24
N Na Ira te Burabeti
Te Kabwarabwara Ibukin te Tia Reirei
N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:
Te burabeti bon te mwaane are e a tia ni weteaki iroun te Atua bwa e na taetae Ibukina. Burabeti a karekei a na taeka te Atua man te kaotioti ao a tuangaki bwa a na nako n tataekinna nakoia aomata (taraa Amota 3:7; 1 Nibwaai 22:2; D&C 1:38; Te Rikitionare n te Baibara, “Burabeti” 754). Ti rang kakabwaiaki ngkai ti kairaki iroun te burabeti ae maiu. N aiaroia burabeti ake ngkoa, burabeti n taai aikai a kakoaua Iesu Kristo ao a reirei taekan Ana euangkeerio. Aia reirei bon ana iango ao ana kantaninga te Uea.
Te Katauraoi
Uota te Tamnein te Beretitenti n te Ekaretia ae ngkai, ngkana iai.
Reiakinan Waaki Ni Kakukurei
Moanna ma waaki ni kakukurei ni bootaki. Ibukin iango, taraa iteraniba 3.
Tataro
Kaoa te ataei bwa e na anga te tataro ni kaukuki.
Takaakaro
Kaoa te ataei bwa e na katea kain “ira te tia kairiiri” ma ngkoe. Rinea te ataei bwa e na nakonako, uboubo, ke ni karaoi mwakuri riki tabeua. Tuangiia ataei ake tabeman bwa a na ira te ataei are te moan, ni karaoa te bwai are e karaoia neienne ke teuannei. Waaki nako ni karokoa a bane n tia n reke aia tai ataei ni kabane ake a kan riki bwa te tia kairiiri. Tuangiia ataei bwa ana iriko nakon te tabo n reirei, ao tuangiia bwa ana tekateka.
Kaetieti Ibukin te Reirei
Tuangiia ataei bwa iai ara tia kairiiri ae onoti ae ti na iria, ara burabeti. Kabwarabwaraa bwa te burabeti bon te aomata ae taetae ma te Atua—e tuangiia aomata te Atua te bwai ae ti riai ni karaoia. Tuangiia ataei bwa ngkana ti ira te burabeti, ao ti na rangin ni kukurei ao Tamara are i Karawa e na kakabwaiaira. Kabwarabwara bwa ngkana ti iriira te burabeti nanona karaoan bwaai aka e tuangiira bwa ti na karaoi.
Tamnei
Kaota tamnein Iotebwa Timiti (iteraniba 102). Taekina, “Aio te Burabeti Iotebwa Timiti. Tamara are i Karawa ao Iesu a taetae nakon Iotebwa Timiti.” Anga te tamnei nakon te ataei bwa e na taua. Tuangiia ataei te bwai teuana ae reireiniira te Burabeti Iotebwa Timiti bwa ti na karaoia, n aron ae warekan booki aika tabu. Tuangiia ataei bwa aongkoa a wareware man booki aika tabu, ao kaoia bwa ana taekina, “Ira te burabeti.” Anga te tamnei nakon temanna te ataei ao kaoka te waaki ni kakukurei, ni katea kain te bwai teuana ae reirei te Burabeti, n aron te tataro, amwarake n amwarake aika raraoi, ao e nako riki. Imwiin mwakuri n tatabeua nako, tuangiia ataei bwa ana atonga, “Ira te Burabeti.” Teimatoa ni karaoia ni karokoa a bane n reke aia tai ataei n taua te tamnei.
Kaota tamnein te Beretitenti n te Ekaretia ae ngkai, ngkana e tauraoi. Tuangiia ataei arana ao tabeua bwaai aika e a tia n reireiniira bwa ti na karaoi. Kabwarabwaraa bwa ngkana ti karaoi bwaai aikai, ao ti na kakabwaiaaki.
Kabwarabwaraana n te Kaotioti
Kaoia ataei bwa ana katei kain kawai aika ti kona iai n ira te burabeti.
Anene
Kaoia ataei bwa ana mwaati ni katobibia te ruu ma ngkoe ngkana ko anenea ke ko taekin taekan kooratin “Ira te Burabeti” (Aia Boki n Anene Ataei 111):
Ira te burabeti, ira te burabeti,
Ira te burabeti; tai kabua kawaim.
Ira te burabeti, ira te burabeti,
Ira te burabeti; e ataa te kawai.
Kaoia ataei bwa ana anaene ma ngkoe. Kaokia, n anganiia ataei aia tai ni kaira te mwaati. Kabwarabwaraa bwa kabuaan kawaim nanona karaoan te bwai ae bure.
Kabaneana
Tuangiia ataei bwa ko ataia bwa ngkana ti ira te burabeti, ao ti na kakabwaiakaki. Tuangiia ataei bwa ana taekina, “N na ira te burabeti,” tabeua taeka n te taina.
Tataro
Kaoa te ataei bwa e na anga te tataro ni kainiin.
Waaki ni Kakukurei Aika a Kona n Rineaki
Te Katauraoi
-
Ibukin te waaki ni kakukurei n te tabonibai ao te takakaro ni keeti: Kaobiina ao korei nako tamnei ake a oti iaon te iteranibaa 103. Karanna ngkana e kainnanoaki. Rukumma n ira te rain are katanetaneaki ni karaoa te tamnei ae tei.
N na ira te burabeti.
E reiriniira Taniera bwa ti riai n tataro.
Ioane te Tia Bwabetito e reireiniira bwa ti na bwabetitoaki.
Tamuera te Reimwanaite e reireiniira bwa ti na ongotaeka nakon Tamara are i Karawa.
E reireiniira Iotebwa Timiti bwa ti na wareware man booki aika tabu.
-
Ibukin te waaki ni kakukurei n te kara: Kaobiina ao koroi tamnei ake iaon te iteraniba 103 ibukiia ataei n tatabemaniia bwa a na karan.
Taamnei
Tuangiia ataei bwa ko na buokiia n reireiniia taekaia burabeti ake a maeka n taai ake ngkoa. Katuka tamnei ake a tei ake aua iaon tano ke iaon te taibora. Tuangiia ataei temanna imwiin temanna bwa ana rinea teuana maibuakon taian tamnei. Tuangiia ataei aran te burabeti ao wareka te kabwarabawra n te tamnei. Kaoa te ataei bwa e na kaokioka te taeka ae kakawaki man te kabwarabwara iaon te tamnei, n aron “tataro,” “bwabetito,” “ongotaeka,” ao “koroboki aika tabu.” Kaokia ni karaokoa a bane n reke aia tai ataei ake a tangira aia tai.
Te Takakaro ni Keeti
Tuangiia ataei bwa ana rabun mataia ke n tannako ngke ko katea te tamnei ae tei n te tabo teuana inanon te ruu. Kakoaua bwa a bane ni kai nooraki. Tuangiia ataei bwa ana kakaai tamnei. Ngkana a kunea teuana, tuangiia bwa ana kaokia nakon te tabo n reirei. Tuangiia ataei aran te burabeti ao wareka te kabwarabwara iaon te tamnei nakoia. Te waaki ni kakukurei aei e kaineti riki nakoia ataei aika a ikawai riki.
Karanakin
Kariaia ataei bwa ana karana kaobiin tamnei ake iaon te iteraniba 103. Ngkana a tia, rukum riaon te rain are katanetaneaki ni karaoi tamnei aika tei ibukiia ataei bwa ana uoti nakon mweengaia. Ngkana e aki reke am tai ni karaoi tamnei n tain te netiurii kiraati, tuangiia aia karo ataei bwa ana karaoi ni mweengaia.