Ni Karokoa Ti A Manga Kaitiboaki
Ana Boki Moomon E Karekea ae Mwaiti
Man “Ana Boki Moomon—Aan Raoi Ara Aro,” Ensign, Nobembwa 1986, 4–7.
Iai te mwaaka n te boki ae ko na anganaki n te tai ae ko moana iai am kamatebwai ma nanom ni koaua.
Kamataata n te tamnei iroun Bjorn Thorkelson
Tiaki iai te bwai ae nano inanora are e kan kaniira riki nakon te Atua, ni kan riki riki n ai Arona n nakonakora n tainako, n namakinna bwa E raoniira n tainako? Ngkana ngaia anne, ngkanne ana Boki Moomon e na buokiira ni karaoa ae mwaiti riki nakon booki riki tabeua.
Tiaki ti ana Boki Moomon ae reireiniira anne, e ngae ngke e karaoa anne. Tiaki ti ana Boki Moomon ae e kakoaua Kristo, ma ni koauana e karaoa, naba anne. Ma e mwaiti riki. Iai te mwaaka inanon te boki are e na waaki n raanga inanon maiura n te tai are ko waaki iai n taua nanom ni kamatebwaia te boki. Ko na karekea te mwaaka ae korakora riki n totokoa te kairiiri. Ko na kunea te mwaaka n totokoa te mwamwanaaki. Ko na kunea te mwaaka n tiku iaon te kawai ae eti man irariki. Koroboki aika a tabu a atongaki bwa “taekan te maiu” (R&B 84:85), ao akea riki ae koaua nakon ana Boki Moomon. Ngkana ko a moanna ni bwarua man taka ibukin taeka akanne, ko na kunea maium bwa e na bati n reke irouia. …
Berita aikai—a karikirakea te tangira ao te rau n te mweenga, karinerine ae korakora imarenaia kaaro ao naati, karikirakea te maiu n tamnei ao ae raoiroi—tiaki berita aika akea bonganaia, ma ai aron raoi te bwai are e kananona te Burabeti Iotebwa Timiti ngke e taekinna bwa ana Boki Moomon e na buokiira ni kaniira riki nakon te Atua. …
Riaon 10 te ririki n nako I taekinii aikai ni kaineti ma ana Boki Moomon:
“Iai mwiina ae e tiku iaona n ara kaeka nakon Ana Boki Moonon? Eng, bon nakon kakabwaiakira ke kamaunaakira.
“Ni kabane Aika Itiaki ni Boong Aika Kaitira a riai ni karikea aia kouru ibukin kamatebwaiakan te boki aei ni kabutaa maiuia. Mwiina e na katuka tamneina iaon te kaangaanga ao n aki butimwaea te bwai ae kona n anga te katinanikuaki n te tamnei ao te wanawana ae nakon maiuna ae bwanin. Iai te kaokoro imarenan te rairaki are e kateitei iaon ana atibu Kristo rinanona ana Boki Moomon ao e tiku n taua te kaibiti anne, ao temanna ae e aki.”
… Ti na aki tiku i nanon te kabuakaaki aei … man karaoan te bwaintaniga ae tamaroa ao ni kakawaki aei n akea te karinerine ke n akea raoi te iango nako iai are e a tia n anganiira te Uea. Ma, tina karekei berita ake a irekereke ma kawakinaia inanora.