17

N Na Tibwauaia

Te Kabwarabwara Ibukin te Tia Reirei

N te aro bwa ko na tauraoi n picture n anga te reirei aei, taiaoka warekii ao n iangoi raoi bwaai aikai:

Taan iriirira Iesu Kristo ni koaua a tia n taainako n ataaki ibukin nanoia n kan tibwauai aia bwai ma tabeman (taraa, ibukin te katooto, Makuri 2:44–45; Motiaea 18:28; 4 Nibwaai 1:3). Man tibwauaakin ara kakabwaia nakoiia aika kainnano ti kaotia bwa kakabwaia aikai a bon roko mai iroun te Atua, ao ti kaota ara tangira Nakoiia natina ni kabane.

Te Katauraoi

Uoti bwaai aika bebete aika ko kona ni kabonganai ni kabwarabwaraa aron tibwauakin bwaai (ko kona naba ni kabongana te bwai teuana n te ruu n te netiurii, n aron te bwai n tatakaro ke te boki).

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuki.

Anene

Anene ke taekin taeka nakon the chorus of Kan Riki n Aekan Iesu (Aia Boki n Anene Ataei 78–79) ao ni karaoi mwakuri aika oti inano. Kaoia ataei bwa ana raoniko.

Tangirii ngkami bon iroumi n aron ae tangirii ngkami Iesu (rabwatiko ao rairaki man iteram nakon iteram)

Kataia kaota te akoi ni bwaai ni kabane aika ko karaoi. (katoutoua atuum)

Bwaina te nanorinano ao te tangira ae korakora i nanom, (rabwatiko ao rairaki man iteram nakon iteram)

Bwa aikai bwaai aika e reirei Iesu iai. (katoutoua atuum)

Tuangiia ataei bwa Tamara are i Karawa e tangiriira bwaina te akoi temanna nakon temanna. Kabwarabwaraa bwa ngkana ti tibwauai ara bwai, ao ti karaoa te akoi.

Kabwarabwaraana

Tuangiia ataei bwa ko na karaoa te kataneiai iaon te tibwatibwa. Kaotia nakoia bwa ko na kanga n tibwauaia ngkana ko taekina, “N na tibwauaia” ngke ko angan te tia kairiiri n te netierii are temanna te bwai ae ko a tia ni uotia. Katuruturua ni kamatata te kukurei are e reke man te tibwatibwa. Kaoia ataei bwa ana taekina, “N na tibwauaia.”

Tamnei

Kaota te moan tamnei iaon te iteraniba 74. Kotea te ataeiniane ae uarereke iaon te angamaing ao tuangia ataei bwa te ataeinaine ae uarereke aei iai ana taore ae tatangiria n takakaro ma ngaia; ngkana a roko raoraona n takakaro, e taku te ataeinaine ae uarereke aei, “N na tibwaua au taore ma ngkoe.” Taekinna nakoia bwa a uaia ni kukurei. Kaoia ataei bwa ana taekina, “N na tibwauaia.”

girls playing

Koata te kauoua n tamnei iaon te iteraniba 74. Kotea te ataeinimwaane ae uarereke n te angatai ao tuangiia ataei bwa te ataeinimwaane ae uarerekea aei e tangiria n takakaro ma ana taore; ngkana a roko raoroana bwa ana takakaro, e taku te ataeinimwaane ae uarereke aei, “N na tibwauai au taore ma ngkoe.” Kabwarabwaraa bwa ngkai a uaia ni kukurei. Kaoia ataei bwa ana taekina, “N na tibwauaia.”

boys playing

Anene

Anene ke taekin taeka aikai nakon “E Kaunga Karaoana” (Aia Boki n Anene Ataei 253) ngkai ao ngkoa ko tibauaia ma ataei. Kaoia ataei bwa ana raoniko.

Tibwauaana ma ngkoe e kaunga karaoana,

E Kaunga karaoana, karaoana, karaoana!

Tibwauaana ma ngkoe e kaunga karaoana,

Ni karaoia, ni karaoia, ni karaoia!

Kabaneana

Tuangiia ataei aron te kukurei ae ko namakinna ngkana ko tibwauaia. Kabwarabwaraa bwa Tamara are i Karawa e namakina naba te kukurei ngkana ti tibwauaia.

