20

N Na Bwaina Te Karinerine

Te Kabwarabwara Ibukin te Tia Reirei

N te aro bwa ko na katauraoiko n anga te reirei aei n te tamnei, taiaoka warekii ao n iangoi raoi bwaai aikai:

Te karinerine bon te anua ni karinerine ao n tangira ae korakora ibukin Tamara are i Karawa ao Iesu Kristo. Bon iaon riki ti te tekateka n aki karongoa n tain te reirei, e ngae ngke ara karinerine e kakoauaaki n tainako man te bwai ae ti karaoia n te taromauri ao n taabo tabeua aika tabu. Ngkana ti kekeiaki mwaaka ni kabatia riki te karinerine, ti na namakina ana kairoro ae korakora te tamnei ae Raoiroi inanon maiura. (Tara D&C 63:64; 84:54; 109:21.)

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuki.

Te Tamnei

Katea ieta te tamnei iaon te iteraniba 86. Tuangiia ataei bwa te utu aei a mena n te taromauri ao man tia ni bwaina te karinerine. Kaoia ataei bwa ana taekina “karinerine.” Kabwarabwaraa bwa bwainakin te karinerine nanona iangoan Tamara are i Karawa ao Iesu Kristo ma te aki kakarongoa. Kotoi bwaai aika a karaoi utu n te tamnei aika a kaotia bwa a bwaina iai te karinerine. Kabanea riki am iango nakoia ataei n te tamnei.

Kataneiako ni Karaoia

Buokia ni kaotia nakoia ataei bwa ngke ti nakon te taromauri ti kona ni kaota ara tangira ibukin Tamara are i Karawa ao Iesu Kristo man bwainan te karinerine. Kabwarabwarai kawai tabeua ni kaota te karinerine n te ekaretia, ao ni kataneiako ni karaoia ma ataei. Te katoto:

• Ti taetae ma bwanaa aika aki karongoa. (kataneiako n taetae n aki karongoa)

• Ti nakonako ma te karaurau. (kataneiako n nakonako ni karaurau)

• Ti tekateka n aki karongoa. (kataneiako n tekateka n aki karongoa)

• Ti kakauongo nakoia ara tia reirei. (ka mwangkongko baai ni katobibia te taninga)

• Ti iangoa Iesu. (kotea te atu)

Anene

Kabwarabwaraa bwa te kawai teuana ni kaota te karinerine bon man anenean anene aika karinerine. Anenei ke taekin taekan “N Na Kataia ni Bwaina te Karinerine” (Aia Boki n Anene Ataei 28) ao ni karaoi mwakuri aika oti inano. Kaoia ataei bwa ana raoniko.

I tangira Tamau are i Karawa, (katokai baim iaon te buroo)

Ao n na kataia n riki bwa n na (boni kotoiko)

Karinerine ngkana I me na inanon te auti aei. (booti tabon baiu ni kabane ni katea taubukin te auti)

Ngkanne e na kaan nakoiu. (rabwatiko)

Kabaneana

Kamoamoaia ataei ibukin aia karinerine. Kabwarabwaraa bwa bwaai aikai a buokiira ao ake a katobibiira n iangoa Tamara are i Karawa ao Iesu. Tuangiia ataei bwa ana taekina, “N na bwaina te karinerine.” Tuangiia bwa ana bwaina te karinerine n te bong aei.

Tataro

Tuangiia ataei bwa e a roko tain te tataro ni kainiin. Titiraki, “Ko na kanga ni karinerine n tain te tataro?” Buokiia bwa ana kataneiaia ni booti baia, ni kabobaraaki atuia, ao ni kamatui mataia ngkana ko anga te tataro. Kauringiia ataei bwa karaoan aei e buokiira ni kaotia nakon Tamara are i Karawa ao Iesu ti tangiriia. Kamoamoaia ibukin kaotan te karinerine.

