Ana Boki Moomon E Bitii Maiu

Taan rairaki aikai a karikirakea te onimaki rinanon warekan ana Boki Moomon.

Ana Boki Moomon bon te bwaintangira ni karekeira ni uotiira, natin te Atua, nakon ataakin ana euangkerio Iesu Kristo ae koaua. Enrique Serpa Bustamante, te membwa mai Lima, Peru, ana iango e taku bwa ana Boki Moomon kanga aia reta kaaro: “Tamara are i Karawa e korei ‘reeta’ rinanoia burabeti, a anga aia reirei, karaunano, ao kairara ibukin tamaroara ao kakabwaiakira n taai nako. E wanawana ngke ti a katauraoi nanora bwa ti na atai Ana kakabwaia ao Ana euangkerio.”

Aikai aia kakoaua tabeman taan rairaki ni katobibia te aonaaba iaon taekan ana Boki Moomon are e oota nako nakoia ngke a reiakina taekan te Ekaretia.

Teuana Kakoauan Taekan Iesu Kristo

I noora kaobiin ana Boki Moomon n ana auti ai natiu i Ibadan, Nigeria. Ngkai te tia wareware ae mamate nanou iai, I rang reberake ni kan ataia bukin tera ngke e taekinaki n te boki bwa “kakoauan taekan Iesu Kristo,” ngaia are I anaa te boki ao ni warekia.

Atuun te boki “kakoauan taekan Iesu Kristo” e kauka au iango nakon te koaua ae bon te Tia Kamaiu ibukin te aonaaba nakon are ti te Tia Kamaiu ibukiia Iteraera, are bon tabeaiangau ae korakora n te tai anne. E kawariia Nibwaite ao ni katea Ana tua ao ana otenanti ibuakoia aomata akanne ake a tangirai bwa N na ataa riki rongorongon Ana mwakuri.

Atuun te boki anne e kairai n reiakina riki rongorongon te Ekaretia. I namakina te Tamnei ngkai I ongo n taian reirei ake a koreaki inanon ana Boki Moomon, n aron tataroakinan te koaua i bon ibukiu (taraa Moronaai 10:4). Ngkai I ataia bwa e maiu te Tia Kamaiu ao e tangiriira ngaira ni kabane.

Ezekiel Akeh, Idaho, USA

1 Nibwaai 8—Uanikai “e riaon Bwaai Nako Ake I a Tia ni Katoong mai Imwaina”

N te 1 Nibwaai 8:11–12, E kabwarabwara Riaai uaan te kai ni kamaiu bwa “karewerewen uaana e riaon karawen bwaai nako ake I a tia ni katoong mai imwaina. … E onrake tamneiu ma te kimwareirei ae moan te bati.” Ngke I warekii kiibu aikai, e korakora au namakin bwa te uanikai aio e bon rangin kakawaki, ao I tangiria naba ni kan karekea.

E korakora au nanoanga ibukin Riaai. I iangoia bwa tera arou ngke arona bwa Ngai Riaai ao iai te uanikai aio, e na bae n titebo au namakin ma ngaia ao n rangin tangiriia au utu bwa a na kanna naba. E koaua te namakin aei ibukiu ibukina bwa au karo bon tiaki membwa n te Ekaretia; ngaia are e ngae ngke I wareki kiibu aikai ngkai, a taraa n taekina te bwai ae mena inanou.

I ataia bwa te uaanikai aio e kakawaki, e ngae imwaain ae I ataia bwa e tei ibukin ana tangira ma Ana euangkerio te Atua. Imwiina, n te tai are I oota n nanon te uaanikai, I iangoa aron koauana are e kabwarabwaraaki inanon booki aika tabu.

Booki aika tabu bon rekooti aika koaua man booki aika tabu ao a mena inanon ana taeka te Atua.

Eun Jin Yeom, Gyeonggi, Korea Maiaki

Iakobwa 5:74—te Nano ni Kan Beku ibukin te Atua

Ngke I reiakina taekan te Ekaretia, I wareka Iakobwa 5:74. E tiku inanou man te tai are I wareware iai. Boni Ngai kaain te aro teuana ae I kakaonimaki inanon maiu ae bwanin ao iai nanou n taainako ni kan beku ibukin te Atua. I kantaningaia naba nakon te bong teuana N na kamatebwaia te rabakau ao taekan te aro bwa I aonga ni beku Ibukina. I bwaati te ukeuke ni karinrin ni kamatebwaian te rabakau.

Ma N na bon aki kona ni mwaninga ngke I moan wareware n te boki ae tabu arei. I uringnga bwa bon te tairiki are imwiin are I moan ira ana bootaki n taromauri te Ekaretia ibukiia Aika Itiaki. N tain teuana te kamotirawa imarenan taian kiraati, I noora iaon te rababau are teke ieta te kaotioti are e karekea Beretitenti Thomas S. Monson ni kaineti ma kauarerekean te ririki ni mitinare.

Ngke I wareka Iakobwa 5:74 n te tairiki anne, I ataia bwa I a tia ni beku ibukin te Atua. Ao e ngae n anne n tataraakiia mitinare—uoman ataeinimwaane ake titebo rorou ma ngaiia—a anga maiuia Ibukina, I ataia bwa anne ae I kona naba ni karaoia. Te tairiki are imwaain ana bootaki n taromauri te Ekaretia, I baireia bwa N na bwabetitoaki. Te tairiki are imwiin te bootaki n taromauri, I baireia bwa N na nako ni mitinare. Ngkai I a okira mweengau ma te karineaki imwiin au beku ibukiia aomata aika tamaroa man te Philippines Cebu East Mition.

