Kabwarabwaraana
Te Netiurii Kiraati
Bukina
Bukin te netiurii kiraati bwa e na buokiia ataei n reiakina ana euangkerio Iesu Kristo are manga kaokaki ao ni maiuakinna. E riai te netiurii kiraati ni buokiia ataei ni karikirakea otaia ibukin ao tangiran Tamara are i Karawa ao Iesu Kristo, karekea te atatai ae koaua n aron bairean te Ekaretia, ao man rikirake n namakina kororaoim.
Te Reta nakoia Kaaro
Tabeua te wiiki imwain ae moana nakona te tei nakon te netiurii kiraati, te membwa man te Moan beretitentii a riai n angan ana karo te tei kaobiin te reta iaon te iteraniba (7).
Taan Kairiiri n te Netiurii
E raoiroi uoman te aomata (te tia kairiiri n te netiurii ao te kauoman n tia kairiiri n te netiurii) ae a riai ni weteaki ibukiia kiraati n te netiurii n tatabeua nako. Ngkana taan kairiiri n te netiurii tiaki taanga, a na riai n titebo ngaiia n aia mwaine. Taan kairiiri n te netiurii a riai ni bootaki ni mwakuri n tain te netiurii kiraati ae bwanin ni kakoaua aron kawakinaia ao marurungiia ataei.
Taraan te Tabo
Netiurii kiraati a riai ni karekea te tangira, te kamanoaki, atatai ni kamatebwai aika baireaki raoi ibukiia ataei. Te ruu e riai n itiaki, e kakukurei, ao man tamaroa tarakina ao n tei irarikin te roki ngkana e kona. Bwaai n takakaro a riai n itiaki, n tararuaki, man tamaroa tarakiia. Bwaai n takakaro aika tamwarakeaki a riai n aki kabonganaaki.
Baireana
N tainako ao te netiurii kiraati e na kabanea te tai ae baireaki ibukin te Moanrinan. Te tai aei e riai n tibwauaaki nakon mwakorokorona tabeua, n aron tain te reirei, tain te amwarake, tain te katangitang, ao tain te takakaro.
Kainnanoia ataei e na buokiko n iangoa aron bairean mwakorokorona ao abwakin mwakorokorona n tatabeua nako. A kaeka raoi ataei nakon boraoina, ngaia ae ira aron karaoana ni katoa wiiki.
-
Reirei: Moana ao kabanea te reirei n te tataro, are e riai n taainako ni karaoaki iroun temanna te ataei (ma ana ibuokaki temanna te tia kairiiri n te netiurii ngkana e kainnanoaki).N tain te reirei, kaoti tabeua ke ni kabane waaki ni kakukurei man reirei n te bokinreirei aei. Ko kona ni kaokioki waaki ni kakukurei aikai rinanon te netiurii kiraati. Bwaai n ibuobuoki man te Ekaretia tabeua, n aron Aia Boki n Anene Ataei ao Mekatiin n te Aro, a kona naba n ibuobuoki.
-
Takakaro: Kariaia ataei bwa ana inaomata n takakaro ma bwain takakaro, bwai ni kamwaninga, ao booki. A reirei ataei inanon te tai n takakaro. Ngkana e toki tain te takakaro, buokiia ataei ni kaoki bwaai.
-
Te Amwarake: Karekei amwarake aika kamarurung ae a bebete aron karaoaia. Titirakiniia kaaro ngkana iai amwarake aika aki tangiria bwa ana kang natiia. Buokiia ataei n te boki baiia ao tuatua bwa e na kakabwaiaki te amwarake imwaiin ae amwarake. Te mwane ibukin te Amwarake e riai ni karekeaki man ana kataumwane te Moanrinan.
-
Katangitang Anenei anene, katangi bwain katangitang aika bebete, ke kamwakuri ke mwaati nakon te katangitang (taraa “Katangitang n te n te Netiurii Kiraati,” iao te iteraniba 4). E kona mwakoron te netiurii kiraati aei n riki bwa mwakoron tain te reirei, ke e kona n riki bwa te mwakoro ae kaokoroaki ibukin ti te katangitang.