Tataro

Kaoa te ataei bwa e na anga te tataro ni kainiin.

Kawai n Angareirei

Tibwauaia e kanganga n tainako ibukiia ataei aika uarereke. Ana reirei man am katoto. N tain te reirei ao ni kabutaa tain te the kiraati n te netiurii, kaotia nakoia bwa ko kanga n tibwauaia ao ngkanne tuangiia bwa ana karaoia. (Taraa Teaching, No Greater Call 168.) Ngkana aki kukurei iai, ti manga kaotia riki nakoia, n aki kairoroia bwa ana tibwauaia.

Waaki ni Kakukurei Aika a Kona n Rineaki

Te Katauraoi

• Ibukin kamatatan waaki ni kakukurei n te tamnei: Karekea kaobiin te tamnei are iaon te iteraniba 75 ibukiia ataei n tatabemaniia.

  coloring page, sharing cube

  N Na Tibwauaia

  N na tibaua te moangare.

  N na tibwaua te amwarake.

  N na tibwauai booki.

  N na tibwauai taore.

  N na tibwauai taian kureiaon.

• Ibukin te tatakaro n te kiubi: Kaobinna ao korea te tamnei n te iteraniba 75. Karanna ngkana e kainnanoaki. Rukumma rinanon rain ake a katanetaneaki, ao teibin ke kuruun rarikiia ni karaoa te kiubi.

Te Kabwarabwara n te tamnei

Katea ieta te tamnei i aon te iteraniba 75 ao anganiia ataei n tatabemaniia nako aia kaobii ibukin te tamnei. Kotea tamnein te ataei ni mwaane ae matangare ao kabwarabwaraa bwa ti kona n tibwaua ara matangare. Kaoia ataei bwa ana kotea te ataei ni mwaane ae matangare i aon aia kaobii. Kaoki ibukin tamnei ake tabeua.

Te Takakaro n te Kiubi

Karabinoa te kiubi are ko karaoia. Tuangiia ataei bwa ana katea kaina ae bebete are e na nakoraoi ma te tamnei ane ietan te kiubi. Imwiina kaoia ataei bwa ana taekinna ma ngkoe, “Nna tibwaua au [matangare, bwain takakaro, amwarake, n aron anne].” Ngkana iterana ae ti teaka “Nna tibwaua” e tararake, tuangiia ataei bwa ana ubouboi baiia ao n taekina, “N na tibwauai.” Kaokiokia ni karokoa ae a bane ataei n reke aia tai ni karabinoa te kiubi.

cube diagram

Kibun te Kamate nano

Kaokiokii n taekin kibun waaki ni kakukurei aikai ao kaoia ataei bwa ana raoniko:

I tangiria n ira Iesu,

Bwaina te akoi ao te tangira naba. (rabwatiko)

N na tibwaua matangareu; (kotea te wii ao matangare)

N na tibwauai au taore. (aongkoa ko anga nako te bwai n takakaro)

Ao anne ae Tangiria bwa n na karaoia.

Kawai n Angareirei

Karaoan kaobii: Ngkana akea te mitiin ni kaobii , ko kona ni katuka te beeba ae aki korobokiaki iaon te tamnei ao katanea n te bentira ke te been. Tai tabe ma katanean bwaai ni kabane; ti katanea tinanikuna ao rongorongona ae tau bwa e aonga ni kinaaki te tamnei.

Te Takakaro n te Kiubi: Ngkana a mwaiti ataein am kiraati n te netiurii, ko na bae n tangiria ni karabinoa te kiubi iroum ni katoa tai nakon ae ko na anganiia ataei bwa ana ikaruoruo ni karaoia.

Kibun te Kamate nano: Ataei a tatangiri kamate nano ao anene ma kaiia aika bebete. Ko kona ni kabonganai kiibu ni waaki ni kakukurei aika a tia ni kariaiakaki n te Ekaretia ni buokiia ataei n namakina te butimwaeki, tauraoi n tataro, reiakin moan tua n te euangkerio, ke n tibwatibwa n tain te anga reirei.