Kawai n Angareirei

Karinerine “Iangoi bwaai aika bebete aika ko kona ni karaoi ni kauringiia [ataei] bwa ana bwaina te karinerine. Ko kona ni kaoka te nano ae karinerine man anenean te anene ni karaurau ke ni katangitangnga ni kauarerekea te anene ae karinerine, kaotan te tamnei, ke ni kabonganaan te kanikina n te bai are a kinai ataei bwa te bwai ni kauring ibukin karinerine.

“Uringa bwa e bon rangin ni kanganga ibukiia ataei bwa ana tekateka n te tai ae maan. Buokiia ataei bwa ana kakauongo ao n anga aia ibuobuoki. Anganiia n tainako aia tai ni motirawa” (Teaching, No Greater Call 83).

Kaokiokan kibu n taeka: Tabeman ataei ana bae n aki kaokioki kibu n taeka ma ngkoe. E roiroi anne. Ana bon reiakin ngkana a mataku ao n ongora iroum ao irouia ataei tabeman.

Waaki ni Kakukurei Aika a Kona n Rineaki

Te Katauraoi

• Te waaki ni kakukurei ibukin raibaean te booki: Karekea kaobiin te tamnei n te iteraniba 87; karanna ngkana e kainanoaki. Koreia nakon tabon te rain are turu riki ni karekei uoua iterana. Rukumma nakon iterana n rabuna te tamnei.

  

  I kamatuui matau ao ni ka boobaraaka atuu

  ao ni booti baiu ngke e taekinaki te tataro.

• Ibukin te waaki ni kakukurei n te kara: Karekea kaobiin te tamnei n te iteraniba 87 ibukiia ataei n tatabemaniia bwa ana karanna. Koreia riaon te rain ae turu riki ni karaoia bwa booki n tamnei ibukiia ataei.

  

Te Boki n Tamnei

Taua ieta te tamnei are ko katauraoia, ma iterana n rabuna te tamnei. Tuangiia ataei bwa ko na kaotii nakoia tabeua tamnei ake a na kaotia nakoira bwa ti na kangaa ni karinerine n tain te tataro. Kauka iteran te boki mai ieta ao wareki taeka inanon iterana anne. Karaoa naba anne nakon iterana are mai nano. Kaokioka te waaki ni kakukurei; n te tai aei ao kaoia ataei bwa a na kataneiaia ni kabobaraaki atuuia, kamatuui mataia, ao ni booti baiia.

Kibun te Kamate nano

Manga taekina te kibu are imwiina ao kaoia ataei bwa ana raoniko:

Kaukii, Kamatuui; (kaukii ao kainii baai)

Kaukii, kainii; (kaukii ao kainii baai)

Aanga teutana te uboubo. (uboi baai)

Kaukii, kainii; (kaukii ao kainii baai)

Kaukii, kainii; (kaukii ao kainii baai)

Katokai iaon rangam. (booti baim ni kabane i aon rangam)

Karanakin

Kariaia ataei bwa a na karana kaobiin te bokinreirei are ko katauraoia ibukiia.

Kawai n Angareirei

Praise: “Tai kabooa mwiin te anua ni karinerine n te kaniwanga ke te amwarake. Tai kaboo imarenaia n taraia bwa antai ae kona riki n rangtamaroa n te karinerine. E na kona n riki aei bwa te aro ae ana taraaki iai bwaai aika kairua. Reireiniia boon mwiin te karinerine ae koaua, n aron karikirakean te oota ao ana kaiiri te tamnei” (Te Angareirei, Akea te Wewete ae Korakora 83). Anganiia ataei te taeka ni kamoamoa ae onoti ngkana a kaota te karinerine; ibukin te katooto: “I tatangira aron Mary ni karinerine ngkana e tekateka. Ko rabwa, Mary.”

Karanakin: N aia tai ni kara ataei, manga rinanon moan tua aika reireiaki n te reirei. Kotei mwakoron bwaai n taia n tamnei, ao kabwarabwarai nakoia bwa tera ae a karanna. Wareka taeka i aon te tamnei nakoia.