“Ritembwa 26–Tianuare 1. Bon Tabera Ara Kamatebwai,” Nakomai, Iriirai—Ibukin te Moanrinan: Nu Tetemanti 2023 (2022)
“Ritembwa 26–Tianuare 1. Bon Tabera Ara Kamatebwai,” Nakomai, Iriirai—Ibukin te Moanrinan: 2023
Ritembwa 26–Tianuare 1
Bon Tabera Ara Kamatebwai
Ngkae ko wareki kibu n te kanoa n reirei aei, korei am namakin ake ko karekei. Kam na noria bwa kanoa n reirei ni kabane n te boki aei iai i nanon mwakuri ni kakukurei i bukia ataei aika uarereke, ma ko kona ni kangaraoia i bukia am ataei.
Kaunga te Tibwatibwa
Ni moan taian kiraati, anga te tai nakoia ataei bwa a na tibwaua te bwai ae a reiakinna n te euangkerio. N aron aei, n te wiki aei ko kona ni kaoia bwa a na tibwaua karakinan Iesu Kristo ae maten nanoia.
Reirei te Reirei: Ataei aika a Uarereke Riki
E tangirai Iesu Kristo bwa N na Iriria.
N te ririki aei, ngkoe ma am ataei kam na wareki karaki aika bati ake bon rongorongon Iesu Kristo. Buokiia ataei bwa a na mataata bwa oini bukin reiakinan karaki aikai bwa ti aonga ni katamaroa arora n ira ana katooto Iesu Kristo.
Waaki ni Kakukurei aika a Kona ni Karaoaki
-
Tuangiia ataei ana kakao te Tia Kamaiu ae kangai, “Iriirai,” are koreaki ni Mataio 4:18–22. Karaoa te mwakuri ni kauring ike temanna te ataei e katea ana kai ao n taekina ae kangai nakoia ataei, “Iriirai.” Tuangiia ataei bwa a na katotoonga te kai are kateaki.
-
Kaota tamneia ataei aika a iriira te Tia Kamaiu n aanga aika kakaokoro, n ana tai ni maiu iaon te aba ao n taai aikai. Ko kona ni karekei tamnei man Boki n Tamnei n te Euangkerio ke n te Maekatiin n te Ekaretia. Ko kona naba ni kaota te tamnei ae “Light the World” (ChurchofJesusChrist.org). Tuangiia ataei bwa a na katebenakoa aroia aomata n iriira te Tia Kamaiu.
-
Buokiia ataei ni iangoi bwaai aika a karaoi ngkai n iriira te Tia Kamaiu. Anenea “Seek the Lord Early” (Aia Boki n Anene Ataei, 108) e kona n anganiia tabeua iango. Anganiia bwa a na korei oin tamneia ngkae a iriira te Tia Kamaiu.
Ataei a kona n karekea oin aia koaua man koaua ni booki aika tabu.
A koaua koroboki aika a tabu.
Ataei a kona ni karekei aia koaua bwa booki aika tabu a bon koaua imwain ae a rabakau n wareki. Ngkae ko kamatebwaii booki aika tabu ma ataei n te ririki aio, ko kona ni buokiia bwa ana ataia ae booki aika tabu a bon koaua.
Waaki ni Kakukurei aika a Kona ni Karaoaki
-
Tuangiia ataei bwa a na taekina aia bwaintangira aika a tatangiri ae a tia ni karekea inanon aia rekenibong ke taian bobotaki. Uota am bwaintangira te booki ae tabu, angan te ataei e na kaukia ao ni kakoaua ae te booki ae tabu bon te bwaintangira nakoira mai iroun Tamara are Ikarawa.
-
Kaoti tabeua booki nakoia ataei ae kanoana karaki n iango ao tuangia bwa tera karaki ae mamaten nanoia. Kaoti booki aika tabu nakoia ao man kakoauai booki aika tabu bwa kanoana bon ana taeka te Atua ibukira. A tuangia aomata ake a maiu bwai aika riki.
