30

Iesu Kristo Bon Natin Tamara are i Karawa (Kiritimati)

Te Kabwarabwara Ibukin te Tia Reirei

N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:

Iesu Kristo e bungiaki iroun te tina ae mamate, Maria, ao te tama ae akimamate, Tamara are i Karawa. Bon Natin raoi te Atua. Ibukin Ana tangira ae korakora, Tamara are i Karawa e kanakoa Iesu Kristo nako aon te aba bwa e na riki bwa ara Tia Kamaiu ao ara Banna ni katooto. “E tangira te aonaaba te Atua, ngaia are E anga Natina te riki-temanna, bwa ane e onimakinna e na bon aki mate, ma e na kaekea te maiu are akea tokina” (Ioane 3:16).

Te Katauraoi

Mwaakena te iteraniba 106 n te bokinreirei aio bwa e aonga ni bebete rekena iroum.

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuki.

Te Tamnei

Katea te tamnei iaon te iteraniba 126. Kaoia ataei bwa ana taraa te ataei n te Tamnei. Tuangiia Arana bwa Iesu, ao kaoia bwa ana taekina “Iesu.” Tuangiia ataei bwa ana karaoa ae aongkoa a bwabwakoa te ataei inanon baia.

Mary and baby Jesus

Kotea Maria n te Tamnei ao tuangiia ataei, “Aio tinan Iesu. Arana bon Maria.”

Tuangiia ataei ae Iesu bon Natin Tamara are i Karawa. Kaoia ataei bwa ana kaoka “Iesu bon Natin Tamara are i Karawa,” tabeua taeka n te taina. Tuangiia bwa Tamara are i Karawa e kanakoa Natina te Mwaane, Iesu Kristo, nako aon te aba bukina bwa E tangiriira.

Anene

Kotea riki te ataei Iesu n te tamnei. Tuangiia ataei ae ko na anenea te anene. Tuangiia bwa ana atonga, “E kanakomaia Natina” ngke ko kotea te ataei Iesu. Kariaia bwa ana kataneiai tabeua te tai, ao ngkanne anenei ke taekin taeka aikai nakon “E Kanakoa Natina te Mwaane” (Aia Boki n Anene Ataei 34–35):

E na kanga te Tama n tuanga te aonaaba te tangira ao te akoi?

E kanakoa Natina te mwaane, (kotea tamnein te ataei Iesu) te ataei ae tibwa bungiaki, ma te rau ao te mimitong.

Koata Tamnein Iesu Kristo iaon te iteraniba 106. Tuangiia ataei bwa e rikirake Iesu bwa ara Tia Kamaiu, Iesu Kristo. Kaoia bwa ana taekina, “E kanakoa Natina te Mwaane” ngkana ko kotea Tamnein te Tia Kamaiu. Anene ke taekin taeka aikai nakon “E Kanakomaia Natina te Mwaane”:

E na kanga te Tama ni kaota te kawai nakon te aonaaba ae ti riai n iria?

E kanakomaia natina te mwaane (kotea Tamnein te Tia Kamaiu n te Tamnei) bwa e na nanakonako ma aomata n te taobaaba, bwa ti aonga n ataia.

Jesus Christ

Kabaneana

Kaota am kakaitau ngkai Tamara are i Karawa e kanakomaia Iesu Kristo. Kaota am kakoaua bwa Iesu Kristo bon Natin Tamara are i Karawa.

Tataro

Kaoa te ataei bwa e na anga te tataro ni kainiin.

Kawai n Angareirei

Iesu Kristo: “Bwaai ni kabane ake ti anga reirei iaona a riai ni kairiia utu ao kaain te kiraati nakon Kristo. … Uringa aei ngkana ko katauraoi ao n anga am reirei” (Teaching, No Greater Call 80).

Ataei aika uarereke: Tarai kanikina ake a na kona n tuangko bwa a ongora ataei. Ni buokaia bwa ana kona n rangin ni kan ongora, kataia ni kakaokoroa bwanaam n anga reirei, kateimatoa matam nakoia, ao kakaokoroa am kawai n anga reirei. (Taraa Teaching, No Greater Call 71–72.)

Waaki ni Kakukurei Aika a Kona n Rineaki

Te Katauraoi

• Ibukiia taore kaai: Kaobiina ao korea nako te kabwarabwara n te tamnei iaon te iteraniba 127 ibukiia ataei n tatabemaniia. Teibina ke kuruuna te kai nako akuun te kabwarabwara n te tamnei ni karaoi taore kaai ibukiia ataei.

  coloring page, Nativity pictures

  Iesu Kristo Bon Natin Tamara are i Karawa

• Ibukin waaki ni kakukurei iaon koroboki aika tabu: Uota kaobiin Ana Boki Moomon. Mwaakena 3 Nibwaai 9:15 bwa e aonga ni bebete rekena iroum.

Kaai Taore

Anganiia ataei kaai taore ake ko a tia ni karaoi ibukiia. Manga taekinna ni kakimototoa karakinan bungiakin Iesu Kristo n oin am taeka (taraa Ruka 2:4–16). Kaoia ataei bwa ana tau ieta aia taore kaai n te tai ae riai n tain te karaki. Te waaki ni kakukurei aei e kaineti riki nakoia ataei aika a ikawai riki.

puppet diagram

Anene

Anenei ke taekin taeka aikai nakon “E Raroa Inanon n Neia Maan” (Aia Boki n Anene Ataei 42–43) ao kanokoraoi kaiia ake a taekinaki n taian taeka. Kaoia ataei bwa ana raoniko.

E raroa inanon n neia maan, akea n ne na ibukin matuuna,

Te Uea Iesu ae uarereke e kawenea atuuna;

Itoi ni karawa a taraa te tabo are e wene iai,

Te Uea Iesu ae uarereke, e matu iaon uteute.

Kibun te Kamate nano

Kaokiokii n taekin kiibun te kamate nano aikai, ao kaoia ataei bwa a na raoniko:

Te ataei inanon n neia maan n amwarake (katiotioi baai ae kanga ko bwabwakoa te ataei ae uarereke)

Te tina ae tangira irarikin,

Te itoi ae oota inanon taian karawa, (kotea karawa)

Natin te Atua e mena ikai! (booti baai)

Koroboki Aika Tabu

Tuangiia ataei bwa e tuangiira Iesu inanon koroboki aika tabu bwa Ngaia bon Natin te Atua, Tamara are i Karawa. Kauka ana Boki Moomon nakon 3 Nibwaai 9:15 ao wareka, “Nooria, bon Ngai Iesu Kristo Natin te Atua.” Kaoa te ataei bwa e na taekina “Natin te Atua” ma ngkoe.

Kawai n Angareirei

Bwaai n Ibuobuoki: Kabonganai ti ana bwai n ibuobuoki te Ekaretia n tain te netiurii kiraati. Ngkana ko kainanoi riki ibukiia ataei bwa ana karaoi, rinei karaki, takakaro, taoree, ke waaki ni kakukurei n te kara man te boki n reirie aei are ko a tia ni kabongana ma imwaina. Ko kona naba ni kabonganai takakaro ao karaki man ana maekatiin te Ekaretia.

Kaokiokana: Reirei ni kabane ke mwakoron te reirei aei tabeua te tai n tain te Kiritimati. Ataei a kukurei ni kan ongongora nakon karaki ni Kiritimati.