23

I Tangirii Koroboki Aika A Tabu

Te Kabwarabwara Ibukin te Tia Reirei

N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:

Ana Ekaretia Iesu Kristo Ibukiia aika Itiaki ni Boong Aika Kaitira e boutokaa te Baibara, ana Boki Moomon, te Doctrine ao Covenants, ao te Pearl of Great Price bwa booki aika a tabu. Te kantaninga ibukin booki aika a tabu bon ibukin kakoauaan Iesu Kristo, e buokiira bwa ti na Nakoina ao ni karekea te maiu are akea tokina (taraa 2 Nibwaai 25:26.; Ereman 3:29–30). Iai naba inanon koroboki aika tabu karaki ibukiia aomata ake a kakabwaiaki ibukin aia ongotaeka nakon te Tama are i Karawa. E kabwarabwaraa ana tangira Nibwaai ibukin booki aika tabu n te kawai aei: “E kimwareirei tamneiu ni koroboki aika a tabu” (2 Nibwaai 4:15).

Te Katauraoi

• Wareka Mareko 10:13–16 ao 1 Nibwaai 17:7–10; 18:1–4. Tauraoi ni koroi ni kakimototoi karaki aikai ibukiia ataei.

• Uota am kaobi ni booki aika tabu.

• Mwakena te iteraniba 70 n te bokinreirei aei bwa e aonga ni bebete rekena iroum.

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuki.

Kaetieti Ibukin te Reirei

Kaotia nakoia ataei am boki aika tabu ao tuangiia aron tangiran booki aika tabu. Kaoia ataei bwa ana taekina “booki aika tabu.” Tuangiia bwa ti reirei taekan Tamara are i Karawa ao Iesu Kristo man booki aika tabu; ti reiakinna bwa A tangiriira ao a tangiriira bwa ti na kukurei.

Karaki man Booki Aika Tabu

Kaota te tamnei iaon te iteraniba 98 ao kotea Iesu. Kabwarabwaraa bwa booki aika tabu a reireiniira taekan Iesu. Kauka te Baibara ao kabwarabwara ni kakimototoa karakinan Iesu ni kakabwaiaia ataei (taraa Mareko 10:13–16). Aikai taian katooto:

Iesu e tangiriia ataei. N te taina tabeman aomata a uoti natiia aika a uarereke nakon Iesu (koteia ataei n te tamnei). E anaia ni Baina ao e kakabwaiaia.

Jesus Christ with children

Kaota te tamnei iaon te iteraniba 70. Kabwarabwara bwa booki aika tabu a tuangiira taekaia aomata ake a kakabwaiaki ngke a ongotaeka nakon Tamara are i Karawa. Kauka Ana Boki Moomon ao kabwarabwara ni kakimototoa karakinan Nibwaai ngke e kabaa te kaibuke (taraa 1 Nibwaai 17:7–10; 18:1–4). Aikai taian katooto:

Aio Nibwaai (kotea Nibwaai n te tamnei). Te Uea e tuanga Nibwaai bwa e na kabaa te kaibuke. Nibwaai e bon tuai ka kabaa te kaibuke ma imwaina, ma e ongotaeka. Te Uea e kaotia nakoina aron kabaan te kaibuke. (Tuangiia ataei bwa aongkoa a kabaa te kaibuke.)

Nephi building a ship

Anene

Anene ke taekina te koorati nakon “Ukeuke, Iangoia, ao Tataro” (Aia Boki n Anene Ataei 109) ao karaoa kaina ae oti inano. Kaoia ataei bwa ana raoniko.

Ukeuke, (aongkoa ko kauki koroboki aika a tabu) iangoa raoi, ao tataro (booti baai)

Boni bwaai aika I riai ni karaoi. (boni kotoiko)

Te tamnei e na kairiira, ao, n nano inanora,

I ataia bwa koroboki aika a tabu a koaua (aongkoa ko taua te boki ae uki)

Kabaneana

Tuangiia ataei bwa ana kaokioka te kibu n taeka, “I tangirii koroboki aika a tabu .” Tibwaua am tangira ibukin koroboki aika a tabu ao am kakoaua bwa a boni koaua.

Tataro

Kaoa te ataei bwa e na anga te tataro ni kainiin.

