Te Kabanea n Taeka
Ko kona n Tau Nakon te Tembora
Iroun Unimwaane Quentin L. Cook
Man te Kooram n Abotoro n te Tengaun ma Uoman
Te kabwarabwara man te maungatabu ni kabuta n Eberi 2016.
Bon nanora ae korakora bwa kaain te Ekaretia a na maiu ao n tau n aia beebwa ni kariaiakaki nakon te tembora. Taiaoka tai iangoa bwa te nanako n te tembora e raroa ao tao te kouru ae aki kona ni kakoroaki nanona. Ni mwakuri ma aia bitiobi, angiina kaain te aro a kona ni karekei baika a riai aika a raraoi n te tai ae uarereke ngkana iai nanoia n nanomatoa bwa a na tau ao ni bwanin aia rairannano ibukin aia kairua. Raonakin aei bon te tauraoi ni kabwarai ara bure ao n aki tii tarai kabwakara ke ara bure n namakina ae a aki kariaia nakora nakon te tembora ae tabu.
Ana Mwakuri ni Kamaiu te Tia Kamaiu e kakoroaki nanona ibukiia ni kabane natin te Atua. Ana karea ni kaboomwi e kakoroa bikin te moti ibukiia ni kabane ake a rairi raoi nanoia. Booki aika a tabu a kabwarabwara bwa aei te kawai ae moan te tamaroa:
“Tao ai aroni kunnikai aika uraura ami bure, ao a na riki ni mainaina n ai aron te tino” (Itaia 1:18).
“Ao N na aki manga uring [aia] bure” (Ieremia 31:34).
Ti kakoaua bwa maiuakinan reirei aika raoiroi a na anganiko ma am utu te kukurei, ni kakoroi nanon ami kouru, ao te rau. Kaain te aro, ikawai ao kairake, a katanoatai nakoia ao ibukiia tauiia ngke a kaekai titiraki mai irouia kaain te bitiobiriki ao kaain te titeiki beretitentii ni kakoauia taun te aomata n rin n te tembora. Te bwai ae riai ae kakawaki bon karikirakean ara koaua ibukin te Atua te Tama; Natina, Iesu Kristo; ao Kaokan Ana euangkerio ao n taneiai ma ana ibuobuoki te Tamnei ae Raoiroi.
Taiaoka ataia bwa korakorara ae ti iangoia bwa aomata ni kabane a karaoi bitaki aika riai n tau n nakon te tembora. Tataromwaaka n rinanon aron maium n tamneim ni maium, ukoukora ana kairi te Tamnei, ao taetae nakon am bitiobi ibukin katauraoam nakon te tembora. Beretitenti Thomas S. Monson (1927–2018) e a tia n taekinna, “Akea riki te kouru ae kakaawaki riki ibukim are kona mwakuriiia nakon arom n tau n nakon te tembora.”1
I tataro bwa ngaira n tatabemaniira nako ti na karinea te Tia Kamaiu ao ni karaoi bitaki aika riai n iangoira bwa ti tau n rin n Ana tembora aika tabu. Ni karaoana, ti kona ni kakoroa nanon Ana kantaninga ao ni katauraoira ma ara utu ibukin ana kakabwaia te Uea ao Ana Ekaretia e kona n anga inanon n te maiu ae mamate ao n aki toki.