28
Tamara are i Karawa e Kakabwaiaai Rinanon te Nakoanibonga
Te Kabwarabwara Ibukin te Tia Reirei
N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:
Te nakoanibonga bon mwaakan ao Ana kariaia te Atua. E anga te Atua te kariaia aei nakoia kaain te Ekaretia aika a tau aika 12 aia ririki ke e raka riki bwa aonga ni kona ni mwakuri n Arana ni kakabwaiaia tabeman. Otenanti n te euangkerio, n aron te bwabetito ao te kamatoa, te toa, ao tabeua riki, a karaoaki man ana kariaia te nakoanibonga (taraa D&C 13; 20:73–79; 84:19–22). Ni kabane membwa n te Ekaretia a kakabwaiaaki man te nakoanibonga.
Te Katauraoi
Mwaaken iteranibaa 26 ao 114 n te bokinreirei aei bwa e aonga ni bebete rekeia iroum.
Reiakinan Waaki Ni Kakukurei
Moanna ma waaki ni kakukurei ni bootaki. Ibukin iango, taraa iteraniba 3.
Tataro
Kaoa te ataei bwa e na anga te tataro ni kaukuki.
Kaetieti Ibukin te Reirei
Tuangiia ataei bwa te nakoanibonga bon mwaakan te Atua; Te Atua e anga te nakoanibonga nakoia ataeinimwaane ao mwaane ake a ikawai riki n te aro bwa ana kona ni kakabwaiaia aia utu ao tabeman riki. Tuangiia ataei bwa ana taekina “te nakoanibonga.” (Te Bwai ae na taraaki N tain te reirei aei, ao ko na riai n atai aia namakin ataein te netiurii ake akea tamaia ni mweengaia ke akea irouia tamaia te nakoanibonga.)
Tamnei
Katea ieta te tamnei iaon te iteraniba 118 ao kaoa te ataei bwa aongkoa e taua te ataei. Kabwarabwaraa bwa ataei a kona ni kakabwaiakaki ao n anganaki araia irouia mwaane ake iai irouia te nakoanibonga. Kaoa te ataei bwa e na taekina “nakoanibonga.”
Katea ieta te tamnei iaon te iteraniba 119 ni kakabwaiakan te aoraki. Tuangiia ataei bwa te aomata are iai irouna te nakoanibonga e kona ni kakabwaiaia naake aoraki n te aro ae a namakina riki te marurung. Rairaki nakon te tamnei are iaon te iteraniba 26. Kotea Iesu ao kabwarabwaraa bwa n te tamnei aei ao Iesu e kakabwaia te aomata ae matakii. Kaoa te ataei bwa e na taekina “nakoanibonga.”
Katea ieta te tamnei iaon te iteraniba 114. Kauringiia ataei bwa ti taua te toa ni katoa Tabati. Kabwarabwaraa bwa e katauraoaki, kakabwaiaki, ao e kabutaki irouia naake iai irouia te nakoanibonga. Kaoa te ataei bwa e na taekina “nakoanibonga.”
Anene
Kaoia ataei bwa ana taui baia ao n nakonako n te mronron ngkana ko anenea ke n atong taeka aikai man “Te Tangira E Taekinaki Ikai” (Aia Boki n Anene Ataei 190):
Mweengau bon te mweenga ae kakabwaiaki ni katoa aua man korakoran mwakan te nakoanibonga.
Kabaneana
Tibwaua am kakoaua bwa Tamara are i Karawa e kakabwaiaira rinanon te nakoanibonga.
Tataro
Kaoa te ataei bwa e na anga te tataro ni kainiin.
Waaki ni Kakukurei Aika a Kona n Rineaki
Te Katauraoi
-
Ibukin waaki ni kakukurei n te keeti: Baireia ma te tama ae tibwa tia ni bwabetitoa natina bwa e na uota natina nakon te netiurii kiraati ao n taekina te bwai ae a tia ni karaoia.
-
Ibukin te boki n tamnei Karekea kaobiin te tamnei iaon te iteraniba 119. Karanna ngkana e kainnanoaki. Korei n irii rain ake a turu taneia ao rukumma riaon te rain ae katanetaneaki.
Tamneicoloring page, priesthood flip bookKakabwaiaan te Ataei
Kakabwaiaan te Aoraki
Toa
Tamara are i Karawa e Kakabwaiaai Rinanon te Nakoanibonga
Kibun te Kamate nano
Kaokioki tabeua ke ni kabane kibun waaki ni kakukurei aikai ao kaoia ataei bwa ana raoniko. Imwiin kibuna n tatabeua nako, kauringiia ataei bwa a kakabwaiaiaki maiura n te nakoanibonga.
Kakabwaiaan te ataei (katea ieta te tamnei iaon te iteranibas 118):
Tamau e taua te ataei (aongkoa ko taua te ataei ni baim)
Ma te karaurau
Ni kakabwaia ao n aranna rinanon mwaakan te nakoanibonga.
E tangira ara utu! (rabwatiko)
Kakabwaia ibukiia aoraki (kotea te tamnei are iaon te iteraniba 119):
Ngkana I aoraki, I kona ni kakabwaiakaki (boni kotoiko)
Mairouia mwaane n te nakoanibonga.
I namakina te rau, ao iai au onimaki (katokai baim iaon buroom)
Bwa n na manga marurung riki.
Te Toa (katea ieta te Tamnei iaon te iteraniba 114):
Kana te kariki n aki karongoa (aongkoa ko kana te kariki)
Ao nima te ran naba. (aongkoa ko nima te ran)
I booti baiu ao n iangoa Iesu— (booti baim)
Anne te bwai ae I riai ni karaoia. (katoutoua atuum n nako eeta ao naano)
[M. W. Verbica, “Te Toa,” Te Rao, Beberuare. 1995, 17]
Irua
Kabwarabwaraa am irua nakoia ataei. Kabwarabwaraa nakoia bwa iai irouna te nakoanibonga ao e kabongana te nakoanibonga ni kakabwaia natina. Titirakina te tama titiraki n aron, “Iai iroum te nakoanibonga?” “Antai aran natim?” “Tera ae ko taekinna ngkana ko kakabwaia natim?” “Ko na kanga ni kabongana te nakoanibonga ni kakabwaia natim ngkana teuanne [ke neienne] e a rikirake n ikawai?”
Te Boki n Tamnei
Kaotia nakoia ataei te boki n tamnei are ko a tia ni katauraoia. Tabeka moan baana, wareka kabwarabwaraana, ao tuangiia ataei bwa ana taekinna ma ngkoe. Kaokiokia ibukin baana n tatabeua nako.