Ni banen te netiurii kiraati, a riai taan reirei ni kakoaua raoi bwa a anaaki ataei ti irouia aia karo ke kaain aia utu ae kaan riki. A riai n aki kariaia tabeman riki bwa ana anaia ataei ma ti man aia kariaia kaaro.
Te Bitaki
Anganiia ataei bwaai aika e n kona ni buokiia ni bitiia man te mwakoro teuana nakon are teuana. Te katooto, ko kona n anenea te anene n aron “E Kaunga Karaoana” (Aia Boki n Anene Ataei 253), kamane naan taeka n aron, “Rineakin taore e kaunga karaoana” ke “Tebokakin baira e kaunga karaoana,”ao a mwaiti riki.
Taekan te Reirei n te Bokinreirei Aei
Bukin taian reirei n te bokinreirei aei bwa e na buokiia ataei aika a roro n netiurii n reiakin reirei aika moan te kakawaki ibukin a na euangkerio Iesu Kristo are manga kaokaki. Tataro ibukin te kairiiri ao ukoukora ana kairiiri te Tamnei ae Raoiroi ngkana ko katauraoi n anga reirei i aon reirei aikai (taraa Teaching, No Greater Call 97–99). Ko kona reireiniia n aron are ko tangiria, ao ko kona naba ni kaoka te reirei anne n anga reirei iai nakon wiiki ake imwiina. Ko kona naba n anga reirei uoua te tai i aon te reirei anne n tain te netiurii kiraati, e bon nakon bwaai aika kainnanoi ao ni kukurei iai ataei.
Kabonganai ti ana bwai n ibuobuoki te Ekaretia n tain te netiurii kiraati. N ikotaki ma waaki ni kakukurei inanon te bokinreirei aei, ko kona ni kabonganai takakaro, tamnei, anene, karaki, ao waaki ni kakukurei tabeua man ana makatiin te Ekaretia.
Kabonganai booki aika tabu ngkana ko anga reirei nakoia ataei. Ngkana e iangoaki n te reirei bwa ko na wareka te karaki man booki aika tabu, kauki booki aika tabu ao kotea te tabo are kuneaki iai te karaki. Aei e na buokiia ni kaotaia ataei bwa ko anga reirei man booki aika tabu. Reireiniia bwa ana rabakau ni butimwaei ao ni karinei booki aika tabu. Ngkana akea am kaobii ibukin booki aika tabu, titirakina te bitiobi ke te beretitenti n te mwaanga aron karekean am kaobii.
Ngkana ko anga reirei i aon reirei aikai, ko riai n atai aia kanganga ataei aikai inanon mweengaia ao n aia utu. Ngkana te reirei e kaineti nakoia aia karo ataei ke utu, iangoa aia namakin ataei aika kaikawaaki rake iroun temanna te karo, irouia tibuia, ke irouia aia utu tabeman.
Ko na riai naba n atai aia namakin ataei n am netiurii aika iai mwaukun rabwatana. Katuruturua am iango iaon bwaai aika ataei a kona ni karaoia, tiaki ae aki kona ni karaoia. Ibukin rongorongon te anga reirei nakoia aika mwauku, taraa Teaching, No Greater Call 38–39.
Mwakoron te reirei aika kakawaki a kabwarabwaraaki inano:
Te Kabwarabwara ibukin te Tia Reirei
A moanaki reirei ni kabane ma te kabwarabwara ae kimototo ibukin te reirei are e na reiakinaki, n ikotaki ma kiibu man booki aika tabu. Warekan ao iangoan raoi te kabwarabwara aei ao kiibu aika tabu aika irekereke ma ngaai ana buokiko ni katauraoiko n te aro bwa ko na anga te reirei nakoia ataei ma te Tamnei. E aki iangoaki bwa te kabwarabwara aei e na warekaki nakoia ataei n te netiurii.
Reiakinan Waaki Ni Kakukurei
Te boto n iango ibukin reiakinan waaki ni kakukurei bwa ana reireinaki ataei taekan te euangkerio man anganakiia aia tai n:
-
Ongora nakon te reirei.
-
Taraa te tamnei ae irekereke ma te reirei.
-
Anene (ke ongora te anene) ibukin te reirei.
-
Karaoa te kamarurung aika a irekereke ma te reirei.
