18
N Na Tangiriia Tabeman
Te Kabwarabwara Ibukin te Tia Reirei
N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:
Tangiriia tabeman,e ngae ngkana tabeman ana bae ni kaokoro mangaira, bon te kawai teuana ae moan te kakawakiis ae ti kona n toua iai mwiin te Tia Kamaiu Iesu Kristo (taraa Ioane 13:34–35). Ti kaota ara tangira ibukiia tabeman man ara tangira nakoiia, kakauongo nakoia, kabebeteiia, ao ni beku ibukiia. (Taraa Mataio 25:34–40; Motiaea 18:8–9.)
Te Katauraoi
-
Wareware Ruka 10:25–37, ao katauraoi n taekina ni kabebetea te karaki ibukin te Itamaria ae raoroi.
-
Uota kaobiin te Baibara.
-
Mwaakena te iteranibaa 74 n te bokinreirei aio bwa e aonga ni bebete rekena iroum.
Reiakinan Waaki Ni Kakukurei
Moanna ma waaki ni kakukurei ni bootaki. Ibukin iango, taraa iteraniba 3.
Tataro
Kaoa te ataei bwa e na anga te tataro ni kaukuki.
Taian Tamnei
Kaotii tamnei aikai i aon te iteranibaa 74. Kabwarabwaraa bwa ataei n tamnei aikai a ikotaki n takakaro ma te akoi. Ngkana ti bwaina te akoi nakoiia tabeman, ti bon kaota te tangira nakoia.
Anene
Anene ke taekin taeka nakon “E Taku Iesu Tangiriia Aomata ni Kabane” (Aia Boki n Anene Ataei 61) ao ni karaoi mwakuri aika oti inano. Kaoia ataei bwa ana raoniko.
E Taku Iesu Tangiriia Aomata ni Kabane; (taakin baim ni karababai)
Karaoa te mwakuri n akoi naba nakoiia.
Ngkana e on nanom n te tangira, (katokai baai i aon te buroo)
Tabeman ana tangiriko. (rabwatiko)
Te Karaki man Korobokii Aika a Tabu
Kaota tamnein te Itamaria ae raoiroi i aon te iteranibaa 78. Kauka te Baibara ao tuangiia ataei kona tibwaua te karaki are taekinna Iesu ibukin tangiraia tabeman. Kabonganai taeka aika bebete, Taekina te karaki ibukin te Itamaria ae raoiroi. Mai nano bon te katooto:
N te taina ao iai te aomata ae wene i aontano (kotea te aomata ae ikuaki n te tamnei). E bon maraki. Uoman aomata a nakonako irarikina. A nooria, ma aki buokia. Ao e roko te kateniman n aomata (kotea te Itamaria ae raoiroi n te tamnei). E noora te aomata ae wene i aon tano, ao e buokia. E kaota te tangira.
Kabwarabwaraana n te Kaotioti
Tuangiia ataei bwa e taku Iesu bwa ti riai naba ni kaota te tangira. Kaoia bwa ao ngkoa nako n nakonako, ao nganiia aia tai bwa aongkoa a kaota te tangira ibukiia tabeman. Ibukin te katooto:
Tia nako n nakonako (nakonako rimwiu). Taraia iai te rao ae bwaka. Tia buoka raoraora ni kateirakea (aongkoa ko buoka raom ni kateirakea). Bon waaki naba n nakonako. Ti noora te rao ae bora n taka. Tina angan raoraora te ran bwa e na mooi (aongkoa ko anga te ran). Boni waaki naba n nakonako. Ti nootiia mommy ao daddy. Tia rabwatiia ao man kaangai, “I tangiriko” (rabwatiko ao taekina, “I tangiriko”).
Kabaneana
Tuangiia ataei ma te koaua bwa ko tangiriia. Tuangiia aron namakinan te kukurei ngke ko kaota am tangira ibukiia tabeman.
Tataro
Kaoa te ataei bwa e na anga te tataro ni kainiin.
Waaki ni Kakukurei Aika a Kona n Rineaki
Te Katauraoi
-
Ibukin waaki ni kakukurei iaon koroboki aika tabu: Uota kaobiin te Baibara. Mwaakena Ioane 15:12 bwa e aonga ni bebete rekena iroum.
-
Ibukin te waaki ni kakukurei n te kara ao te waaki ni kakukurei n te buroo: Karekea kaobiin te tamnei n te iteraniba 79 ibukiia ataei n tatabemaniia bwa ana karanna.
N Na Tangiriia Tabeman
Koroboki Aika Tabu
Tuangiia ataei te bwai ae ti reiakin inanon booki aika tabu are e reireiniira Iesu bwa ti na tangiriira bon iroura. Wareka Ioane 15:12 ao karaoi mwakuri aika oti inano. Kaoia ataei bwa ana raoniko.
Aio au tua,
Bwa ti na tangiriira bon iroura, (katokai baim ni kauaai i aon te buroo) n aron ae i atia n tangiriko. (taakin baim ni karababai)
Karanakin
Kariaia ataei bwa ana karana kaobiin baan te tamnei iaon te ireraniba 79. N aia tai ni kara, buokiia ni kaotaiia bwa ngaira ni kabane bon natin te Atua ao ngaira n tatabemaniira nako i bon rang ni kakawaki. Kauringiia bwa Tamara are i Karawa ao Iesu a tangirira bwa ti na tangiria aomata nako.
Waaki ni Kakukurei n te Buroo
Wareki katooto aikai (ke karioi ake ko bon taku), ao titiraki, “E kaota te tangira te bwai aei?” Imwiin taian kaooto, tuangiia ataei bwa ana tabeki ieta aia beeba te aati ao n taekina, “te tangira.”
Ngkana ko buoka te kaitiaki.
Ngkana ko taekina “taiaoka” ao “korabwa.”
Ngkana ko tibwauai am bwai n takakaro.
Ngkana ko buoka temanna ae i koaki.
Kamoamoaia ataei ibukin aia anganano. Te waaki ni kakukurei aei e kaineti riki nakoia ataei aika a ikawai riki.