Tibu Aika Raoiroi
E maeka te tia korokaraki i Utah, USA
Andrew e aki rang koaua ni Kairakiia Kaaro nakon Ana Bong te Reirei.
“Iai au utu ikai i aon te aba. A bon rang n tamaroa nakoiu” (Children’s Songbook, 188).
“Andrew! E a roko te bwati!” Nana e wewete.
Andrew e biri n otinako man te mataroa. E katea baina ni kabo nakon Nana, Papa, ao mwanena ae uarereke, Amy. Amy e rang uarereke n tuai n tau n te reirei, ngaia are e tiku n te mweenga ma Nana ao Papa.
Andrew e tatangira te reirei. E tatangiria n takakaro ma raraona n tain te motirawa. E tatangira ana tia reirei, Ms. Kimball.
Imwiin te motirawa n te moaningabong, Ms. Kimball e taku, “Te wiiki ae e na roko ao tina karekea te Bong ni Kairiia-Kaaro-Nakon te Reirei. Ngkana a roko ami karo, kakoaua raoi bwa a uota te bwai teuana man aia mwakuri bwa a na kaotia nakoira. Ti rang kukurei n ongora irouia!”
Moamoan Andrew e rikirake n ura. Akea te bwai ae e kona n taekinna ibukiia ana karo. Akea te bwai ae e uringnga iroun tinana. E nako man ngke e uarereke. Ao Andrew e aki naba kina tamana.
Andrew e ongora irouia ataei ake tabeman ngke a taekina tinaia ao tamaia. Tinan Tony bon te tia tiriai, ao taman Jessica e mwakuri n aia tabo maan. Ni kabane a kantaningaia bwa tamana e na uota te mongkii ke te tiraote nakon te kiraati.!
“Tera ae riki irouia am karo?” Tony e titirakina Andrew.
Andrew e tarai waena. E kakuia angana. “I maeka ma tibuu.”
Andrew e tangiriia Nana ao Papa, ma aki kakaongora aia mwakuri. Nana e kabonakoi burangketi ao kunnikai n ataei. Papa e kabuta te kaa n amwarake. Andrew e aki koaua raoi ibukin Kairaia Kaaro nakon aia Bong Kaaro n te Reirei.
Te tairiki anne Andrew e wareka te moan mwakoro n ana boki Moomon: “Ngai, Nibwaai, I a tia ni bungiaki irouia kaaro aika a tamaroa …” (1 Nibwaai 1:1).
“I aki maeka ma au karo,” e iango Andrew. “I tii maeka ma Nana ao Papa.”
Imwiin anne, Amy e rinnako inanon ana ruu Andrew, e nanoaea te burangketi ae buraerae. E taua i eta bwa e na nooria Andrew. “Nana e karaoia!”
“Eang, Nana e karaoa te burangketi anne ibukim.” Andrew e moangare teutana.
E iangoi bwaai ni kabane aika raraoi ake e karaoi ibukina Nana—karaoa te kaingabong imwain nakona n reirei, buokia n ana bwai n reirei, takakaro ma ngaia ao Amy. Nana kaanga bon aekakin raoi tinau.
Ngkanne e iango Andrew ibukin Papa. Papa wareki taian karaki nakon Andrew ni katoa tairiki. E ibuobuoki naba n ana bwai n reirei. E reireina naba Andrew arona ni kabuti bwatika. Papa bon aekakin raoi tamaru.
E a moann riki ni bubura moanganren Andrew. E rang kakaitau ibukin Nana ao Papa. E bon raraoma naba ni kairiia tibuna nakon te reirei. Ma tao e na bon nakoraoi. “ITao N na bae n akea au karo aika raoiroi,” e iango, “ma iai tibu aika tamaroa, ao anne te bwai ae e onoti.”
Ni Bongin-Kairaia Kaaro-nakon te Reirei, Andrew e tekateka ma Papa ibuki n te kiraati ao a ongora iroia aia karo ataei ake tabeman. Tinan Tony e uoti ana kaboraoi bwai n tiriai. E anganiia ni kabane bwa a na kataua nangoan atuna. Taman Jessica e uota te on man te tabo ni man ae te zoo.
“Am tai, Andrew,” e taku Ms. Kimball.
Andrew e rianna n nako mooa ma Papa. E kabubura ikena n ikerake ao e taku, “Au Papa e kabuta te kaa ae bubura n ninikiri amwarake. E kakaitibo ma aomata aika rawata, ao e mwakuri korakora.”
Andrew e tararake ao e noora Papa ni moangare. Imwiina Papa e taekina aron kabutan ana kaa. E anganiia naba ni kabane kakukureiaia man ana mwakuri! Ataei n ana kiraati a titirakina Papa titiraki aika a mwaiti ibukin ana mwakuri.
Andrew e kukkurei ngkai e airi ma Papa. Ngaia ao Papa ao Nana ao Amy bon te utu—ao bon te utu ae tamaroa.