3

I Kona n Tataro nakon Tamara are i Karawa

Te Kabwarabwara Ibukin te Tia Reirei

N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:

Rinanon te tataro ti kona n taetae ma Tamara are i Karawa. Ti tuangnga bwa ti tangiria, ti kaitaua ibukin kakabwaia, ao ti bubuti ibukin buokara iboni iroura ao ibukiia tabeman aika kainnano. Ti kabanea ara tataro n aran Iesu Kristo. Te tataro bon teuana man kakabwaia aika korakora aika tia tia ni karekea ikai i aonteaba. (Taraa Mataio 6:9–13; Aramwa 34:18–27; 3 Nibwaai 18:19–21.)

Te Katauraoi

• Uoti bwaai tabeua aika uarereke ke tamnei n onea mwiin bwaai aika ti kakaitau iai ibukina (n aron kunikai, amwarake, Booki aika tabu, ao ai arona naba) n te baeki ae bubura. Korea “Ti Karabwako ” i aon te baeki. Ana te baeki are teuana ma aitam ke tamnei n onei mwiin bwaai aika tina bae ni bubuti ibukina n ara tataro (n aron te utu ae kakukurei, rabwata aika korakora, tangira, ao ai arona naba). Korea “Taiaoka Kakabwaiaira” i aon te baeki.

• Mwakena te iteraniba 106 n te bokinreirei aei ba e aonga ni bebete rekena iroum.

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuki.

Tamnei

Kaota tamnein te ataeinimwaane Iesu ngke tataro (iteraniba 18). Tuangiia ataei bwa aio tamnein Iesu e tataro ngke uarereke. Kaota tamnein te ataei ae tataro n te (iteraniba 18). Kabwarabwara bwa ngkana ti tataro ao ti taetae ma Tamara are i Karawa; ti moanna moa n taekina, “Tamara are i Karawa.” Kaoia ataei bwa ana taekina, “Tamara are i Karawa.”

boy Jesus praying

children praying

Tuangiia ataei bwa are imwiina tina karabwa ibukin ara kakabwaia. Angan te ataei temanna bwa e na rinea te bwai man te baeki ae koreaki i aona “Ti Karabwako.” Taekinna, “Ti karabwako ibukin [aran bwaai aika e atia n rinei te ataei].” Kaoia ataei bwa ana taekina, “Ti karabwako.” Kaokioka te waaki ni kakukurei aio ni karokoa ae a bane aitam n rineaki. Imwiina tuangiia ataei bwa are imwiina tina bubutia Tamara are i Karawa ibukin kakabwaia, ao kaokioka te waaki ni kakukurei ma te baeki ae korobokiaki “Taiaoka Kakabwaiaira.” Kaoia ataei bwa ana taekina, “Taiaoka kakabwaiaira.”

Kaota tamnein Iesu i aon te iteraniba 106. Tuangiia ataei bwa tina kaina ara tataro n taekina, “N aran Iesu Kristo, amen.” Kaoia ataei bwa ana taekinna ma ngke.

Jesus Christ

Kibun te Kamate nano

Kaokiokii n taekin kibun waaki ni kakukurei aikai ao kaoia ataei bwa ana raoniko:

I waaki man taekinan, “Tamara are I Karawa.” (katea baim teuana—katei tabonibai ieta inanon tain waakinan kiibun te waaki ni kakukurei)

I kaitaua ibukin kakabwaia ae anga; (Tabeka ieta te kauoua n tabonibai)

Ao i butiia ma te nanorinano ibukin bwaai ake i kainanoi, (tabeka ieta te kateniua n tabonibai

N aran Iesu Kristo, amen. (tabeka ieta te kaaua n tabonibai)

[“I tataro ma te onimaki,” Aia Boki n Anene Ataei 14]

Kabaneana

Kauringiia ataei bwa ngkana a tataro ao a bon taetae nakon te Tama are i Karawa. Tibwaua am kakoaua bwa e ongo ara tataro Tamara are i Karawa.

Tataro

Kaoa te ataei bwa e na anga te tataro ni kainiin.

Kawai n Angareirei

Tataro Ko kona riki ni karaoa ae mwaiti ni buokiia ataei n namakina te karinerine ngkana a katauraoi ibukin te tataro. Te katoto, kauringia bwa ana tekateka raoi ao ni booti baiia. Ko kona naba n reireiniia taekan te tataro, buokiia bwa ana kabonganai taeka ni karinerine n aron Ngkoe, Ngkoe, Am bwai, ao Am bwai Nakon ngkoe ao ngkoe. Ni karokoa ae a kona ni kabonganai oin aia taeka, ko a kona n onimakiniia ngkana a tataro.

