7

Iesu Kristo e Karika te Aonaaba i Bukiu

Te Kabwarabwara Ibukin te Tia Reirei

N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:

Te mwakuri i aan ana kairiiri Tamara are i Karawa, Iesu Kristo e karika te aonaaba ae tamaroa ae ti maeka iai (taraa Moses 2:1). Bukin karikan te aonaaba bwa e na anganiira ara tabo are tina kona iai ni kataaki ao ni karekei atatai n te aro bwa ti aonga ni kona n riki n aiaron Tamara are i Karawa (taraa Aberaam 3:24–25). Tamaroan te aonaaba ae kamimi e anga te koaua ibukin te mwaaka ao aia tangira Tamara are i Karawa ao Iesu Kristo (taraa Moote 6:63).

Te Katauraoi

Uota kaobiin te Baibara. Mwaakena Karikani Bwaai 1:1 bwa e aonga ni bebete rekena iroum.

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuki.

Anene

Anene ke taekin taeka nakon “E Tangirai Tamau are i Karawa” (Aia Boki n Anene Ataei 228–29) ao ni karaoi mwakuri aika oti inano. Kaoia ataei bwa ana raoniko.

Ngkana I ongo ana anene te manikiba (kamronrona baim nakon taningam)

Ke taraa karawa ae buruu ae rang ni buruu, (tararake, aongkoa ko kanuua matam ni baim)

Ngkana I namakina te karau iaon ubuu (taua te ubu n te tabonibai)

Ke te ang ngkana e buti, (ioioi baim nako mooa ao nako buuki)

Ngkana i taua te rooti ae veroreta (booti baim n kamronron)

Ke nakonako irakin ueen arokara aika kirimatamata, (kabonganai uoua te tabonibai nakon “nakonako” tabeka ieta te bai are teuana)

I kukurei bwa i maeka n te aonaaba ae tamaroa aei (tabeki baai ni kamronron ietan te atuu)

Tamara are i Karawa e karikia ibukiu. (boni kotoiko)

Koroboki aika Tabu

Kauka te Baibara nakon Karikani Bwaai 1:1 ao warekia, “Ngke atuai ni karikaki bwaai ao e karika karawa ma aonaaba te Atua.” Kaoia ataei bwa ana taekin koroboki aika tabu ma ngkoe, tabeua taeka n te taina. Kabwarabwara bwa Tamara are i Karawa e tuanga Iesu Kristo bwa E karaoa te aonaaba ao bwaai ni kabane ake inanona, Iesu Kristo e karaoa naba taai bwa e na anganiira te oota. Kaoia ataei bwa ana tabeki baiia ietan atuuia ni kamronron ao n taekina “taai.”

Tuangiia ataei bwa Iesu Kristo e karaoi itoi ake ti noori n te bong. Kaoia ataei bwa ana kakuki ao ni kaini baiia n aron ruberuben itoi ao taekina “itoi.”

Tamnei

Kaota te tamnei iaon te iteraniba 34. Kotei kaai ao tuangiia ataei bwa e karaoi kaai Iesu. Kaoia ataei bwa ana teirake ao n taakin baia nako eeta, n ae aongkoa kaai aika a ukaki n te ang. Kaoia bwa ana atonga “kaai.”

plants and animals

Kotea te man n te tamnei ao kabwarabwara bwa Iesu e karaoi maan. Kaoa te ataei bwa e na aran tabeua maan ao ni karaoi tangin maan tabeua.

Kabaneana

Kabwarabwara bwa Iesu e karaoi bwaai ni kabane bukina bwa E tangirira. Kaota am kakaitau ibukin te aonaaba ae tamaroa.

Tataro

Kaoa te ataei bwa e na anga te tataro ni kainiin.

Kawai n Angareirei

Anene: “Angiia ataei a kukurei n irii waaki ni kakukurei n te katangitang. Katangitangin anene aika anainano e buokiia ataei n uringa … rongorongon te taeka. Katangitang a kona ni karikirarekea otaia ataei n reirein te euangkerio ao ni kakorakorai aia kakoaua” (Teaching, No Greater Call 174).

Ataei aika uarereke: Ngkana e aki reke aia tai ataei ni motirawa imwain ae ko a tia ni kabanei ni kabane waaki ni kakukurei ibukin te reirei, e tikiraoi ngkana ko katoka te reirei ao karaoa te waaki ni kakaukurei are e na kakamwakuriia ataei, n aron te nakonako, katiotioi baim, ke ni kakamwakuri baia. Ngkana a rikirake ni ikawai ataei, ana kona n reirei ibukin te tai ae maan riki.

