Rongorongon Ngkoa te Beretitenti n te Mition mai Tonga are E na Karakinaki n te Tamnei ae Boou
John H. Groberg ao kainabana Jean bon mataniwi n te mition ngkoa i Tonga n 1960 tabun. Te birim ae boou e na kaotinakoaki are e na karakina rongorongoia.
Bon reitan te birim “Iteran Karawa Are Teuana,” are e kaota ana teniua n ririki Unimwaane Groberg n ana mition i Tonga ngke e kairake.
Te birim ae boou e na raweaki i Biti, Nutiran ao te United States.
“I tangira karakinaia aomata n rongorongoia aika a reiakinna ao n rikirake rinanon kangaanga,” e taku te tia karao birim, Tarekita ao te tia korei aia taeka, Mitch Davis. “Tabetai n te maiu aei ti reiakinna rinanon bwaai ake ti korakai iai ao ake ti tokanikai iai.”
“Te Tamnei aei e kaota aroia aomata man katei aika kakaokoro ao koaua ni ikotaki ma aia onimaki, ao kakai ao ni kariki bwaai aika tamaroa,” e taku.
Unimwaane Groberg ae 84 ana ririki e na mena i Biti inanon Eberi ni mataku n rawean te Tamnei ngkai e karaoaki. Kakatai a na reitinako ni karekeaia aekita ibukin tibwanga aika kakaokoro.