”Ni Koauana, Ngai Kaain te Moomon”
Abby Thorne
Utah, USA
Kamataata n te tamnei iroun Bradley Clark
I tibwa tekateka iaon te bwati ngke te mwaane ae tekateka irarikiu e raraai ao e taku, “Iai tamneim ae tikiraoi.”
N aki ataa tebwai ae n na taekinna, I miimi. I tuai man kamoamoaaki n tamneiu mai imwaina. I aki ataia bwa n na kanga ni kaeka, I ti kangai, “Ko rabwa.”
E tuangai te mwaane bwa e kona n ataia ibukin ana mwakuri ma kaain ana aro. I kakauongo nakoina ngke e anganai taeka n reirei bwa n na kanga ni kateimatoa tikiraoin tamneiu.
Ngke e nang tei te bwati, ti bane n tei n otinako ao e taekina te bwai teuana riki nakoiu: “Kakoaua bwa ko na aki ongora nakoia kaain te Moomon.”
E tiaoki ngke e ongo ana kaetieti te mwaane arei are e na aki ongo n aia taeka kaain te Moomon. Te mwaane aei e a tia n noora te bwai ae onoti ni matam, ma e aki ataia bwa bon ibukin au aro.
E na kanga aron au kaeka? N na taekina te koaua, au moan n iango bwa ana akea te bwai ae n na taekinna ao ni bakaea ae aongkoa I aki ongo. I raraoma bwa ngkana I tuangnga ae ngai kaain te Ekaretia, e kona n ae e aki kaekaai ke ni karaoi mwakuri aika buakaka.
Ma imwiina e roko n au iango te kibu man booki aika tabu: “Ba I aki maama n ana euangkerio Kristo: ba boni mwaakan te Atua ni karekea maiun te aomata ae onimaki” (I-Rom 1:16). I kunea bwa I aki maama n te euangkerio, ao I ataia bwa e aki kona tamneiu n iai mwiina ae tamaroa nakoia tabeman ngkana I aki riki bwa te tia kakoaua. Ma te nano ae korakora, I taraa te mwane ao n taku, “Ni koauana, Ngai kaain te Moomon.”
E taraai te mwaane ao ngai I taraia naba. Ni mimiiu, e ngare ao e taku e aki kona ni kaina te Ekaretia bukina bwa e rangin n tangira te kobee. I ngare naba, ao ti otinaki ma kawaira aika kakaokoro.
Ni karokoa te bong aei I rangin ni kukurei n te rinerine are I a tia ni karaoia. I ataia bwa e kona ni kaangaanga ni kariaia tabeman bwa ana ataia ae ngkoe kaain te Ekaretia. N tabetai e kona ni kakamaku! Ma ngkana ti mwakuri raoi ibukin te Atua, a kona tamneira n roota te aonaaba n aron te oota.