-
Taekina te bwai teuana ibukin te reirei.
Katauraoa te tabo teuana ae onoti n ruun te netiurii are ko kona ni bootia iai ataei ni kaan ma ngkoe ibukin reiakinan waaki ni kakukurei. . E kona tao iaon te burangketi ke te kie iaon te burooa, ke tao iaon kain tekateka aika baireaki n te mronron. Tekateka ke katorobubua bwa ko aonga ni kaan ma ataei ao baireia nakon tian mataia. (Taraia: Taiaoka bwaina te kunikai ae tau ibukin te katoro-bubua, te tekateka iaon te burooa, ao te bobaraaki.)
Waaki ni kakukurei ni Bootaki: Moan reirei n tatabeua nako man ikotakiia ataei ma anenen te Ekaretia aika a tia ni kamatoaaki ke waaki ni kakukurei riki tabeua. Ngkana ko kabonganai waaki ni kakukurei aika ti tebo ni katoa wiiki, ataei ana kinaa te waaki ni kakukurei anne bwa kanga te kanikina ngkana e nang moanaki te reirei, ao aei e buokiia ni katauraoia nakon te reirei. Te waaki ni kakukurei n ikotaki e kona n rang ni bebete n aron uboi baim ni kaotia n rebwen te bai teuana ao kaoia ataei bwa ana uboubo ma ngke. E kuri ni kabane anenen te Ekaretia aika a tia ni kamatoaaki ke waaki ni kakukurei a nako raoi ngkana e bebete ao ko kabongana n tainako ni katoa wiiki.
Aikai tabeua katoto ibukin waaki ni kakukurei ni bootaki:
-
Anenea te anene ae a kukurei iai ataei, n aron “Ngai Natin Te Atua” (Aia Boki n Anene Ataei 2–3) ke “Tangirii Ngkami Bon Iroumi” (Aia Boki n Anene Ataei 136).
-
Anene “Ngkana ko Kukurei” (Aia Boki n Anene Ataei 266), kabonganai taeka aikai:
Ngkana ko a tauraoi ibukin ara reirei, nakomai tekateka.
Ngkana ko a tauraoi ibukin ara reirei, nakomai tekateka.
Ngkana ko a tauraoi ibukin ara reirei, e na bon riki raoi bwa te kakabwaia.
Ngkana ko a tauraoi ibukin ara reirei, nakomai tekateka.
-
Kaokiokii n taekin kiibun waaki ni kakukurei aikai, ao kaoia ataei bwa ana katea kaina ma ngkoe:
I kukurei bwa i roko nakon te taromauri n te bong aei, (booti tabonibaim ni karaoia bwa te taua)
N reirei taekan Iesu, anene, (kamnromnrona baim nakon wiim) ao tataro. (booti baimi)
Waaki ni Kakukurei Aika a Kona n Rineaki
Reirei ni kabane a katautauaki bwa ana kona n rinei 2 nakon 4 waaki ni kakukurei ni karaka riki te reirei ngkana e kainnanoaki. Ko kona naba ni kabonganai waaki ni kakukurei aikai n taai tabetai n tain te netiurii kiraati. Angiin waaki ni kakukurei aikai a kainanoa te katauraoi ae bati. Ngkana bwaai aika kainanoaki ibukin waaki ni kakukurei aikai akea iroum, ko kona n onoi mwiia ni bwaai aika a kuri n ti tebo aroia. Te mwane ibukin bwaai aikai e kona ni kareaki man ana kataumwane te Moannrinan.
TaekanTamnei
Reirei ni kabane ni ikotaki ma uoua te itera ni baa ibukin taekan tamnei: te tamnei ae kara ao rain ni korotamnei. Bukina raoi bwa a na manga waakin n taekan tamnei reirei aika taekinaki n te reirei. Iango ibukin kabonganaakin taekan tamnei a karinaki inanon te reirei.
Kawai n Angareirei
Iaon iteraniba n tatabeua nako man te atai bon katautau ao iango aika ana buokiko ni kanakoraoa am anga reirei i aon te reirei. Tabeua mai buakon iango aikai bon ibukin kaotan te waaki ni kakukurei ae onoti, ma bon angiina reirei ni kabuta aika kabonganaaki n taai n aki akaka ngkana ko anga reirei nakoia ataei aika uarereke.
