I Tangira au Utu

Te Kabwarabwara Ibukin te Tia Reirei

N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:

Te utu e rangin ni kakawaki nakon te baire ni kamaiu. E a tia Tamara are i Karawa ni katei utu bwa e na uoti nakoira kakukurei ao ni katauraoira ibukin te maiu are akea tokina. Ti kona n reiakin reirei aika eti n te utu n te nano ae tangira. E rangin ni kakawaki bwa a riai kaain te utu ni bwaina te tangira ao n tabeakiniia i bon imare naia. Ti kaota ara tangira n te ibuobuoki ao te karinerine (taraa I-Ebeto 6:1–3). Koroboki aika tabu a reireiniira bwa “kam na i akoakoi [ao] kam na nanoanga” (I-Ebeto 4:32; taraa naba Te Utu: Te Katanoata nakon te Aonaaba Ensign, Nobembwa. 1995, 102).

Te Katauraoi

Kakaea ke karaoa kaobiin tamnein te utu iaon te iteraniba 51. Karanii, ngkana e kainnanoaki. Koroi ao katikui n te kaonteina.

I Tangira au Utu

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuki.

Te tamnei

Kaota tamnein te utu ae kukurei iaon te iteraniba 50. Tuangiia ataei bwa e a tia Tamara are i Karawa n anganiira ara utu. Kabwarabwara bwa ara utu a tangiriira ao ti kona ni kaota ara tangira ibukin ara utu man te akoi ao te ibuobuoki.

Kabwarabwaraana n te Kaotioti

Taua te konteina ao tuanga te ataei bwa e na rinea tamnein kin te utu. Tuangiia ataei bwa antai kain te utu aio (te tina, te karo, te mwaane, te tari, ke te ataei), ao tuangiia ataei bwa ana taekinna ma ngkoe. Iangoa te kawai are e na kona ni kaota te tangira ibukiia kaain te utu anne (man barongakin bwain takakaro, man tibwauai, moangare, ao aiarona nako naba). Kaoia bwa a na karaoa ae aongkoa a katea kaina. Kaoka karaoan te waaki ni kakukurei ma tamneia kaain te utu n tatabemaniia nako.

Anene

Anene ke taekin taeka nakon “Te Utu ae Kakukurei” (Aia Boki n Anene Ataei 198) ao ni karaoi mwakuri aika oti inano. Kaoia ataei bwa ana raoniko.

I tangira tinau; ao e tangirai. (katoka te bai iaon te bwaabwa)
Ti tangira daddy, eng tiee; (katoutoua atuum)
E tangirira, ao ko bon nooria, (taakin baai)
Ngaira te utu ae kakukurei. (rabwatiko)

I tangira tariu; e tangirai. (katoka te bai iaon te bwaabwa)
I tangira mwaneu, eang sirree; (katoutouaaruum)
E tangirira, ao ko bon nooria, (taakin baai)
Ngaira te utu ae kakukurei. (rabwatiko)

Kabaneana

Kaungaiia ataei bwa ana bwaina te tangira ao te akoi nakoia kain te utu. Kaoia bwa ana taekina, “I tangira au utu.”

Tataro

Kaoa te ataei bwa e na anga te tataro ni kainiin.

Waaki ni Kakukurei Aika a Kona n Rineaki

Te Katauraoi

Ibukin te karaki: Mwakena te iteranibaa 18 n te bokinreirei aio bwa e aonga ni bebete rekena iroum.
Ibukin te boutita: Tuangiia kaaro ibukin tamneia ataein te netiurii ae uarereke are e kaota tamnein te ataei ma ana utu te uanne ke neienne (a kona n ae a tia ni katauroa te tamnei aei ngke e moan ni kaina te netiurii kiraati te ataei; taraa iteraniba 7). Kanimw taian tamnei nakon te boutita ibukin te tamnei. I etana, korea “I Tangira au Utu.”

Karaki

Kaotia nakoia ataei tamnein Iesu ao Tinana iteraniba 18. Kotea tamnein Iesu ao tuangiia ataei bwa aio bon tamnein Iesu ngke E uarereke. Kotea tamnein Maria ao taekinna bwa aio tinan Iesu. Kabwarabwara bwa iai ana utu Iesu ae a tangira ae a tia n Tararuaia raoi ngke E uarereke, ao E rangin n tangira Ana utu. Iangoi kawai aika ana kona iai ataei ni kaota te tangira ibukiia tinaia (man te matangare, buokiia ni kaitiaki, rabwatia, ao tabeua riki). Kaoia bwa a na karaoa ae ao aongkoa a karaoi mwakuri aikanne.

Anene

Karin taeka aika boou nakon te anene “E Kaunga Karaoana” (Aia Boki n Anene Ataei 253) n reireiniia ataei ni kawai tabeua ae a kona ni kaota aia tangira ibukin aia utu. Te katoto, taekinna nakoia ataei, “Ti a kaotia bwa ti na kanga n tangira te Titita.” Anenea “Tibwauan te taore e bon kaunga karaoana” ao ni karaoi bwaai aika bebete. Taeka tabeua aika ko kona ni kabonganai bon, “Tabekakin taore e bon kaunga karaoana,” “Kaitiakin te ruu bon te bwai ae kaunga karaoana,” “Te moangare e boni kaunga karaoana,” “Buoakn tamau e boni kaunga karaoana,” ao a mwaiti riki.

Te Boutita

Katea ieta te boutita are ko a tia ni katauraoia. Kotea te Tamnei ao atonga, “Aio [aran te ataei]ana utu. Aio [aran te ataei].” Kaokia n taekinna ibukiia ataei n tatabemaniia. Katuruturua bwa ngaira ni kabane iai ara utu aika a tangirira ao ti tangiriia. Kaota te boutita ni katoa wiiki ao kariaia ataei bwa ana kaekai titiraki ibukiia aia utu (”Engaa [aran te ataei]’ana utu?” “Engaa [aran te ataei]?” “Engaa Daddy?”ao ai arona naba). Ikoti tamnei nakon te boutita n aroia atei tabeman aika aira te netiurii.