N na Bon RIAI NI Kakaitau

Te Kabwarabwara Ibukin te Tia Reirei

N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:

E a tia n anga te kaetieti te Uea bwa, “Ti na kaitaua te Uea ae Atuara ni bwaai ni kabane” (D&C 59:7). Ti riai ni kaota ara kakaitau nakon te Atua ibukin kakabwaia aika mwaiti aika E a tia n anganiira. Ti riai naba ni kakaitau nakoia kaarp, taan reirei, raoraora, ao tabeaman ake a tia ni buokiira n aanga aika mwaiti. (Taraa naba Taian Areru 100:3–4.)

Te Katauraoi

Wareka Ruka 17:11–19, ao tauraoi ni kabwarabwara ni kauarerekea karakinaia rebera ake 10.
Uota kaobiin te Baibara. Mwaakena Ruka 17:11–19 bwa e aonga ni bebete rekena iroum.

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuki.

Kaetieti Ibukin te Reirei

Tuangiia ataei bwa Tamara are i Karawa e a tia n anganiira kakabwaia aika a mwaiti, n aron rabwatara, aroka ao maan, ara utu, ao te Ekaretia. Kabwarabwaraa bwa ti kona ni kaota ara tangira ibukina ni kangaai “ko rabwa” ao ane ti kona naba ni kangaai “ko rabwa” nakoia ara utu ao raoraora ao tabeman aika a karaoa te mwakuri n akoi ibukira.

Te Karaki man Korobokii Aika Tabu

Katea ieta te tamnei i aon te iteraniba 66. Kotea Iesu ao aomata aika a rang aoraki. Kauka te Bwaibwara nakon Ruka 17:11–19 ao taekina te karaki ibukiia rebera aika 10. Mainano bon te katooto:

Iai te 10 aomata aika a rang n aoraki. Iesu e katoki aorakiia ao e kamarurungia (kotea Iesu n te n te tamnei). A bane n kukurei (koteiia rebera n te tamnei). Ma ti temanna te aomata ae taetae “ko rabwa” nakon Iesu (kotea te rebera ae kakaitau n te tamnei). Ti kona ni kangaai “ko rabwa” (kaoia ataei bwa ana taekina “ko rabwa”).

Te Tamnei

Katea ieta te kabwarabwara n te tamnei are i aon te iteraniba 67. Tuangiia ataei bwa ti kaota ara tangira nakon Tamara are i Karawa ngkana ti kaitaua ibukin bwaai ni kabane aika E anganiira. Kotea teuana mai buakon te tamnei ao kaoia ataei bwa ana karaoa kaina ni rekereke ma aitam (n aron ae a tabeki baiia ietan atuuia ni karaoa taubukin te auti, aongkoa ko kpkinika uaan te kai ao ko kanna, aongkoa ko karin am kau, ao n aron anne). Manga kaokia ibukin kabwarabwara n te tamnei n tatabeua.

I rang ni kakaitau ibukin au utu.

I rang ni kakaitau ibukin au kunikai.

I rang kakaitau ibukin mweengau.

I rang kakaitau ibukin te amwarake ae nna kanna.

Anene

Anene ke taekin taeka nakon kiibu 1 ao 2 of “Te Kaitau Nakon Tamara” (Aia Boki n Anene Ataei 20) ao ni karaoi mwakuri aika oti inano. Kaoia ataei bwa ana raoniko.

Te kaitau nakon Tamara are i Karawa ti na uota, (booti baai)
Ibukina bwa e anganiira bwaai ni kabane. (taakin nako baai)
Maata ao taninga ao baai ao te wae, (kotei maata, taninga, baai, ao waae)
Kunikai aika ana bwainaki, (kotei kunikai) ao amwarake aika ana kanaki. (aongkoa ko amwarake)

Kabaneana

Tuangiia ataei bwa ana taekina “ko rabwa.” Tibwaua ni kakimototoa am namakin ni kakaitau ibukin Tamara are i Karawa ao Iesu Kristo.

Tataro

Kaoa te ataei bwa e na anga te tataro ni kainiin.

Waaki ni Kakukurei Aika a Kona n Rineaki

Te Katauraoi

Tamnei Ibukin Waaki ni Kakukurei: Uoti tamnein bwaai aika ko kakaitau ibukiia; ko kona ni kabonganai tamnei aika inanon te bokinreirei aei ke inanon ana makatiin te Ekaretia, ke ko kona ni korea oin am tamnei.
Ibukin te waaki ni kakukurei n te kara ke te takakaro ni kabotau: Kaobina te tamnei iaon te iteraniba 67 ibukiia ataei bwa ana karanna. Uoti mwakoron beeba ke te bwai teuana ae ti tebo ma are ana kabongana ataei kanga taan taubui ibukin te takakaro ni kabotau; uota te mwaiti ae tau ibukiia ataei n tatabemaniia ni karekea tao aman taan taubui.

Kibun te Kamate nano

Tuangiia ataei bwa ti rangin ni kakaitau iroun Tamara are i Karawa ibukin rabwatara. Kaoia ataei bwa ana tei ao ni karaoi taekan te waaki ni kakukurei aikai ma ngkoe. Kanakoraoi kaiia ake a iangoaki man taian taeka.

Riing matam, riinga bwairim,
Riing taningam, riing waem.
Taakin baim n nako eeta,
Ni karietata, nakon karawa.
Katikui baim iaon iram.
Tekateka n aki kakarongoa iaon am kaintekateka.

Kotea wiim ao taekina, “I kakaitau ibukin wiiu.” Tuangiia ataei bwa ana kaokioka n taekina te kibu n taeka ao te mwakuri. Manga kaokia ibukin matam, bwairim, taningam, baim, ao waem. Kaoia ataei bwa ana iangoi bwaai aika ana kakaitau ibukina, ao manga kaoka te kibu n taeka ibukin bwaai aika taekin.

Taian Tamnei

Kaotii nakoiia ataei tamnei aika ko atia ni uoti ao kabwarabwara ni kakimototoa bwa bukin tera ko kakaitau ibukin bwaai aikai. Kaoia ataei bwa ana taekin aran bwaai aika a kakaitau ibukina.

Karanakin

Tuangiia ataei bwa a na karana te iteraniba 67. N aia tai ni kara, kotei kabwarabwara iaon tamnei ao kabwarabwaraa nakoiia ataei te bwai are a karanna. Warekia nakoiia taeka i aon te tamnei.

Te Takakaro ae te Kabotau

Anganiia ataei n tatabemaniia nako mwakoro ni beeba aika uarereke. Katea ieta te bwaini kakairi i aon te iteraniba 67, kotea te tamnei ibukin te utu, ao wareka te kabwarabwara ibukin te tamnei nakoiia ataei. Kaoia ataei bwa ana katuka te mwakoro ni beeba ae uarereke i aon te utu ni bon aia kaobii. Kaoia bwa ana kaoka te kibu n taeka i aon te tamnei n taekinna ma ngkoe. Kaoka karaoan te waaki ni kakukurei aio ibukin bwaai ni kakairi ake tabeua.