Victor Barbinyagra

Kharkiv, Ukraine

Tamnei

Victor Barbinyagra sitting with mother

Victor e rimoan ana tai ni bungiaki teniua te namwakaina imwaina. N tokina, e korakora rootakina n aki toamau ao e aki kona n nakonako ni karokoa itiua ana ririki. E ngae ngke e kaitarai kakaewenako, e a tia Victor n rineia bwa te aomata ae kukukurei. E karekea te kukurei n roko irouia tabeman ao ni kaota te tangira nakoia.

Leslie Nilsson, te tia korotamnei

E aki koro unau bwa I bungiaki teniua te namwakaina imwain au tai. Taokita a taekinna bwa n na aki kona ni karaoa te bwai teuana, ma tinau e katai bwaai aika kakaokoro bwa a na buokai. Inanon ririki aika bati, I karekei bwainaoraki aika kakaokoro, ma I teimatoa n aki kona n nakonako.

N tokina, tinau e kunea te bwainaoraki are e a kona ni buokai ni moana nakonakou. E baireia imwain karaoan anne bwa e na bubutiia mitinare bwa a na anganai te kakabwaia. Imwiin karekean te kakabwaia, ti nako ni kawara te taokita. Te bwainaoraki bon te kamarurung ae kaokoro ibukin te rabwata. N tokina, imwiin karaoan kamarurung akanne, I a moana n nakonako.

N tabetai I un ibukin au aki konabwai, ma I kataia n aki kaota aio. N angiin te tai I riki bwa te aomata ae kukukurei, ao I aki kakaota uniu nakoia tabeman.

Ngke tebwi tabun au ririki, n anne, iai te tai are I rawawata iai.

I aki kan nako n taromauri. I titirakina te Atua, “Bukin tera I riki n arou aei? Bukin tera ko aki katoka aorakiu? Bukin tera akea au reitaki ae tamaroa ma tabeman?” Titiraki aikai a kabwara nanou ao I nanokawaki riki iai, ao I aki ataia bwa N na kanga ni bita arou, ngaia are I iango bwa tao bakabureau ngaia te kaeka.

Ma ngkanne I iangoa tinau ao ana tera arona ae e na karaoia. I iangoia bwa e na bon bae n rang n rawawata bwa tao iai te bwai ae kairua ae karaoia ke e aki tau ae karaoia ni buokai. Anne ngkanne ngke I a baireia bwa N na maiu ao n teimatoa n reitinako.

N tokina, I namakinna bwa bon te aomata ngai ae kukurei.

Iai au kaangaanga, n ai aroia tabeman. Aki bubura riki ke n uarereke riki, ao e ngae ngke ti aki kona ni katoki, I ataia bwa ti kona ni mwakuri ara kaangaanga ao ti kona ni waaki nako ma te koaua.

I ataia bwa iai ana baire te Atua ibukiia aomata nako n te maiu aei n aki taraia bwa antai ngaiia.

Tinau e aki toki n tuangai bwa te aomata ae moan te botonimwaane e kona n riki bwa te kabanea n aomata ae nanokawaki, ao te aomata ae buretireti e kona n rang kukukurei.

Ibukin te Ekaretia, I ataia bwa ko kona ni kukurei n aki taabe ma am kaangaanga, ibukina bwa ana baire te Atua bon te baire ni kakukurei. I kakoaua bwa te kukurei bon te bwai ae baireia ibukina ao e aki baireaki man koaua mai itinaniku.

Te kukurei e roko man karekean te onimaki, te katan iroun te Atua, ao maiuakinan te euangkerio. Aio are e buokiira ni karekea te kantaninga ae eti ao ni kabonganai bwaai ake iai iroura bwa tina katamaroai arora.

Irouia aomata nako, iai n tainako te bwai ae tamaroa riki n taai aika a na roko, ao ngkana iai te bwai ae aki raoiroi, ko kona ni kaitara.

I kataia n tangiriia aomta ibukina bwa te kabanea ni kakawaki n te maiu aei bon ara reitaki ma aomata. I kataia n tangiriia au utu ibukina bwa te utu bon arora n taai aika a na roko, bon te bwai ae moan te kakawaki nakoira. Ao I kakaitau nakon te Atua ibukin bwaai ni kabane ake I karekei.

Irouia aomata nako ake a taonaki n te rawawata, N na kanga: Kataia ni butimwaea arom are koa riki iai n te tai aei, riki ma am aki konabwai ni kabane, ao kakoaua bwa ko kona n tamaroa riki.