Te Rao ao te Mitinare

Mauri! Arau bon Juan Bautista, ao ngai bon kaain Argentina. I kaota au oota man tibwauakin te euangkerio.

Raao Aika Moan te Tamaroa

Raoraou ae te kabanea n tamaroa Facundo ao Ngai ti a tia ni kinaira ngke nimaua ara ririki. Ti uaia n tangira te butibooro! I kaoa nakon angiin ana waaki ni kakukurei te Ekaretia.

Ana Moan Titiraki Facundo

N te tai are e amwarake Facundo ma ngaira, e titiraki, “Bukin tera aki toki n ta tataro kaain ami utu?” I kangai bukina bwa te Tama are i Karawa e kakabwaiaira, ao aio arora ni Kaitaua. E rangin ni miimi!

Bootaki n Utu n te Tairiki

E roko Facundo nakon ara bootaki n utu n te tairiki ngke e a katauraoia tariu Benjamin ibukin te bwabetito. Facundo e namakina te Tamnei, ao e bubuti ngkana e kona ni bwabetitoaki naba! Tamau e taetae nakon ana karo Facundo.

Mitinare a reireiniia ana utu Facundo. Imwiina Facundo ao mwanena Augustine a uaia ni bwabetitoaki! A roko ana karo nakon te taromauri, ma a tuai ni bwabetitoaki.

Ana Kauoua n Titiraki Facundo

Facundo e titirakina tinau ngkana e na kona n ataa taekan te Atua n aron ae I ataia. E ngare ao e taetae nakoina ae ngkana e kamatebwaia ana boki aika tabu ao n tataro, e kona n reiakina ae mwaiti riki!