Taanga aika a Kaara A Kaeka Nakon te Beku
“Ngkana ti iangoia mitinare n te [Moomon], ti katea te Tamnei n ara iango tamneia kairake mwane ma aia kabwaraaki ao aia neketai ao kairake n ataeinnaine ni kunnikaia aika tararaoi. Ma irarikiia nakai bon taanga ni mitinare aika kaara ake a tia ni kaeka nakon ana bubuti te burabeti ao Abotoro ibukiia n riki bwa mitinare aika taanga,” e taekinna Burabeti Russell M. Nelson.
Te Ekaretia e a tia ni kanakoia 317 taanga ni kara man aban nako te Betebeke Maiaki onoua te ririki n nako. Angiina mai irouia a tia ni beku ke a beku n aban e Betebeke. Taanga aikai iai aia rongorongo aika a riinga te nano ake a na tibwauaia.
Taanga ni mitinare aika bon mwakuri naba, Tony ao Mary Aiono, a kakoroa nanon nanoia ae nano ni beku ibukin te Uea. A katuka aia onimaki Irouna, a kitana mweengaia ma aia utu i Apia, Samoa, ao a mwaing nako Papua New Guinea ibukin tebwi ma waniua namwakaina.
Inanon ririki aika bati, te Aono a tia n iangoa karaoan aia mition n aia Ekaretia. E mwaiti te tai are e tibwauia Tony ma tabeman bwa “n te bong teuana N na nako ni karaoa au mition.”
A uaia n namakina te kaungaaki ni beku imwiin ongoia iroun te burabeti are mai imwaina Thomas S. Monson (1927–2018) ngke e kaota ana iango: “Nakoia naake a tuai reke aia tai inanon maiuia ngkana ko kona ni beku bwa taanga n te mition, I kaungai ngkami bwa kam na katauraoi ngkai ibukin te bong are ngkoe ma buum kam na kona ni karaoia.”
“Ngkai e nakoraoi ma aromi, ngkai kam a tau ibukin te ritaea, ao ni marurungimi, ni katauraoi ngkami ni kitana mweengami ao n anga ami ibuobuoki bwa mitinare aika bwanin aia tai.”
Ngkai atuun te utu e bon matoatoa iroun Tony ao Mary bwa a na tauraoi ni kiitana kabaeakina n utu imwiia. Te kararaoma te marurung ma a mwakuri bwa ana marurung n rabwata ao n tamnei bwa aonga ni karekei bwaaia aika a kainnanoaki ibukin te marurung.
Rinanon aia bong aika kaonaki ma mwakuri aika matoatoa ao anganano, a mwaiti kakabwaia ake a tia n reke irouia. A kukurei bwa kabaeakiia n aia utu a tia n karaoaki ngkai aki mena ikekei. A kakaraoa aia kamatebwai ni katoabong ni Koroboki aika a tabu “rikirake riki ni matoatoa n aia onimaki n Tamnei ao n rabwata.”
E reke aia tai ni karaoa aia taromauri ibukin buun natiia te mwane ao aia moan tibu n roko n te aonnaba bwa reitan kakabwaia, a taku, ake a tia n roko inanon maiuia.
Taangan Aiono a kaungaia taanga n Ana Ekaretia Iesu Kristo tabeman ake iai nanoia n riki bwa ana reirei te Uea ni “katauraoi n te maiu n Tamnei ao n rabwata. Te onimaki ae matoatoa ao te Kakoaua iroun Iesu Kristo ao ana Mwakuri ni Kamaiu e na riki bwa bwaai ni mwakuri aika korakora ni buokiko ngkai ko beku.”
Namakinan te rauaki n te mwakuri ngaia ma taanga ni mitinare ake tabeman ake a tia n rinanona a kaotaki n te maroro aei, iroun Beretitenti Thomas S. Monson: “Iai Tabeua te tai inanon maiumi are kam na kimwareirei [n ae bati] n te Tamnei ae tamaroa ao ni karaunano are e roko man te ikotaki ni [beku] n ana mwakuri te Uea.”
Taanga mai Tonga Loueni ao Nunia Huni a katauraoi ni beku n aia kauoua ni mition.
Ni kaineti ma ana riiboti Jan Hudson, te mitinare ae ea kara n te LDS Dental Kiriniki I Tonga, “Anne tiaki te bwai ae aki ririki. Mition a rang karineaki i Tonga, ao a mwaiti taanga ni mitinare aika beku.”
Ngke e titirakinaki bwa bukin tera e baireia bwa e na beku n mitinare riki n te kauoua n tai, Hunis e taekinna ma te nanorinano bwa a tangira te Uea ao Ana mwakuri. Ao ni beku, a katuka aia onimaki iroun Tamaia are i Karawa ao Natina, Iesu Kristo.
Te Hunis a namakina te kakaitau bwa aia utu a karekea naba te kakabwaia ae korakora ibukin aia ibuobuoki n aia mition. A kakaitau naba nakoia tibuia n reken aia reirei ao ngaia naba n reken aia kaa ao mweengaia are a kamanoaki inanona ngkai tabeua naba man kakabwaia akanne. Aia utu a rang marurung raoi, e tauraoi kanaia ae bati iaon aia taibora ao a kukurei. Ibukin bwaai aikai a rang kakaitau iai. Te beku n riki bwa mitinare irouia taanga aika a kara n aron Loueni ao Nunia a boutokaia nakoia kain te Ekaretia ake a riitaea man aia makuri bwa ana riai n nako ni mitinare.
“Ngkana ko kan kaniiko nakon te Uea, karaoa Ana mwakuri ao nako ni mitinare.”
Taangan Hunis a beku n te mition i Tonga inanon 2015–2017.
N aia tai ni beku, Loueni e kinaki ibukin ana ririki aika a bati n anganano ao n ibuobuoki, n tibaua te ika—nakoia rarikin ao kainnano—are konana n ana kainikatebe are e akawaia ni katoa tairiki n tebo i marawa.
Uabwi te ririki n nako Loueni e nanako n ti ngaia I akuun rakai ni katebe ika, ibuakoia bakoa, ibukiia kain rarikina. Wareka riki kamimiin ana karaki ikai.
Loueni e teimatoa n uaua ao n akawa riakuun rakai ao n tibwatibwai konana nakoia kainnano. E arana ana mwakuri aei bwa te bwai ae beebete, man taku “Aio maiu. Aio te bwai ae I kakaraoia. I beku ibukin te Atua, ao E kawakinai.”
Namakinan te raunnao n te mwakuri are a karaoia ma tabeman taanga ni mitinare aikai a kaotaki n te maroro aei, ae taekinaki naba iroun Beretitenti Thomas S. Monson: “Iai Tabeua te tai inanon maiumi are kam na kimwareirei [n ae bati] n te Tamnei ae Tamaroa ao ni karaunano are e roko man te ikotaki ni [beku] n ana mwakuri te Uea.”