reirei ngkana e kainnanoaki. Ngkana bwaai aki tauraoi nakoim, ko kona n onea mwiina n te bwai teuana ae ti tebo ma anne.

Karaki: “Ataei aika uarereke a kukurei n taian karaki aika kaokiokaki. Ngkana ko kaokioka te karaki, moanna ao titiraki, ‘Tera ae riki imwiina?’” (Teaching, No Greater Call 181–82). Kaoa temanna mai buakoia ataei ake a ikawai bwa e na kabonganaa te bwai ni katooto ke te Tamnei iaon te iteranibaa 122 n taekina te karaki ibukin te manga uti nakoia ataei ake a uarereke riki n te netiurii kiraati. Anganano n ibuobuoki ngkana e riai.

Bwaokin te Waaki ni kakukurei Iangoia ni karaoa te bwaoki ni waaki ni kakukurei ni kawakinna n te netiurii. E kona kanoana bwaai ni kara ibukin waaki ni kakukurei ao bwaai riki tabeua ake ko karaoi ke ake ko kabonganai ibukin waaki ni kakukurei. Ngkanne ko kona ni kaokioki waaki ni kakukurei akanne nakon taai aika na roko n te netiurii kiraati ni mangarinanoi reirei ake mai imwaaina. Te tutuo aei e kona ni karaoaki n taai n aki akaaka n tain te netiurii kiraati.