1

Ngai Natin Te Atua

Te Kabwarabwara Ibukin te Tia Reirei

N te aro bwa ko na tauraoi n te tamnei n anga te reirei aei, taiaoka warekii ao iangoi bwaai aikai:

Ngaira n tatabemaniira nako bon te nati te mwaane ao te nati te aine n tamnei iroun Tamara are i Karawa aika tangiraki. Ti maeka mangaiia i mwain ae ti bungiaki. Tamara are i Karawa e atai arora nako ao e tangirira. (Taraa Taian Areru 82:6; Makuri 17:28–29; Ebera 12:9.)

Te Katauraoi

• Uota kaobiin booki aika tabu. Mwakena Taian Areru 82:6 ao Moote 1:39 n te aro bwa e na bebete rekeia iroum.

• Mwaakena te iteraniba 99 n te bokinreirei aio bwa e aonga ni bebete rekena iroum.

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuuki.

Anene

Anene ke taekina te moani kibu “Ngai Natin Te Atua” (Aia Boki n Anene Ataei 2):

Ngai Natin Te Atua

Ao e kanakomaia.

Kaokia uoua ke teniua te tai, kaoia ataei bwa ana anene ma ngkoe.

Koroboki aika tabu

Tuangiia ataei bwa iai tinaia ao tamaia i aonteaba aika tangiriia. Tuangiia bwa iai naba Tamaia are i Karawa ae ataia ao e tangiriia. Kauka te Bwaibara nakon Taian Areru 82:6 ao warekia, “Ngkami ni kabaneingkami bon natin te [Atua].”

Te Karaki man Korobokii Aika Tabu

Kaoti bwarabwaraan tamnein Moses iaon te iteraniba 99 (kona bae n tangira kabwarabwaraan te tamnei are teuana i aon teiteraniba aei bwa e na buokiia riki ataei ni katuruturua aia iango iaon Moote). Kabwarabwaraa bwa Moote bon te burabeti ae korakora ae maiu n taai aika nako. Tuangiia ataei bwa e nakon te maunga Moote n tataro. Kaoia ataei bwa aongkoa a tamwarakea te maunga; imwiina tuangiia bwa ana booti baiia aongkoa a tataro. Kauka te Pearl of Great Price nakon Moses 1:4 ao taekina, “E tetae te Atua nakon Moote, ‘Mangaia, aei bon natiu ngkoe.’ ” Kabwarabwaraa bwa e a ataia Moote ae ngaia bon natin te Atua.

Kaokan Karaoan Waaki ni Kakukurei

Kaoa te ataei bwa e na tei irakim i mataia kaain te kiraati.

Taekina: “Aei [aran te ataei].”

Tuangiia ataei bwa ana kaokia n taekina aran te ataei.

Taekina: “[Aran te ataei] bon natin te Atua.”

Tuangiia ataei bwa ana kaokia n taekina: “[Aran te ataei] bon natin te Atua.”

Kaoka karaoan te waaki ni kakukurei ibukin te teei temanna n te netiurii. Ngkana te netiurii kiraati e bubura, ko kona ni kateia ataei uoman n teuana te tai ke ko kakimomotoa te waaki ni kakukurei ngkana e riai.

Te Tamnei

Katea ieta te tamnei i aon teiteraniba 10 , kotea te tamnei nakon te ataei, ao titirakinna, “Te aomata aei natin te Atua?” Katoua atuum ao kangaai eng. Kaokia ibukiia ataei inanon te tamnei . Imwiina bon koteiko ao titiraki, “Natin te Atua ngngai?” Katoua atuum ao kangai eng. Katuruturua bwa ni kabane bon natin te Atua ao E ataira ao e tangirira ni kabane.

Kabaneana

Tibwaua am koaua bwa ngaira ni kabane bon natin te Atua ao e ataira ao e tangiriira.

Tataro

Kaoa te ataei bwa e na anga te tataro ni kainiin.

Kawai n Angareirei

Anene: Kabongana te anene n reirei reirein te euangkerio ao kaoa te Tamnei. Tabeman mai buakoia ataei ana bae ni kataia n anene ma ngkoe, ma angiina ana bon ti mataku ngkana ko anene. A reiakin anene man aia kakauongo, ao a kukurei nakon taia n anene e ngae ngke aki anene.

Aara: Ataein te netiurii a kukurei n ongo oin araia ao ni kukurei n riki ngaiia bwa kaain te reirei. Kaotia nakoia ataei bwa ko tangiriia man reiakinan araia ao kamoamoia man aia mwakuri are a karaoi.

Tataro: Ngkana e kainanoa buokana te ataei n tataro, waekoa ni buoka nienne ke teuanne ma taeka aika uarereke, ma ni bebete bwa e na kaokioki. A kona ataei aika a ikawai riki n tataro n oin aia taeka.

Waaki ni Kakukurei Aika a Kona n Rineaki

Te Katauraoi

• Te boutita ibukin waaki ni kakukurei: Kaoia kaaro bwa ana uoti tamneiia natiia nakon te netiurii (tao ana bae n tia ni karekea tamnei aei n ana moantai te ataei ni kaaina te netiurii kiraati; taraa iteraniba 7). Ietan mwakoron te boutita n te burakibooti, Korea, “Ngai Natin te Atua.” Katuka te mwaawa ae abwabwaki ibukin tamneiia ataei.

• Ibukin kamatataan waaki ni kakukurei n te tamnei: Karekea kaobiin tamnei iaon iteraniba 11 bwa e aonga n ae a toa ataei n tatabemaniia nako.

  

  Ngai Natin Te Atua

Kibun te Kamate nano

Kaoia ataei bwa ana tei ao ni karaoi kibun te kamate nano aikai ma ngkoe:

Ngkana koa bon rangin n abwabwaki, (ka anaanaui ao karokoi baim ieta)

Tamam are i Karawa e atia ao e tangiriko.

Ngkana ko rang ni uarereke, (kabwaoua i nano)

Tamam are i Karawa e ataiko ao e tangiriko.

Ananau, (Kaetia nako eta)

Uarereke, (Bwaoua inano)

Ananau, (kaetia nako eta)

Uarereke, (bwaoua inano)

Tamara are i Karawa e ataia ao e tangirira ni kabane.

Te Boutita

Kanim tamneia ataei nakon te boutita are ko a tia ni katauraoia. Wareka atuun te boutita nakoia ataei ao kauringiia bwa ngaira ni kabane bon natin te Atua. Kaota te boutita ni katoa wiiki ao karin tamnei nako iai ngke ataei ake tabeman a karin n te netiurii.

Te Kabwarabwara n te tamnei

Anganiia ataei n tatabemaniia nako kaobiin teuana te tamnei iaon te iteraniba 11. Tuanga te ataei bwa e na kotoi iteran taian ubu aika kakaokoro (n aron maata, te wii, ao a mwaiti riki). Kariaia ataei bwa ana karana te tamnei, ngkana e kainnanoaki.

Kawai n Angareirei

Karaoan taian kaobii: Ngkana ko aki kona ni karekea te mitiin ni kaobi, katuka te beeba ae akea korobokiana iaon taian tamnei ao koroia n te bentira ke te kainikoroboki.

Karanakin: Tiaki ni kabane ataei ae a kukurei n te kara. Tabeman ana bae ni karana teuana ke uoua te mwaake iaon te iteraniba. Te kantaninga ibukin te kamatatata n te tamnei n te reirei aei bwa e na anganiia ataei te kabwarabwara n te tamnei are a na kona n taui ao ni uoti nakon mweengaia. E aki kakawaki bwa a karana te tamnei ma te rabakau.