9

Iai Rabwatau n Aiaron Tamara are i Karawa

Te Kabwarabwara Ibukin te Tia Reirei

N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:

Ngaira n tatabemaniira nako bon natin te Atua. Booki aika tabu a reirei bwa te“Atua e karika te aomata n aiaron katotongana” (Karikani Bwaai 1:27; taraa naba Moses 2:26–27; Abraham 4:26–27). Are nanona bwa rabwatara bon ti tebo ma Rabwatana. Te Burabeti Iotebwa Timiti e noora Tamara are i Karawa ao Iesu Kristo, ao e reirei bwa “Tamara are i Karawa iai rabwatana ao irikona ao riina ae kona n ringaki n aron te aomata; ao te nati naba” (D&C 130:22).

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuki.

Anene

Anenea te moan ni kibu ibukin “Ngai Natin Te Atua” (Aia Boki n Anene Ataei 2):

Ngai Natin Te Atua (2:42)

Ao e kanakomai iai,

E anganai abau mweengau

Ngai ma tamau tinau.

Kaokiokia, ao kaoia ataei bwa ana ongora ke na anene ma ngkoe. Tuangiia bwa ngkana ti taekina “Atua” ti nanonna Tamara are i Karawa.

Te Karaki man Koroboki Aika Tabu

Kaota te tamnei iaon te iteraniba 42. Taekinna ni kakimototoa karakinan Ana Moan Kaotioti Iotebwa Timiti n reireiniia ataei bwa Tamara are i Karawa iai rabwatana n aiarora (taraa Iotebwa Timiti —Rongorongo 1:17). Mainano bon te katooto:

Ngke te ataeinimwaane Iotebwa Timiti (kotea Iotebwa Timiti n te tamnei), e tataro nakon Tamara are i Karawa. Iai te bwai teuana ae kamimi ae riki. Iotebwa Timiti e noora Tamara are i Karawa ao Iesu Kristo (kotea Tamara are i Karawa ao Iesu n te tamnei). A roko ao a taetae nakon Iotebwa. E nooria Iotebwa bwa Tamara are i Karawa iai rabwatana n aiarora. Tamara are i Karawa iai baina. Iai baimi? Kaoti baimi nakoiu. Tamara are i Karawa iai tabonibaina. Iai tabonibaimi? Kaoti tabonibaimi nakoiu. Tamara are i Karawa iai ubuna. Iai ubum? Riinga ubum. Bon te aomata ngkoe ni koaua. Bon te aomata ni koaua Tamara are i Karawa. E karika rabwatam. Iai rabwatam n aiaron Tamara are i Karawa.

First Vision

Kibun te Kamate nano

Kaoia ataei bwa ana tei ao ni karaoi kibun te kamate nano aikai ma ngkoe:

I rabwatau ae onoti

E anganai Tamau are i Karawa. (taui baim nakon bwabwam)

E anganai taningau bwa I aonga n ongo (kamnronrona baim nakon taningam)

Ao matau bwa I aonga n nooraaba. (kotei maata)

E anganai baiu bwa I aonga ni kona n uboubo, (uboubo)

Waae aika uoua bwa ana tanrikaaki. (tan rikaaki)

Ao ngkana I tangiria, I taui taboni waeu (raranako ao taui taboni waem)

Nako nao ni karokoa aontano.

Ngkana iangoa rabwatau, (katokai baim i aon atuum)

Makorona ae moan te tamaroa bon

Are baireia Tamara are i Karawa

Bwa tina rang n taraaki n Aiarona. (tekateka n aki kakarongoa)

Kabaneana

Kaoia ataei bwa ana taekinna imwiim, tabeua taeka n teuana te tai, “Iai rabwatau n aiaron Tamara are i Karawa.” Kaota am kakaitau ibukin rabwatam.

Tataro

Kaoa te ataei bwa e na anga te tataro ni kainiin.

