Moroni High School e Karaoa te Taromauri n Ururing Imwiin te Kabuanibwai I Kiribati
Te tataro n ururing e karaoaki n Moroni High School n te Katenibong Beberuare 7 ni karineaia naake a bua maiuia ao tabeman ake a bua imwiin kabuanibwain ana kaibuke Kiribati. MV Butiraoi are e iinako ao ni kabuai maiuia 81 bwatintia, ibuakoia a bon mwaiti ataei ao kairake ake tebwi tabun te ririki.
Bwatintia iaon te MV Butiraoi iai kain Ana Ekaretia Iesu Kristo Ibukiia Aika Itiaki ni Boong Aika Kaitira aika toka iaona. Araia naake a bua e tuai n otinako araia mairouia naake tabeia.
Ibuakoia naake a ira te taromauri ni kauring bon Ara Beretitenti ae Karineaki Taneti Mamau, mai Kiribati, ao te Moan Aine, Teirang Mamau; ao Kain te Auti n Tei mai Tarawa Teinainano ao Maiana; Mataniwi mairouia Aika Itiaki ni Boong Aika Kaitira, Penisula T. Mwemwenikeaki; te mataniwi n Ana Ekaretia Iesu Kristo ibukiia Aika Itiaki ni Bong aika Kaitira, taan reirei ao raoraoia.
“E taona aon Kiribati te roo ngkai e rainannoanga ibukin buan maiuia naake a irekereke n te kabuanibwai aei i taari,”
“Ngai ao ni kabane kain te tautaeka ti rawawata, n ai aromi, n aron te kabuanibwai ae kauruaki nano aei.” E reitinako n taetae iaon waekoan tokanikaia kain Kiribati iaon te kangaanga, ao imwiina e karabwa Ana Ekaretia Iesu Kristo Ibukiia Aika Itiaki ni Boong aika Kaitira ibukin aia anganano ao tatauraoia n anga te buoka ao te boutoka nakon te tautaeka n taai ni kangaanga, ma ae kakaawaki riki ibukin kairakia aomata ni maiuakina te maiu ae raoiroi. N aia taeka n nanokawaki ana karo Aroita Tokintekai, are e mate n te Kabuanibwai, a kaota aia kakaitau ibukin atakin te utu ae akea tokina. A taetae iaon namakinan te rau are a karekea ibukina bwa a ataia bwa a na manga noora natiia.
Te Mataniwi n te Moronai High School, Banririe Nenebati, e taetae naba nakoia ake a roko, n anga ana taeka n rainanoanga.
N taetae iaon te kangaanga, Unimwaane O. Vincent Haleck, Beretitenti n te Betebeke e taku, “Ti rootaki n te nanokawaki n rongorongon te Kabuanibwai aei. Ara iango ao ara tataro a raoni ngkami kain Kiribati inanon te tai n rawawata ao tataro bwa ana kakabwaia te Uea ni karaunano ao te rau e na tiku iaoia utu ao raoraoia naake a bua maiuia.”