8
Te Tabati bon te Bong AE TINA Ururinga IAI Tamara are i Karawa ao Iesu Kristo
Te Kabwarabwara Ibukin te Tia Reirei
N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:
N taai ngkoa n te O Tetemanti, ana aomata te Atua a tia ni katabua te bong teuana maibuakon boong ake itiua bwa te bong ae te Tabati—te bongi ae ti na motirawa iai man ara mwakuri ao ti na taromauriia te Atua (taraa Karikani Bwaai 2:2–3; Te Otinako 20:8–11). Te Uea e aki toki n tataekina te tua aio n ara tai, ao e atia ni berita bwa kawakinan katabuan te Tabati e na buokira ni kateimatoaira “ni kaitiakiira man te aonaaba” (taraa D&C 59:9–10).
Reiakinan Waaki Ni Kakukurei
Moanna ma waaki ni kakukurei ni bootaki. Ibukin iango, taraa iteraniba 3.
Tataro
Kaoa te ataei bwa e na anga te tataro ni kaukuki.
Te Tamnei
Kaota tamnein te utu ae a nakonako nakon taromauri i aon te iteraniba 38 ao tuangiia ataei bwa te utu aio e na nako n taromauri n te Tabati. Kabwarabwara bwa te Tabati bon te bong ae onoti bwa ti nakon te taromauri n te Tabati bwa ti na taromauriia Tamara are i Karawa ao Iesu Kristo ao n reiakin aroia.
Anene
Tuangiia ataei, “bwa aongkoa ti nako n taromauri.” Tuangiia bwa a nakonako ni kamronron ao n anene ke taekin taeka aika imwiina “E Kaukurei Karaoana” (Aia Boki n Anene Ataei 253):
Te Nako n taromauri e kaunga karaoana,
E kaunga karaoana, karaoana, karaoana!
Te nakon te taromauri e kaunga karaoana,
Karaoana, karaoana, karaoana!
Katekatekaiia ataei, ao tuangiia bwa ngkana roko nakon te taromauri ti uringa (kotea atuum) ao iangoia (manga kotea riki atuum) Tamara are i Karawa ao Iesu. Anene ke taekina te moa n rain ibukin “Ma te Karinerine, n Akea te Karongoa” (Aia Boki n Anene Ataei 26):
Ma te Karinerein, n akea te karongoa, ti iangoia ma te tangira.
Kaota tamnein te utu ni mwengaia i aon te iteranibaa 38. Koteia kain te utu aika kakaokoro ao kabwarabwara bwa imwiin te taromauri, ni mweengara, ti kona n uringa Tamara are i Karawa ao Iesu ma ara utu. Ti kona n ikotira ni wareki booki aika tabu (tuangiia ataei bwa aongkoa a wareware ni booki aika tabu) ao tataro teuana (tuangiia ataei bwa ana booti baia) ao te tangira ibukin temanna ma temnna (tuangiia ataei bwa ana katokai baia i aon burooia). Anene ke taekin taeka nakon “Te Utu ae Kakukurei” (Aia Boki n Anene Ataei 198). Kaoia ataei bwa ana raoniko.
I tangira tinau ; ao e tangirai.
Ti tangira daddy, eng tiee;
E tangiriira, ao ko bon nooria,
Ngaira bon te utu ae kakukurei.
Kabaneana
Kauringiia ataei bwa te Tabati bon te bong ni kauringa Tamara are i Karawa ao Iesu n te taromauri ao ni mweengara ma ara utu. Kaoia ataei bwa ana taekina, “Tabati.”
Tataro
Kaoa te ataei bwa e na anga te tataro ni kainiin.
Waaki ni Kakukurei Aika a Kona n Rineaki
Te Katauraoi
-
Ibukin te takakaro n te baeki: Karekea kaobiin te iteraniba 39. Korea te tamnei ao karanii, ngkana e tangiraki. Katuka te tamnei inanon te baeki ke te kaonteina teuana.
Tamneicoloring page, Sunday bookN te Tabati I kona n nako n taromauri.
N te Tabati I kona ni kaota au tangira ae onoti nakon au utu.
N te Tabati I kona ni wareki booki aika tabu.
Te Tabati bon te Bong ae tina ururinga iai Tamara are i Karawa ao Iesu Kristo.
-
Ibukin waaki ni kakukurei iaon koroboki aika tabu: Uota kaobiin te Baibara. Mwaakena Karikani Bwaai 2:2 bwa e aonga ni bebete rekena iroum. Mwakena naba te iteraniba 34 n te bwai n anga reirei aei.
-
Ibukin waaki ni kakukurei n te boki: Karekea kaobiin te tamnei n te iteraniba 39 ibukiia ataei n tatabemaniia bwa a na karanna.
Te Takakaro n te Baeki
Kaoa te ataei bwa e na rinea te tamnei man te baeki. Wareka taekan te tamnei ao kaoia ataei bwa ana katea kaina ni katautauaki ma te tamnei (n aron ae te nakonako ao ngkoa ibukin “N te Tabati I kona n nako n taromauri” ke kotei atuuia ibukin “Te Tabati bon te Bong n Ururinga Tamara are i Karawa ao Iesu Kristo”). Kaoia ataei bwa ana taekin taeka aika kakawaki man taian kabwarabwara, n aron “Iesu,” “booki aika tabu,” “te utu,” ao te “aro.” Kaokia n taekinna ma tamnei nako ni karokoa ae a bane n tia n reke aia tai ataei ni kabane.
Koroboki aika Tabu
Kaota te tamnei iaon te iteraniba 34 ao manga rinanon te karaki ibukin Karikan Bwaai ma ataei (taraa Karikani Bwaai 1 ao reirei 7 n te bwai n anga reirei aei). Kabwarabwara bwa Iesu e mwakuri inanon onoua te bong ni karaoa te aonaaba.
Tuangiia ataei bwa kona wareka te boki ae tabu are e na tuangiira bwa tera ae karaoia Iesu n te kaitibong. Kauka te Baibara nakon Karikani Bwaai 2:2 ao wareka, “E motirawa n te kaitibong man ana mwakuri are e atia ni karaoi.” Katuruturua te taeka motirawa ngkana ko wareware.
Titiraki: “Tera ae karaoia Iesu n te kaitibong?”
Kaeka: “E motirawa.”
Tuangiia ataei bwa ti mwakuri inanon onoua te bong n te wiiki. Kaoia bwa ana karaoi mwakuri aika kakaokoro, taean nanon te auti, keniken n te onaroka, ao a bati riki. Kabwarabwara bwa ti motirawa n te Tabati. Kaoia ataei bwa ana tekateka, ao tuangiia kona rang kakaitau bwa Tamara are i Karawa e anganiira te bong ni motirawa man ara mwakuri.
Boki
Anganiia ataei bwa ana karana te kaobii n te iteraniba 39. N aia tai ni kara, taetae nakoiia ibukin bwaai ni kakairi ao kauringia bwa bwaai aikai ti karaoi bwa tina ururinga iai ao n neboa Tamara are i Karawa ao Iesu Kristo n te Tabati. Ngkana a tia ni kara, rukuma iaon rain ake a katanetaneaki ni karaoia bwa te boki. Wareka ngkanne te boki nakoia ataei.