Waaki ni Kakukurei Aika a Kona n Rineaki

Te Katauraoi

• Ibukin te waaki ni Kakukurei n te Koraa: Uota te mwangko ae te buratitiki ibukiia ataei n tatabemania. Uoti naba tabeua te tano bwa ana karinaki inanon mwangko ao uoti tabeua koraa (n aron te biin, koon, ke koraan te wiita) ibukiia ataei n tatabemania bwa ana ununiki. Iaon mwangko korea, “Iesu Kristo e Karaoi Koraa Ibukiu.” Katauraoa te taeka ae na kanakoaki nakon te mweenga ma aia kabwarabwara ataei bwa ana kanga n tararuai koraa.

• Ibukin waaki ni kakukurei n te boki: Karekea kaobiin te iteraniba 35 ibukiia ataei n tatabemaniia bwa ana karanna. Uoti tabeua teibi ke kuruu.

  coloring page, Creation book

  Iesu Kristo e Karika te Aonaaba Ibukiu

  E karika taai Iesu.

  E karika namwakaina ao itoi.

  E kariki kaai.

  E kariki maan.

  E karikii man ni kiba.

Anene

Anene ke taekin taeka nakon “Te Aonaaba E Rangin ni Kakukurei” (Aia Boki n Anene Ataei 233) ao ni karaoi mwakuri aika oti inano. Kaoia ataei bwa ana raoniko.

E rangi ni kakukurei te aonaaba! I kukurei ngkai e kona n reke anne (butui koonan wiim bwa ko na moangare)

Ibukin bwaai ake e a tia te Uea ni karaoi ibukiu— (boni kotoiko)

Otan taai, (tabeki baai n te mronron ni katobibi iaon atuum) taian uee, (ao ngkoa ko aroka te uee) itoi ieta ikekei, (kauki ao kainii baai kanga itoi aika ruberube)

Te mweenga are I maeka iai, ao te utu ae I tangiria. (rabwatiko)

Waaki ni Kakukurei n te Koraa

Kanoai mwangko ake ko uoti ma te tano ao tuangiia ataei n tatabemaniia nako bwa ana unika aia koraa. Ngke a karaoa aei, tuangiia bwa ngkana a teboka aia koraa ao ni katikui n te tabo are iai otan taai ae tau iai, te koraa e na rikirake bwa te aroka. Kauringiia bwa e karaoi koraa Iesu Kristo, te tano, te karau, ao otan taai. Tuangiia kaaro bwa ana uoti aia mwangko natiia nakon mweengaia n te aro bwa aong n noora ikawain arokaia. Te waaki ni kakukurei aei e kaineti riki nakoia ataei aika a ikawai riki.

Boki

Karekeia ataei aika a na karana kaobiin te tamnei are n te iteraniba 35. N aia tai ni kara, manga rinanoa te reirei are ko a tia n anga reirei iaona n tain te reirei. Ngkana a bane, rukuma te tamnei ao teibinna ke kurunna nakon te kaetieti iaon te tamnei. Imwiina ao wareka te boki ma ataei.

book diagram

Kawai n Angareirei

Waaki ni Kakukurei ma te Koraa: Ngkana ko rineia bwa ko na karaoa te waaki ni kakukurei aei, kawakin mwangko n tano n te tabo ae mano ni karokoa e boo aia tai ataei n okira mweengaia. Ngkana a bootaki imwain te bootaki n toa, tai kariaia te ataei bwa e n anai mwangko n tano nakon te tabo n taromauri. Ma anga mwangko n tano nakoia kaaro imwiin te bootaki n toa.

Boki: Iangoa te bwaoki ibukin n nen bwaai are ko na katikua n te neetirii. E kona ni kanoaaki ni booki aika ko karaoi ibukin te reirei aei ao bwaai riki tabeua aika ko karaoi ke ni kabonganai ibukin waaki ni kakukurei riki tabeua. Ngkanne ko kona ni kaokiokii n tain kiraati n te netiurii n taai ake imwiina ni manga rinanoi reirei ake ma imwaaina. E kona ni karaoaki aei n te tai n aki kaka n tain te netiurii kiraati.