Kawai n Angareirei

Booki aika Tabu: “Ngkana ko reireiniia ataei, ko riai ni kabonganai koroboki aika a tabu n tainako ao ni kakaai aanga aika a na kona iai ataei ni kukurei ni kabonganai koroboki aika a tabu” (Teaching, No Greater Call 59). Buokiia bwa ana kinaia aomata ao karaki inanon koroboki aika a tabu. Buokiia ni kaotaia bwa te bwai ae ko reireiniia a bane n reke man koroboki aika a tabu.

Anene: Ngkana ko anene ke ko kaokioka mwanen te anene nakoia ataei, kamatenikunaa taekaia ao kaiia. Aio e na kona ni kateimatoa te ungannano ao ni kaota nanom ae korakora ibukin te mwakuri ni kakukurei nakoia.

Waaki ni Kakukurei Aika a Kona n Rineaki

Te Katauraoi

• Kabonganai taore ibukin waaki ni kakukurei: Kaobiina ao korea nako taian tamnei iaon te iteraniba 99 ibukiia ataei n tatabemaniia ao karaoa riki te kaobii teuana bon ibukim. Teibina ke kuruuna te kai nakon bukin tamnei aikanne ni karaoa te taore te kai.

  coloring page, Adam and Eve, Noah, Moses

  Atam ao Eewa

  Nooa

  Moses

Waaki ni kakukurei n te Taore

Tuangiia ataei bwa ana karana te tamnei are ko a tia ni koroia. Ngkana a tia, katea ieta am taore ae Atam ao Eewa ao tuangiia ataei bwa ana taua ieta aia taore. Tuangiia bwa ana taekina “Atam ao Eewa.” Kauka te O Tetemanti ao tuangiia ataei bwa booki aika tabu a tuangiira bwa Atam ao Eewa bon moan aomata n te aonaaba; a maeka n te Onaroka are i Eten. Tuangiia ataei bwa ana karaoa ae aongkoa e nakonako aia taore inanon te onaroka.

Adam and Eve puppet diagram

Taua ieta am taore ae Nooa ao tuangiia ataei bwa ana taua ieta aia bwai. Tunaiia bwa ana taekina “Nooa.” Tuangiia bwa booki aika tabu a tuangiira bwa e kaba te aake Nooa ao ni botiia maan n ana aake. Tuangiia ataei bwa ana riki bwa aongkoa maan.

Noah puppet diagram

Taua ieta am Moses taore ao tuangiia ataei bwa ana taua ieta aia taore. Tuangiia bwa ana taekina “Moote.” Tuangiia bwa booki aika tabu a tuangiira bwa te Uea e angan Moote tuua ake 10. Tuangiia ataei bwa ana katei tabonibaia 10 ngkai ko warekia nakon te 10.

Moses puppet diagram

Kibun te Kamate nano

Kaokiokii n taekin kibun waaki ni kakukurei aikai ao kaoia ataei bwa ana raoniko:

Reireinai koroboki aika tabu; (aongkoa ko wareki booki aika tabu)

A tuangai te koaua. (boni kotoiko)

Reireinai bwa a kanga burabeti n ongotaeka.

Reireinai koroboki aika tabu; (aongkoa ko wareki booki aika tabu)

I riai n ataa te koaua. (boni kotoiko)

Reireinai bwa I aonga n ataa te kawai.

Kawai n Angareirei

Karanakin: Ngke a tabe ni kara te naan ataei, tuagiia taekaia aomata ake inanon te tamnei. Kabwarabwaraa bwa koroboki aika tabu a tuangiira karaki aika koaua ibukiia aomata aikai ao a mwaiti riki aika a ongotaeka nakon Tamara are i Karawa.

Ngkana ko tangiria, ko kona n tataninga ni botii aia taore ataei ni karokoa atia ni karana te tamnei. Ke ko kona n anganiia ataei te tamnei bwa ana uotia nakon mweengaia bwa ana kawakinna aia karo.

Kibun te Kamate nano: Ko kona ni kabonganai kiibu ni waaki ni kakukurei n taai n aki akaaka n tain te netiurii kiraati, ngkana a tangiria ataei n kan kakamwakuri, ke ngkana ko tangiria bwa ana ongotaeka. Bon kawai naba aika tamaroa ni manga rinanoi reirei ake ko a tia n anga reirei iaona n taai aika nako.