27
Te Toa e Buokai ni Iangoa Iesu Kristo
Te Kabwarabwara Ibukin te Tia Reirei
N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:
N te tairiki imwain Matena i aon te kaibangaki, Iesu Kristo e anga te toa nakoia Ana Abotoro ao e taku, “Karaoa aio ni kauringai” (taraa Ruka 22:19‒20). Imwiin manga utina, Ao e Karaoa naba aio ibuakoia Nibwaite (taraa 3 Nibwaai 18:1–11). N te bong aei ti taua naba te toa ni kauringa ana mwakuri ni kamaiu te Tia Kamaiu ibukira. Ti kakoaua nakon te Atua bwa ti na aki toki n ururinga Iesu Kristo ao ni kawakin Ana tua. (Taraa D&C 20:77, 79.)
Te Katauraoi
-
Man ana kariaia te bitiobi ke te beretitenti n te mwaanga, uoti turee n toa aika akea kanoaia nakon te netiurii.
-
Uota kaobiin te Baibara. Mwaakena Ruka 22:19 bwa e aonga ni bebete rekena iroum. Mwakena naba te iteraniba 106 n te bokinreirei aei.
Reiakinan Waaki Ni Kakukurei
Moanna ma waaki ni kakukurei ni bootaki. Ibukin iango, taraa iteraniba 3.
Tataro
Kaoa te ataei bwa e na anga te tataro ni kaukuki.
Anene
Kaota tamnein Iesu iaon te iteraniba 106 ngke ko anenea moan rainin te anene ae “Ma te Karinerine, ao te Aki Karongoa” (Aia Boki n Anene Ataei 26):
Ma te Karinerine, n akea te karongoa, ma te tangira ti iango ibukina. (kotea tamnein Iesu)
Kaokia tabeua te tai ni buokia ni karekea te tabo ae rau. Kaoia ataei bwa ana anene ma ngkoe.
Koroboki Aika Tabu
Tuangiia ataei bwa ti karaoa te bwai ae onoti n te Tabati ni kauringa Iesu—n tain te bootaki n toa ti kana mwakoron te kariki ae uarereke ao ni mooi n te mwangko ae uarereke. Tuangiia bwa e atongaki aei bwa te toa. Kaoa te ataei bwa e na taekina “te toa.” Tuangiia ataei bwa ti reiakinna inanon booki aika tabu are Iesu e tangiriira bwa ti na taua te toa ni Uringa. Kauka te Baibara ao nakon Ruka 22:19 ao taekina, “e taku Iesu, ‘Karaoa aio ni kauringai.’ ”
Te Tamnei
Kaota tamnein te riikan ni bwatina te toa (iteraniba 114). Taekin kabwarabwara inanon te Tamnei, n aron te riikan ao aomata aika a tekateka n aki karongoa. Tuangiia ataei bwa ana taua te turee n toa ake ko uotii ngke ko kabwarabwara n taeka aika bebete bwaai aika riki n tain katabuan te toa—ti kakauongo ma te aki karongoa ngke e kakabwaiakaki te toa; ti anaa teuana mwakoron te kariki, ti nima te ran ao ni kaoka te mwangko nako nanon te turee; ao ti iangoa Iesu.
Kibun te Kamate nano
Kaokiokii n taekin kiibu ni waaki ni kakukurei aiaki, ao kaoia ataei bwa ana raoniko:
I kana te kariki n aki kakarongoa (aongkoa ko kana te kariki)
Ao n nima naba te ran. (aongkoa ko nima te ran)
I rukum baiu ao n iangoa Iesu— (botii baim)
Anne te bwai ae I riai ni karaoia. (katoutoua atuum ni waerake ao nako naano)
[M. W. Verbica, “Te Toa,” Te Rao, Beberuare. 1995, 17]
Kabaneana
Kaota tamnein Iesu iaon te iteraniba 106. Titirakiniia ataei, “Tera ae ti riai n iangoia ngkana ti taua te toa?” Kaoa te ataei bwa e na taekina, “Iesu.”
Tataro
Kaoa te ataei bwa e na anga te tataro ni kainiin.
Waaki ni Kakukurei Aika a Kona n Rineaki
Te Katauraoi
-
Ibukin te Waaki ni Kakukurei n te Keeti: Karekea temanna ae iai irouna te Nakoanibonga ae te Aaron bwa e na ira te netiurii kiraati ao n taekina arona ni ibuobuoki ni katauraoa te toa.
-
Ibukin kabwarabwaraana n te kaotioti ao te takakaro: Kaobiia te kaati iaon te iteraniba 115. Karana te kaati, ngkana e kainnanoaki, ao koroi ni kabane.
Tamneicoloring page, sacrament bookI kona ni kakauongo ngkana e taekinaki taekan te tataro n toa.
I kona n iangoa Iesu ngkana i kana te kariki.
I kona n iangoa Iesu ngkana I mooi n te ran.
Te toa e kauringai n iangoa Iesu
-
Ibukin te boki: Karekea kaobiin ao korea te kaati iaon te iteraniba 115 ibukiia ataei n tatabemaniia. Uoti tabeua kunnikai ke te kora.
Irua
Kabwarabwaraa am irua nakoia ataei. Kabwarabwaraa bwa iai irouna te nakoanibonga. Tuanga bwa e na taetae teutana bwa e kanga ni katauraoi, ni kakabwaia, ke ni bwatina te toa. Kaoa te uanne bwa e na tibwaua ana namakin ibukin te toa.
Kabwarabwaraana n te Kaotioti
Taua ieta te kaati ake ko katauraoi, teuana imwiin teuana. Wareki kabwarabwarakiia ao tuangiia ataei bwa aongkoa a karaoa ae kaotaki n te korobanna (ibukin kaati moa ake tenua). Te katooto, tuangiia bwa ana booti baia ao ni kabarakii atuia ao ni karinerine ni karaoa ae aongkoa ko ana te karaki ao te ran. Kamoamoaia ni katoa tai n aia kekeiaki. Ngkana ko taua ieta tamnein Iesu, titirakiniia ataei, “Antai ae ti riai n iangoia ngkana ti taua te toa?”
Te Takakaro
Katikui kaati ake ko katauraoi ni kaitaraa naano ke aontano ke aon te taibora. Kaoa temanna te ataei bwa e na rairi kaati. Wareka te taeka are iaon te kaati. Kaokia ni karokoa a bane n reke aia tai ataei ake a tangiria ni karaoia.
Te Boki
Anganiia ataei aua te kaati ake ko a tia ni katauraoi ibukiia. Kabwangabwangai rarikin kaati n tatabeua nako. Karin tabeua karai ke te kora inanon taian bwangabwanga, ao kabaei ni karaoa te boki ae uarereke ibukiia ataei n tatabemaniia nako. Ngkanne wareka te boki nakoia ataei.