Tii aika a maiu man te iti

5 Tamaroaia Bwaeoniia Ake A Kona ni Kamanoi Mweengara n te Bong Aei

Iroun Valerie Durrant

E maeka te tia korokaraki i California, USA.

Ara kanganga n te bong aei a kona ni kaokoro, ma ti kainnanoa naba te korakora are a karekea bwaeoniia n taai ake ngkoa.

pioneers

Ko a tia n titiraki ngkana am onimaki bon korakoran naba aia onimaki bwaeoniia ngkoa? Aika Itiaki n te bong aei a kona n aki weteaki bwa a na mwananga 20 te maire (32 te kiromita) n te bongina ibukin namwakaina aika mwaiti, ni katikui aia bwai ni kabane, ke n tabeakin kabuakaka aika korakora, ma ti riai ni karaoi babaire aika aki rang kinaaki, ni kawakiniira man aro ake a kamamate n te maiu n tamnei, ao n aki butimwaai kakibotu aika aki tau ake a teimatoa ni katabetabeira man bwaai aika a kakaawaki riki.

Ngkana ti rineia bwa tina iriira Kristo, ti riai ni wewete nakon te tamaroa are e anganiia ara bakatibu ake bwaeniia korakoraia aika a kamimi.

Aikai nimaua mai ibuakon tamaroa akanne ake a anganiira te korakora ni katoa bong:

1. Te Onimaki. Korakoraia bwaeoniia e bon reke irouia n tatabemaniia. Ngaiia n tatabemaniia a ataia ibon irouia bwa ngaiia natin te Atua. Ngkoe naba ko kona ni katea oin am onimaki iroun Kristo bwa e aonga am koaua n tei ni matoa n aki tabe ma raa kakaitai aika kaangaanga aika ko na kaitarai.

2. Te Ninikoria. E kona n aki nakoraoi kabotauan ninikoriam nakoia bwaeoniia. A kaitara bwaeoniia ma te kanganga n rabwata ni katoa bong, ma ti na kabongana te ninikoria are inanora n tibwa te euangkerio ma tabeman ao ni maiu n okoro nakon are e maiuakinna te aonaaba. Uringakin ninikoriaia bwaeoniia e kona ni buokiira n tokanikai iaon ara kanganga.

3. Te Nanomatoa. Ngkana e roko te kanganga, bwaeoniia a kona ni kabebetea n titiraki booraoin te kanganga are a kaitara, ma aia nanomatoa e buokiia ni uotiia, n onimaki bwa a na bane n nakoraoi bwaai ni kabane. N te bong aei, ti kona ni karekea naba te nano anne ao n ataia bwa n aki tabe bwa tera are e tuangiira te aonaaba, “bwaai ni kabane a bane ni karaoaki ni wanawanan teuare e atai bwaai ni kabane” (2 Nibwaai 2:24).

4. Anganano. Ni korakoran aia atatai bwaioniia n te bwai are a mwakuri ibukina e buokiia ni karaoa te anganano ae tau ni waaki nako. Ti kona ni katan iaon te taratara naba anne are e uotiia bwaeoniia ni waaki nako—ni katea ana Ekaretia te Atua—ngkana ti na anganano ni bwaai n te bong aei.

5. Katiteuanaaki. Te mwamwananga inanon turein aika uaekon nanona bwa ni kabane a bane n tararuaia raoia ni kabane inanon tain mwanangaia n nako Tion. Ngkai ti mwakuri ni katea Tion ni boong aikai n ara uoote, titeiki, mwaanga, ao komiunitii, ti riai naba ni boutokaia ao ni katabeia naake irarikira.

Tera ae ko kona ni karaoia?

Rinea te anua ae tamaroa ao kamatebwaia ao karikirakea. E na kanga ni buokiko n am kakangaanga are ko kaitara ma ngaia n te bong aei?

Ukoukori aika Mwaiti Riki

Reiakin riki taekan te kan riki ni bwaeoniia n “Onimaki ni Waaki Nako” iaon iteraniba 22, “Kawakinan te Onimaki n te Tabo ae Tionako” iaon iteraniba 30, ao “Mwanangaia Teniman Bwaeoniia ni Boong Aikai” iaon iteraniba 44.