16
N na Taekina “Kabwara Au Bure”
Kabwarabwara Ibukin te Tia Reirei
N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:
Ngkana ti karaoa te bwai teuana ae bure ke ti karaoa te kairua, ti riai ni kariaia ara kairua ao kataia kaetia (taraa Iakobo 5:16). Nanora ni kan kananorinanoira ao ni kabwarabure e kona ni kamaraua te nano ao ni katauraoira nakon Kristo (taraa 3 Nibwaai 12:23–24).
Te Katauraoi
-
Mwaakena te iteranibaa 106 n te bokinreirei aio bwa e aonga ni bebete rekena iroum.
-
Warekia 1 Nibwaai 17:7–8, 17–19, 49–55; 18:1. Katauraoi ni kakimototoa taekan te karaki ibukin Nibwaai ao tarina ni karaoa te kaibuke.
Reiakinan Waaki Ni Kakukurei
Moanna ma waaki ni kakukurei ni bootaki. Ibukin iango, taraa iteraniba 3.
Tataro
Kaoa te ataei bwa e na anga te tataro ni kaukuki.
Te Tamnei
Kaota tamnein Iesu Kristo i aon te iteraniba 106. Tuangiia ataei bwa Iesu e reireiniira bwa ti na kangaa ni kukurei. Kabwarabwaraa bwa taekinan taeka n akoi a kona ni kakukureira ao a kona naba ni kakukureia tabeman; ngkana ti karaoa te bure ke ti karaoa te bwai ae aki raoiroi, ti riai ni kabonganai taeka n akoi aikai: “Kabwara au bure.” Kaoia ataei bwa ana taekina, “Kabwara au bure.”
Anene
Anene ke taekin taeka nakon koratin “I Kataia ni Kan Riki n Aekan Iesu” (Aia Boki n Anene Ataei 78–79) ao ni karaoi mwakuri aika oti inano. Kaoia ataei bwa ana raoniko.
Tangirii ngkami bon iroumi n aron ae tangirii ngkami Iesu. (rabwatiko ao rairaki man iteram nakon iteram)
Kataia ni kaota te akoi ni bwaai ni kabane ake ko karaoi. (katoutoua atuum)
Bwaina te nimamannei ao te tangira ae korakora ma nanom, (rabwatiko ao rairaki man iteram nakon iteram)
Bwa aikai bwaai aika e reirei Iesu iai. (katoutoua atuum)
Te Karaki man Korobokii Aika Tabu
Kaota tamnein Nibwaai ngke karaoa te kaibuke (iteraniba 70) ao taekina te karaki ibukin Nibwaai ao tarina ni karaoa te kaibuke. Mai nano bon te katooto:
Aio Nibwaai (kotea Nibwaai are i nuuka te tamnei). Te Uea e tuanga Nibwaai bwa e na karaoa te kaibuke. Te kaibuke bon te booti ae bubura (kotea te kaibuke n te tamnei). Aikai tamnein tarin Nibwaai (koteiia n te tamnei). Tabeman mai buakoia a taekin bwaai aika aki raraoi nakon Nibwaai ao aki buokia ni karaoa te kaibuke. E nanokawaki Nibwaai (tuangiia ataei bwa aongkoa a nanokawaki). Imwiina ao a nanokawaki tarin Nibwaai ao a buokia ni karaoa te kaibuke. Ao a manga bane ni kukurei (tuangiia ataei bwa aongkoa a rang ni kukurei).
Kauringiia ataei bwa ngkana ti taekina, “Kabwara au bure,” ti kona ni kukurei ao ni buokiia tabeman bwa ana kukurei. Kaoia ataei bwa ana taekina, “Kabwara au bure.”
Kaotioti
Tuangiia ataei bwa aongkoa a buoka Nibwaai ni karaoa te kaibuke—korea te kai, uotia nako aon te bike, orei neera i aon te kai, ao tabeka te ie. Karaoa te mwakuri, tangina, ao aia kakamwakuri bwa e na buokia ni katabetabeia ataei.
Kabaneana
Tibwaua am koaua bwa ti kona ni kukurei ngkana ti taekina, “Kabwara au bure.”
Tataro
Kaoa te ataei bwa e na anga te tataro ni kainiin.
Waaki ni Kakukurei Aika a Kona n Rineaki
Te Katauraoi
-
Ibukin te takakaro ni keeti: Karekea kaobiin te iteraniba 71, ao korea teuana maibuakon taian mronron. Karanna ngkana e kainnanoaki. Uoti tenua kawere ke mwakoro ni kunnikai aika uarereke.
Tamneicoloring page, face circlesI kona ni kukurei ngkana I atonga “Kabwara au bure.”
-
Ibukin te waaki ni kakukurei n te burenibai: Kaobiia ao koroi mronron iaon te iteraniba 71 bwa aonga ataei n tatabemaniia ni karekea teuana. Karin tabeua koora ke kabei i etaia n tatabeua nako ni karaoa te burenibai ke te mae n roroa ibukiia ataei n tatabemaniia.
Tamneibracelet diagram
Te Takakaro ni Keeti
Katikui tenua kaawere iaon te burooa. Tuanga ataei bwa ana rabun mataia ngke ko karaba te ubu are ko a tia ni koroia iaan teuana te kawere. Tuangiia ataei bwa ana tabeka te kawere temanna imwiin temanna n tabekarake te kaawere ni karoko a kunea te ubu. Ngkanne wareka te koroboki nakoia ao kaoia bwa ana manga warekia riki ma ngkoe. Kaoka te takakaro ni karokoa ae a reke aia tai ataei ake a tangiria ni karaoia.
Karaki
Taekin tabeua karaki aika bebete ni buokiia ataei n atong, “Kabwara au bure,” n aron ae:
-
Te Ataeinnaine e anaa ana taore mwane na. E nanokawaki (tuangiia ataei bwa ana mata n un). Ngkanne taekina, “Kabwara au bure” ao ni kaoka te taore (tuangiia ataei bwa ana taekina, “Kabwara au bure”). E kukurei mwane na! (tuangiia ataei bwa ana moangare).
-
E biri te ataeinimwaane ao e unton atuna ma mwane na. Mwane na e nanokawaki (tuangiia ataei bwa ana mata n un). Imwiina ao taku, “Kabwara au bure” (tuangiia ataei bwa ana taekina, “Kabwara au bure”). Mwane na e kukurei! (tuangiia ataei bwa ana moangare).
Kaokiokia ma katooto ake tabeua.
Burenibai
Anganiia ataei n tatabemaniia te burenibai ke te mwae n roroa ana mwaenna. Wareki taeka i aon te tamnei.