Karekea te kaeka: Tein te bwanaa, tarakiia, ao kateim a rangin ni kakawaki ngkana ko angareirei. Ngkana ko tuatua ibukin te kaeka, tara te ataei, ao n te bwanaa ae anainano taekina te bwai n aron, “Ko kona n taekina, ‘Ti Karabwako’?” Kamoamoa ataei ibukin iriia.

Te Kakoaua Kaota am koaua n te kawai ae bebete, n te kawai ae uarereke; te katoto: “I ataia bwa Tamara are i Karawa e ongo ara tataro.”

Waaki ni Kakukurei Aika a Kona n Rineaki

Te Katauraoi

• Ibukin te waaki ni kakukurei ibukin raibaean te booki: Karekea kaobiin te tamnei n te iteraniba 19. Karanna ngkana e kainnanoaki. Karaoa bwa te boki n tamnei ni koreia iaon rain aika turu riki ao n rukuma iaon te rain ae katanetaneaki.

  coloring page, prayer flip book

  I waaki man taekinan, “Tamara are i Karawa.”

  I karabwaa ibukin kakabwaia.

  I butiia ibukin Ana kakabwaia.

  N aran Iesu Kristo, amen.

  I Kona n Tataro nakon Tamara are i Karawa

• Ibukin te karaki man koroboki aika tabu: Wareka Enoti 1:1–8 ao tauraoi ni kakimototoa te karaki aio ibukiia ataei. Uota kaobiin ana Boki Moomon. Mwakena Enoti 1 bwa e aonga ni bebete rekena iroum.

• Ibukin te waaki ni kakukurei n te kara: Karekea kaobiin te kamataata n te tamnei are iaon te iteraniba 19 ibukiia ataei bwa a na karanna. Korei n irii rain ake a turu taneia imwain ae moanaki te netiurii.

Te Boki n Tamnei

Kaoka te kaetieti iaon te iteraniba 16 ibukin taeka ake ti taekin ngkana ti tataro, n te tai aei ao kabongana te boki n tamnei are ko a tia ni katauraoia. Ngkana ko kabwarabwarai iteran nako te tataro, tabekaarake kaitaraan baana ke kaoa te ataei bwa e na tabekarake baana. Ko kona naba ni kabongana te boki n takakaro n am tai ni kamqte nanoi kibun te kamate nano iaon te iteraniba 16. Ko na bae n tangiria ni kawakina te boki n takakaro ao ni kabongana n tain te netiurii kiraati inanon wiiki aika ana roko.

flip book diagram

Te Karaki man Korobokii Aika Tabu

Kauka Ana Boki Moomon nakon Enoti 1 ao taekina karakinan Enoti nakoia ataei ngke e tataro. Mai nano bon te katoto:

N te bong teuana ao e nako Enoti nakon te buakonikai (tuangiia ataei bwa ana tabekirakei baiia aongkoa kaai) ni kamwaneia maan (tuangiia bwa aongkoa a katebe). N ana tai n tiku n te buakonikai, e tataro nakon Tamara are i Karawa (tuangiia ataei bwa ana katoro bubua aongkoa a tataro; kabanea te karaki inanon aia tai ni katoro bubua). Tamara are i Karawa e kaeka ana tataro, ao e kukurei Enoti. E ataia bwa Tamara are i Karawa e na kakabwaia.

Taekinna, “I kona n tataro nakon Tamara are i Karawa.”Kaoia atei bwa ana taekinna ma ngkoe, tabeua taeka n teuana te tai.

Karanakin

Kariaia ataei bwa ana karana kaobiin te tamnei i aon te iteraniba 19. Ngkana a tia, ao rukumma iaon rain ake a katanetaneaki.

Kawai n Angareirei

Ataei aika ikawai: Iangoia ni kaoia ataei aika ikawai bwa ana buokiko n reireiniia ataei aika uarereke n tataro. Aio bon te kawai ae rang n tamaroa ni buoka te reirei are ko a tia n reiakinna.

Karaki: Ngkana ataei a karaoa kain te bwai are riki n te karaki, a oota riki iai ao a uringnga riki. Uringnga bwa e aki riai ni katotongaki te Atua te Tama ngkana e karaoaki kain te karaki. Tai katotonga Iesu Kristo ma ti ngkana bon mwakoron raoi te kaotioti. (Taraa Teaching, No Greater Call 165–66.)

Karanakin: N aia tai ni kara ataei, manga rinanon reirei aika reiakinaki n te reirei. Taekin bwaai aika kakawaki n taian tamnei, ao kabwarabwara nakoia ataei bwa teraana are a karanna. Wareki nakoia taeka i aon te tamnei.