Anene n te Netiurii Kiraati
Ataei ake a roro n netiurii a tauraoi ao arang ni ingainga ni kan reiakina Tamara are i Karawa ao Iesu Kristo, ao katngitang a kona naba ni buokiia n reireiniia. Katangitang a kaoa te Tamnei, ao e kona ni karika te nano n tangira ao n akoi, ni karika te netiurii kiraati bwa te tabo ae kakukurei.
Tai tabe ngkana ko aki tare na bwa te tia anene. Ataei ana ongora nakon taekan te anene, taraa aron am taetae, ao ni kukurei n ongora tangin te anene nakon tarakin am konabwai n anene.
Kawai ni Kabongana te Anene
Te anene e kona n ibuobuoki n aanga aika kakaokoro n te netiurii kiraati. Ko kona ni kabongana nakon:
-
Butimwaeia ataei. Te katoto, ko kona ni katang anene aika aki karongoa ngkana a rin ataei nakon te netiurii.
-
Aanga reirei i aon reirein te euangkerio. Angiin reirei n te bokinreirei aei a tanrigi anene ake ai irekereke ma atuun te reirei.
-
Buokiia ataei bwa ana katauraoi ni moana te waaki ni kakukurei ae kaokoro —te katoto, karikirakea te nano ni karinerine n tain te katauraoi nakon tain te reirei.
-
Anganiia ataei aia tai ni kakamwakuri ao ni kukurei irouia.
-
Kataneiaia ataei ma taekan anene ake a na anenei n te Moanrinan.
Buokiia Ataei Bwa a na Ibuobuoki
Reireinakiia ataei te anene, anenei rain aika kimototo tabeua te tai ao imwiina kaoia bwa ana a neneia ma ngkoe. Kamoamoaia ibukin aia konabwai. Te moantai ana kona n anenea ti teuana te taeka ke uoua, ma ataei aika rang ni uarereke a na bae ni bon aki anene, ma a kona n rabakau ao ni kukurei n ongora iroum ngkaana ko anene. Ana bae ni kukurei ni katei kaina aika bebete are nako ma te anene. N tokina a na bwaati taekana ao a moanna n anene ma ngkoe, riki ngkana ko kaokioka taekan te anene.
Bwaai n Ibuobuoki Tabeua
Taekan tabeua anene a karinaki inanon reirei n te bokinreirei aei. Ko kona naba ni kabongana :
-
The Aia Boki n Anene Ataei ao raweakin anene ni kaongora ibukin te moanrinnan. Anene aika bebete aika iai taekaia aika okioki a katauaki ti ibukiia ataei ake a roro n netiurii. Ko kona ni karaoi kaia aika bebete ni kaineti ma taekana.
-
Ana Webutiaite n te Katangitang te Ekaretia, www.lds.org/churchmusic. Ikai ko kona n ongora katangitang nakon anene n Aia Boki n Anene Ataei ao n te boki n anene.
-
Ibuobuoki mairoun am tia kairiiri n te katangitang n te Moannrinan.
Kangaanga aika Kona n Riki ao Bwain Katokaia aika Kona ni Karaoaki
Aikai tabeua kangaanga aika a kona n riki n tain te netiurii kiraati ao tabeua katautau ibukin katokaia. N ni kangaanga ni kabane, kamoamoa te ataei ma te tangira ngkana teuanne ke neienne e karaoa ae riai. Kairoroaia ataei nakon karaoan ae kainanoaki bon tiaki katokan te kanganga ni kaongeaaba. Uringnga bwa e kakawaki irouia ataei ni kabane bwa a na karekea te nano n tangira, ao ni kukurei n te netiurii kiraati.
