Bwaai n Ibuobuoki Riki Tabeua ibukin Reireinakiia Ataei
Reirei 4: Tamara are i Karawa ao Iesu Kristo a Tangirai

4

Tamara are i Karawa ao Iesu Kristo A Tangirai

Te Kabwarabwara Ibukin te Tia Reirei

N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:

Tamara are i Karawa ao Iesu Kristo iai aia tangira ae kororaoi ibukira n tatabemaniia nako. A tangirira imwaiin ae tiroko nakon te aonaaba aei; A teimatoa n tangirira ngkai; ao Aia tangira ae korakora ibukira e aki bibitaki. N tain karaoan ana mwakuri i aonteaba, te Tia Kamaiu e kaota ana tagira ae korakora ibukiia ataei n aron kainnanoia (taraa Mataio 18:5, 10; Mareko 10:13–16; 3 Nibwaai 17:11–24).

Te Katauraoi

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuki.

Kaetieti Ibukin Reirei

Tuangiia ataei bwa ko tangiriia, ao kakimototoa am taeka ibukiia aomata tabeman ake a tangiriia, n aron aia karo, tarim ao mwanem, tibum, ao a mwaiti riki. Kabwarabwara bwa iai riki uoman aika a rang n tangiriia riki mai buakoia ni kabane—Tamara are i Karawa ao Iesu Kristo. Tuangiia ataei, “Tamara are i Karawa ao Iesu Kristo e ataia bwa antai ngkoe. Ataa aram, ao A tangiriko.” Kotea te ataei temanna, ao kaangai, “Tamara are i Karawa ao Iesu a tangira [aran te ataei].” Kaokia ibukiia ataei n tatabemaniia.

Kibun te Kamate nano

Kaokiokii n taekin kibun waaki ni kakukurei aikai ao kaoia ataei bwa ana raoniko.

Tamara are i Karawa e ataai (Bon koteiko)

Ao tera ae I tangiria ni karaoia.

E ata arau ao te tabo are i mena iai. (ikoti tabonibai karaoia kanga aiaron taubukin te auti)

I ataia bwa e tangirai naba. (rabwatiko)

Te Karaki man Korobokii Aika Tabu

Katea ieta te tamnei i aon te iteraniba 22. Tuangiia atei bwa ti reiakinna man booki aika tabu bwa Iesu e tangiriia ataei. Kauka ana Boki Moomon ao kakimototoa te karaki ibukin Iesu Kristo ngke kakabwaia natiia i Nibwaaite (3 Nibwaai 17:11–12, 21–24). Ae mainano bon te katooto:

Iesu e reireiniia aomata (kotea Iesu n te tamnei). E tuangiia bwa ana uotiia ataei nako Ina (koteia ataei n te tamnei). A tekateka i aon tano ni Katobibiia, ao Iesu e katoro bubua ao e tataro (tuangiia ataei bwa ana katorobubua ao ni bobaraaki). Imwiina e kakabwaiaia ataei n tatabemaniia, temanna imwiin temanna. E karaoa aei Iesu bukina bwa E tangiriia ataei (tuangiia ataei bwa ana irabwati irouia).

Tamnei
Jesus with Nephite children

Anene

Anene ke taekin taeka aikai “I Namakina Ana Tangira Au Tia Kamaiu” (Aia Boki n Anene Ataei 74–75) ao ni karaoi mwakuri aika oti inano. Kaoia ataei bwa ana raoniko.

I namakina ana tangira au Tia Kamaiu (katokai baai iaon bwabwa)

N te aonaaba ni kabane irarikiu. (Kaeti baai ni karababai) …

I namakina ana tangira au Tia Kamaiu, (katokai baim iaon buroom)

Te tangira ae e anganai ma te koaua. (boni kotoiko)

Kabaneana

Tibwaua am koaua ma ataei bwa Tamara are i Karawa ao Iesu Kristo a tangirira n tatabemaniira nako. Tuangiaa ataei bwa ana kaokioka n taekina te kibu n taeka, “Tamara are i Karawa ao Iesu a tangirai,” tabeua taeka n te taina.

Tataro

Kaoa te ataei bwa e na anga te tataro ni kainiin.

Waaki ni Kakukurei Aika a Kona n Rineaki

Te Katauraoi

  • Te tirotaam ibukin te waaki ni kakukurei: Uota te tirotaam ae uarereke ae bon tau buburana ni kona noora ubuia iai ataei.

  • Ibukin te waaki ni kakukurei n te tamnei: Uoti aua ke nimaua tamnein bwaai ake e a tia Tamara are i Karawa ni kakabwaiaira iai, n aron te utu, te mweenga, aroka, booki aika tabu, ao aia arona naba. Ko kona ni kabonganai tamnei man ana mekatiin te Ekaretia, kaobiin tamnei man te boki aei, ke tamnei aika uarereke aika ko boni kona ni korotamnei.

  • Ibukin te waaki ni kakukurei n te kara: Karekea katoton ao korea te tamnei n te iteraniba 23 ibukiia ataei bwa ana karanna (teuana te mronron ibukin temanna te ataei). Te karai ke te kora rinanon taia ni mnronron ma ieta bwa e na riki n aiaron mwaen te roroa.

    Tamnei
    coloring page, boy’s face and girl’s face

    Tamara are i Karawa ao Iesu Kristo a tangirai

Te Tirotaam Ibukin te Waaki ni Kakukurei

Katekatekaiia ataei n te kamronron. Nakonako inanon te mronron ma te tirotaam, ao kariaia ataei n tatabemaniia nako bwa ana taraa neienne ke teuanne ubuna. Ngkana atia ataei ni kabane n taraa te tirotaam, tuanga te ataei bwa e na taekina neienne ke teuanne arana (ngkana te ataei e kona). Ao taekina ngkanne, “Tamara are i Karawa ao Iesu a tangira [aran te ataei].”

Tamnei

Katukui tamnei ake ko atia ni uoti n taabo aika kakaokoro inanon te ruu. Tuangiia ataei bwa Tamara are i Karawa ao Iesu Kristo a tia n anganiira kakabwaia aika mwaiti bukina bwa a tangirira Kaoia bwa ana nakonako mang ngkoe nakon taian tamnei, ao buokiia n taekina aran te kakabwaia are tei ibukina. Kaoia bwa ana karaoa te mwakuri ae irekereke ma te kakabwaia anne (aongkoa wareki booki aika tabu, aongkoa ngkoe te aroka, ao aiarona naba). Kaokia ibukin tamnei aika tabeua.

Kibun te Kamate nano

Kamate nanoa waakin te waaki ni kakukurei iaon iteraniba 9.

Karanakin

Kariaia ataei bwa ana karanii mwae n roroa aika ko atia ni katauraoi ibukiia. Wareki nakoiia taeka ake i aon te bwai ni kairiiri.

Boretiia