Kawai n Angareirei

Reiakinan Waaki Ni Kakukurei: Taratara aron aia mwakuri ataei n tain te waaki ni kakukurei. Ko ata aia konabwai ao kainnanoia ataei n te netiurii. Karaoa te waaki ni kakukurei n aron kainnanoakina. (Taraa Teaching, No Greater Call 33–34.)

Kiibu ibukin te Waaki ni Kakukurei: Ko kona ni kabonganai kiibu ni waaki ni kakukurei n te tai teuana n tain te netiurii kiraati, ngkana a tangiria ataei n kan kakamwakuri, ke ngkana ko tangiria bwa ana ongotaeka. Bon kawai naba aika tamaroa ni manga rinanoi reirei ake ko a tia n anga reirei iaona n taai aika nako.

Waaki ni Kakukurei Aika a Kona n Rineaki

Te Katauraoi

• Ibukin te karaki man te taore te tabonibai: Kaobii, karanna, ao korei taore baai iaon te iteraniba 91.

  coloring page, First Vision

• Ibukin te waaki ni kakukurei ni kakaae: Uota te mwakoro ni beeba ae akea kanoana ibukiia ataei n tatabemaniia ao te bwai ae a na koroboki iaona.

• Ibukin kamatatan waaki ni kakukurei n te tamnei: Karekea kaobiin te tamnei n iteraniba 43 ibukiia ataei n tatabemaniia.

  coloring page, I Have a Body

  Iai Rabwatau n aiaron Tamara are i Karawa

  Iai ubuu n aiaron Tamara are i Karawa.

  Iai uoua baiu n aiaron Tamara are i Karawa.

  Iai uoua waeu n aiaron Tamara are i Karawa.

Anene

Anene ke taekin taeka nakon “Atuu, Angau, Bubuau, ao Waeu” (Aia Boki n Anene Ataei 275) ao kotei bwain te rabwata ake ko taekin. Kaoia ataei bwa ana raoniko.

Atuu, angau, bubuau, ao waeu, bubuau ao waeu, bubuau ao waeu,

Atuu, angau, bubuau, ao waeu, matau, taningau, wiiu, ao bwairiu.

Kaokiokia n aron are a tangiria ataei. Kauringiia bwa Tamara are i Karawa e anganiira rabwatara ae ti tebo ma Ngaia.

Te Karaki Ibukin te Taore ae Karinaki n te Tabonibai

Manga karakina te karaki ibukin te Moan Kaotioti, kabonganai taore baai n te tabonibai are ko a tia ni karaoia (taraa Iotabwa Timiti—Rongorongo 1:11–17; taraa naba te katooto i aon iteraniba 88). Katuruturua te koaua are Iotebwa Timiti e nooria bwa Tamara are i Karawa ao Iesu Kristo iai rabwataia n arora.

finger puppet diagram

Korea tamnein

Korea tamnein baia ataei n tatabemaniia iaon te mwakoro ni beeba. Tuangiia bwa ana karana te tamnei. Koreia iaon te beeba aran te ataei ao ana ririki ao bongin te namwakaina.

Kamatata n te Korotamnei

Katea ieta te tamnei n te iteraniba 43 ao anganiia ni kabane ataei kaobiina. Kotea ubun te ataeinimwaane ao kauringiia ataei bwa iai ubura ao aiarona naba ma te Tama are i Karawa. Kaoia ataei bwa ana kotea te ubu iaon kaobiin aia tamnei. Kaokiokia nakon bwain te rabwata riki ake tabeua. Tuangiia ataei bwa ana karana aia tamnei, ngkana a tangiria.

Kawai n Angareirei

Taore baai: Ngkana ko karaoa te taore baai ke ni bwain reirei riki ake tabeua ibukin te reirei n te netiurii, kawakin. Ko na bae ni kabonganai riki n ibukin reirei ake imwiina.

Rinanona: Kaokioki waaki ni kakukurei man reirei ake mai imwaina n te tai ae ko tangiria. Kaokiokana e kakukurei nakoia ataei, ao e buokiia n reireiniia.