|
Kanganga |
Bwain katokana ae Kona ni Karaoaki |
|---|---|
|
Kaaro a uota te ataei nakon te netiurii kiraati, ao te tei e tang ngkana e nang nako te karo. |
Kaoia kaaro bwa ana tiku ni karokoa ae rau te tei ao ni kona ni bon tekateka irouna. Kataia kaunga te tei nakon te waaki ni kakukurei are karaoaki n tekiraati n te netiurii, ao kaoa bwa e na buoka naba te waaki. |
|
E taraa ni maaku te ataei iroum ke irouia ataei tabeman, katikua n aiwa inanon te netiurii, ke mwiina e aki re na ma tabeman. |
Taotaona nanom; tai karawawata te ataei bwa e na karaoa te mwakuri. Angan neienne ke teuaei ana tai bwa e aonga ni kinako, ao ataei tabeman, ao te tabo. Kakukureia te tei n tabetai, ao teimatoa ni kaoa teuanne ke neienne bwa e na ira te waaki ni kakukurei. Buokia ni kakoaua bwa te netiurii kiraati bon te tabo ae iai iai te tangira, te kukurei ni karekean te atatai ibukin te tei. |
|
E na kooniko te ataei ao e tangiria n tabeakinaki iroum n taainako. |
Ataei aika uarereke a kainnanoa te tangira ao te tabeakinaki. Te taetae ao te reitaki ma te ataei n te aro n tangira e na rangi ni kukureia teuanne ke neienne. Kaunga te ataei bwa e na rin nabai buakon ana waaki ni kakukurei te netiurii. |
|
E aki kona n tekateka raoi te ataei ao ni kakauongo nakon te reirei. Teuanne ke neienne e na kamangao ke e na kauniia tabeman. |
Temanna te tia kairiiri n te netiurii e kona n anaa nanon te ataei nakon te waaki ni kakukurei ao te tia kairiiri are temanna e kairia. Anganakin te ataei te bwai teuana bwa e na tautaua e kona n ibuobuoki nakon teuanne ke neienne. Ko bae ni kainanoa te tei bwa e na tekateka ma te kauoman tia reirei n te aro bwa e na reke naba aia tai ataei tabeman n tekateka raoi n , man karekei atatai man te reirei. Uringnga n taainako ni karenako ma ataei n te aro n tangira, ma katei ni boutoka. |
|
E teirake man nakonako ni kakeraroa te aetaei imwaiin banen te waaki ni kakukurei. |
Taraia ao kinai raoi kainnanoia ataei nako, mamaten nanoia, ao aia tai are kona ongora irouia. Tarai kanikina n ni kaota te aki rau n te aro bwa kona karin waaki ni kakukurei aika ana buokaki ataei n aron are a kainnanoia. Ngkana temanna te tia reirei e kaira te waaki ni kakukurei, te tia reirei are temanna e na kaoa ao ni kaunga te ataei are eaki kan ira te waaki. Tai imanonoa te ataei bwa e na karaoa te mwakuri n tain waaki ni kakukurei. |
|
Ataei ana moana aia uneaki i aon bwain takakaro. |
Iai aia kanganga ataei ngkana a ibuobuoki. Kona bae n tangiria ni buoka katokan aia kanganga ke tukiia bwa anakea ae kaikuaka temanna ma temanna. Katautaui kawai aika ana kona n uaia teuana n takakaro ma bwain takakaro, ke kairi aia iango nakon bwain takakaro tabeua ao waaki ni kakukurei. |
|
E moanna n takakaro buaka te ataei—e karekare, n orooro, ke ni kare nakoi bwain takakaro. |
Ko kainnanoa kaetan te katei aei. Te netiurii kiraati e riai n riki bwa te tabo ae mano ibukiia ataei. Kabwarabwaraa ma te tangira nakon te ataei bwa teuanne ke neienne e aki kona n takakaro n aron aei, ao imwiina kaira ana iango te ataei nakon aekaki riki n takakaro tabeua. Kamoamoa te ataei ni kateina ae tamaroa. |
|
E moanna n tang te ataei ao ni ngurengure. Ngkana ko kataia n anga te raunnano, teuanne ke neienne e na taekina te taeka ae, “I aki tangiriko” ke “Tiaki ngkoe tinau” ao ni katika baina. |
Manga kaira ana iango te ataei nakon bwaai aika riki n te netiurii ke nakon te taore ke te boki. E kona ni buoka aei te ataei n tekateka raoi. Ngkana teuanne ke neienne e teimatoa n aki kukurei, kaira te ataei anne nakon ana karo. |