Josef Gutierrez, Batangas,Biribin

Ana Boki Enoti—Kabwaraakin Buure

Ngke I moan wareka ana Boki Moomon, I aki ataia bwa N na waakinna maia. I korakai ma te kabwarabure, ai moararariki bon kabwaraakin au bure ao n ataia ngkana I tau ni kabwaraaki au bure. Temanna te mitinare te aine e tuangai bwa N na karekea te kaeka inanon booki aika tabu ao ngkana I aki ataia bwa N na waakinna maia, I riai n tataroakinna ao booki aika tabu ake I kainnanoi a na mena ikekei. I baireia bwa N na raraibaea ao ni wareware te tabo are I toki iai—ana boki Enoti, kiibu 4–6. I ataa ana Boki Moomon bwa e koaua n tai naba anne imwiin warekana.

Jennifer Andresk., California, USA

Motiaea 27—Te Tai ni Bitaki

Ngke I moan wareka ana Boki Moomon, mwakoron ana Boki Moomon are I rangin tangiria riki e mena ni Motiaea ngke natin Aramwa te mwaane ngke e ekanako te Ekaretia ao ni kataia ni kamaunaa. Ma iai te bitaki ae korakora inanona—e namakina te Tamnei ae Raoiroi ao e bitaki nakon ae te tia kakoaua. I rangin tangira anne ibukina bwa te tai ni bitaki a riai n anganaki aomata ni kabane.

Maria Gracia Henrique Gonzalez, Maule, Chile

Motiaea 27:28–29—Kukurei ao Kaboomwi

Ngkai te membwa ae boou, I namakina te kukurei man Motiaea 27:28–29. Boni Ngai—ao I bon teimatoa—n rangin kakaitau ngkai iai ana nanoanga te Uea ibukiu ao ni kabooai man te maiu ae bure. Imwaain au bwabetito, I taku bwa I a rang kukurei, ma akea te bwai ae kona ni kabootauaki ma te kukurei are I namakinna n te tai are I butimwaea iai te euangkerio ae e a tia ni kaokaki. I bon tuai man onimakina ao ni koaua bwa e na tauraoi kanoan taai aika a na roko.

Imwiin butimwaean ana kakao Aramwa n “nakomai ao ni bwabetitoaki nakon te rairannano, bwa kam aonga naba n riki bwa taan kana uaan te kai ni kamaiu” (Aramwa 5:62), I rinanon naba te aekaki ni kainaomataaki ae karaunano man rau n aron Aramwa te Ataei ngke e koreia: “I a tia ni mena inanon te rua ae te kabanea n rootongitong; ma ngkai I a noora ootan te Atua ae moan te kamiimi. E a tia ni kammarakaki tamneiu n te karawawataki ae akea tokina; ma I a tia n anaaki, ao e aki manga kammarakaki tamneiu” (Motiaea 27:29). Te rongorongo aei e buokai n oota bwa tain maiu ae abwabwaki ao kukurei ae boou ae e a tibwa reke e barongaaki iaon ataakina bwa Iesu Kristo bon au Tia Kamaiu ao au Tia Kabooai. Ngkai I kakaitau n akea tiana bwa au Tia Kamaiu e kabooa mwiin te motiraoi ao n anganai te kariaia, n te tai ae okioki, n namakina te aekaki n tangira ni kaboomwi anne ni katoa tai are I raira iai nanou.

Marie-Chantal Hogue, Ontario, Canada

Te Boki ane Uarereke ae Buruu

I ikawairake i Inria, te tabo are I kaitbo iai ma mitinare ao ni moan ira iai te taromauri. Te Tabati anne e riki bwa Tabatin te Itita. Ibukin tain au mwakuri, I rimwi n roko n taromauri ao n ira aia kiraati n Reirei n Tabati Kairake, are e angareirei iai temanna te mitinare. E anai tabeua taekan booki aika tabu man te boki ae buruu are I bon tuai man nonooria mai imwaaina ma bon taraan ae bon te Baibara. Ngkai e angareirei, I karekea te namakin ae korakora inanou ao n ataia bwa I riai naba ni bwaina te boki aei.

I a bon kaineti naba ni kawaria imwiin te kiraati ao n tuangnga, “I kainnanoa te boki anne.” Ngkai kanga ai bon oin ana boki ae tabu te boki anne, e kona n anganai, ma e kariaia bwa N na taraia ao n namakinna. I kona n noori taeka aika koora aika kraki mai imoa: “Ana Boki Moomon.” I a manga karekea naba te aekaki n namakin are I kainnanoa te boki i bon ibukiu. A anaa au aetureti mitinare ao a berita bwa a na anganai teuana. N ae bon tau, a roko mitinare n au auti n te tai ae waekoa imwiina ao a anganai oin au kaobi n ana Boki Moomon. Ngkanne a moanna n anganai taian reirei.

N te ririki anne, kanoan te Itita e uota te kakabwaia nakon maiu ae aki kakoauaki: ana Boki Moomon. Te boki ane e buruu anne e uota te tamnei nakon maiu, ao I kakaitau bwa e reke au tai n reirei mai iai.

Venu Bhaskar Nakka, California, USA