Iesu Kristo e Kaota Nakoira Bwa Tina Kanga n Tangiriia Tabeman

Te Kabwarabwara Ibukin te Tia Reirei

N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:

Iesu Kristo e kaota te banna ni katooto ae rang tamaroa i bukin te akoi ao te tangira. Rinanon Ana mwakuri i aonteaba, Iesu e kaota Ana tangira ibukiia tabeman ni kakabwaiaia ao ni beku ibukiia kainano, aoraki, ao aika kurakai. E tuangiia ana reirei, “Aio au tua, Bwa kam na tangirii ngkami bon iroumi, n aron ae I a tia n tangiri ngkami” (Ioane 15:12; taraa naba Ioane 13:34–35; Moronaai 7:46–48).

Te Katauraoi

Mwakena te iteranibaa 22 n te bokinreirei aio bwa e aonga ni bebete rekena iroum.
Uota kaobiin booki aika tabu.

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuki.

Anene

Tuangiia ataei bwa ngke maiu Iesu i aonteaba, E reireiniira bwa tina tangiriia tabeman; E kaotia man bwaai ake karaoi. Anene ke taekina te korati ibukin Kan Riki n Aekan Iesu (Aia Boki n Anene Ataei 78–79) ao ni karaoi mwakuri aika oti inano. Kaoia ataei bwa ana raoniko.

Tangiri ngkami bon iroumi n aron ae tangirii ngkami Iesu. (rabwatiko ao rairaki man te iterana nakon are te iterana)
Kataia kaota te akoi ni bwaai ni kabane ake ko karaoi. (katoutoua atuum ieta ao inano)
Karaoa ae raoiroi ao te tangira n am mwakuri ao am iango, (rabwatiko ao rairaki man are te iterana nakon are te iterana)
Bwa aikai bwaai ake reirei iai Iesu. (Katoutoua atuum ieta ao inano)

Karaki n Booki Aika Tabu

Kaotia nakoia ataei kaobiin booki aika tabu. Tuangiia bwa reiakinna mani booki aika tabu bwa e kanga Iesu ni kaota te tangira. Taekin ni kaki mototoi karaki aikai:

Karaki 1 (Kaota te tamnei i aon te iteraniba 27): A mwaiti aomata aika roko n ongora ana reirei Iesu. A bon mena ikekei n te tai ae maan ao a rang ni baki (tuangiia ataei bwa aongkoa a baki). Bon ti teutana te kariki ao te ika ni kamwarakeiia aomata ni kabane. E kakabwaia te amwarake Iesu ao e tuangiia ana reire bwa ana anganiia aomata. A bane ni ngae aomata, ao iai naba nikiran te amwarake (tuangiia ataei bwa aongkoa amwarake). (Taraa Mataio 14:13–21.)

Tuangiia ataei bwa ana taekinna ma ngkoe, “e kaotia Iesu bwa tina kanga n tangiriia tabeman,” taekin tabeua taeka.

Iesu Kristo e Kaotia Nakoira Bwa Tina Kanga n Tangiriia Tabeman

Karaki 2 (kaota te tamnei i aon te iteraniba 26): N te taina ao e noora te aomata ae mataki Iesu—e aki noraaba (tuangiia ataei bwa ana rabuni mataia). Iesu e kakabwaia te aomata bwa e aonga ni kona n noraaba (tuangiia ataei bwa ana kanakoi rabunan mataia). (Taraa Ioane 9:1–12.)

Tuangiia ataei bwa ana taekinna ma ngkoe, “e kaotia Iesu nakoira bwa tina kangaa n tangiria tabeman.”

Karaki 3 (kaota te tamnei i aon te iteraniba 22): Imwiin mangautin Iesu, E kawariia Nibwaite. Bukina bwa e tangiriia ataei, E kakabwaiaia ngaiia n tatabemaniia nako (tuangiia ataei bwa ana irabwati irouia). (Taraa 3 Nibwaai 17:21–24.)

Tuangiia ataei bwa ana taekinna ma ngkoe, “Iesu e kaotia nakoira bwa tina kanga n tangiriia tabeman.”

Anene

Anenea ke taekina kooratin “I Kataia Bwa n Na Riki n Ai Aron Iesu” teuana riki. Kaoia ataei bwa ana anene ao ni katea kaina ma ngkoe.

Kabaneana

Tibwaua am koaua bwa ti kona n tangiriia tabeman n aron ae karaoia Iesu.

Tataro

Kaoa te ataei bwa e na anga te tataro ni kainiin.

Waaki ni Kakukurei Aika a Kona n Rineaki

Te Katauraoi

Ibukin te kamwaninga: Uota tamnein te Tia Kamaiu (ko kona ni kabongana te tamnei are i aon iteraniba 106 ngkana ko tangiria). Kakaea te mwakoro ni beeba ae ti tebo abwakina ma te tamnei (ke korea te mwakoro ni beeba nakon abwakina) ao korea te beeba teniua ke aua mwakorokorona ni karaoia bwa te kamwaninga. Koreia “N Na Tangiriia Tabeman” iakuun mwakorokoro ni beeba.
Ibukin waaki ni kakukurei iaon koroboki aika tabu: Uota kaobiin te Baibara. Mwaakena Ioane 15:12 bwa e aonga ni bebete rekena iroum.
Ibukin kamatataan waaki ni kakukurei n te tamnei Karekea kaobiin te tamnei n te iteraniba 27 ibukiia ataei n tatabemaniia.

Te Kamwaninga

Rabuna tamnein Iesu ma mwakorokoron te kamwaninga. Butia te ataei bwa e na rinea ana mwakoro ni kamwaninga. Wareka te kibu n taeka i aon te mwakoro ni kamwaninga ao tuangiia ataei bwa ana manga taekinna. Maroroakina te anga teuana ae ti kona n tangiriia tabeman (taekina ko rabwa, buokanibwai, karaoa te bwai ae tangiria te Tina ke te Karo, baairei bwai n takakaro, ao ai arona naba). Manga taekinna ma mwakoro ni beebwa ni kabane ni karokoa ae bane n nooraki te tamnei. Boutoka te iango bwa Iesu e kaotia nakoira bwa tina kanga n tangiriia tabeman.

Koroboki aika Tabu

Tuangiia ataei bwa inanon booki aika a tabu ao Iesu e reireiniira bwa ti na tangiriira bon iroura. Kauka te Baibara nakon Ioane 15:12 ao wareka, “Tangirii ngkami bon iroumi.” Kaoia ataei bwa ana manga taekina te kibu n taeka ma ngkoe.

Anene

Anene ke taekin taeka nakon “E Taku Iesu Tangiriia Aomata ni Kabane” (Aia Boki n Anene Ataei 61) ao ni karaoi mwakuri aika oti inano. Kaoia ataei bwa ana raoniko.

E taku Iesu tangiriia aomata ni kabane; (taakin baai ni karababai)
Karaoia ma te akoi. (katoutoua atuum nako eeta ao naano)
Ngkana e onrake nanom n te tangira, (katokaa te bai iaon te buroo)
Ana tangiriko tabeman. (rabwatiko)

Te Kamataata n te tamnei

Anganiia ataei ni kabane kaobiin te tamnei iaon te iteranibaa 27. Titirakiniia ataei titiraki ibukin te tamnei ni kauringiia te karaki are ko a tia ni kaman karakinna nakoia. Te katooto:

Ko kona n noora Iesu n te tamnei? (tuangiia ataei bwa ana kotea Iesu ni kaobiin aia tamnei)

Tera ane inanon taian ni bwaene? (tuangiia ataei bwa aongkoa amwarake)