-
Tibwauaa te rongorongo are kuneaki n 2 Timoteo 3:15 ao Moronaai 10:3–5, buokiia ataei n kaokiokii taeka tabeua. Buokiia kaotaia bwa aonga n atai booki aika tabu a bon koaua ibukia.
-
Karaba tamnei te tia kamaiu, ao angania ataei kanikina bwa e na buokiia n kakaea. Buokiia kaotaia bwa aonga n atai booki aika tabu a bon koaua ibukia. Anganiia ataei bwa a na ikaruoruo n taua te tamnei ao ni kairiiria ataei ake tabeman.
-
Anenea teuana te kuna ibukin reiakinan te euangkerio, n aron “Search, Ponder, and Pray” (Aia Boki n Anene Ataei, 109), ao buokiia ataei n mwakuria taian taeka. Tibwatibwa ma ataei teuana kee uoua mai ibuakon mamaten nanom man booki aika tabu, ao tuangia bwa ko kanga n ataia bwa booki aika tabu a bon koaua. Ngkana te ataei iai mamaten nanona man booki aika tabu kee karaki man booki aika tabu, kaoia bwa ana tibwaia.
Reirei te Reirei: Ataei aika a Ikawai Riki
E tangirai Iesu Kristo bwa nna reiakina ao man iriria.
Iangoia bwa kona kanga ni bon kina Iesu Kristo. Kaoa te ataei bwa e na maroro ma raoraona ae e rang kinaa ao n kabwarabwara bwa e kanga te aomata anne n riki bwa raoraona?
Waaki ni Kakukurei aika a Kona ni Karaoaki
-
Kaoa te ataei bwa e na maroro ma raoraona ae e rang kinaa ao n kabwarabwara bwa e kanga te aomata anne n riki bwa raoraona. Wareware ao kabwarabwara John 5:39 and John 14:15 ni kakai kawai ae tina kona namakina man kaan nakon Iesu. Tuangia ataei bwa a na tibwai taai are a tia n raraoma iai.
-
Karaoa te rianna inanon ami tabo n bowi ma koraki ake ko reireinia. Kaoa te ataei bwa e na katea baina ngkana e kona n nori bwai iaon kawaina ae e kauringia iai te kawai ae ana irira iai te tia kamaiu (n aron are e oti n te tamnei).
-
Anene ma ataei te kuna iaon irirakin Iesu Kristo, n aron “Come, Follow Me” (Anene n Taromauri, nambwa. 116). Kaoia ataei bwa a na tibwauai aia tai ngke a tia n namakina ana kairoro te Tamnei ae Raoiroi.
I kona n kamatebwai taian booki aika tabu ni bon ibukiu.
Ngkai ko bon wareki booki aika tabu ma ataei ao tuangia titiraki, ko kona n karikirakeia ae a kona n reirei man booki aika tabu ao man kunei kaubwai n te rabakau.
Waaki ni Kakukurei aika a Kona ni Karaoaki
-
Wareware n kabane John 5:39 ao Acts 17:10–11, ao tuangia ataei tera a reiakina bwa ana kanga n kamatebwai booki aika tabu.
-
Rinei tabeua kibu aika a kimototo man korakora man te Nu Tetemanti, korei iaon taian mwakorokoro n bebwa, ao karaba te bebwa. Karaoa te kanikina ae ana kona n iriria ataei iaon “kakaean kaubwai” inanon taian umwanreirei kee ana kateitei te aro ni kakaeai booki aika tabu. Imwin kuneakin booki aika tabu teuana miin teuana, kabwarabwara tera nanon booki aika tabu ao bukin tera bon te kaubwai.
-
Tibwauai tabeua kibu aika kaubwaim ao kabwarabwara bukin tera a nang nano nakoim. Ni kabane, kawakini ara bwai aika kaubwaira man booki aika tabu ae ataei a kona ni kunei inanon te Nu Tetamanti n te ririki aio –inanon mwengara kee aia reirei ataei.
-
Karekea te kabwarabwara ma ataei ibukin tera n tabetai e nang kanganga warekan booki aika tabu. Tuangia ataei bwa ana tibwaua aia ibuobuoki imarenaia ibukin kamatebwaian booki aika tabu. Tuangia bwa ana tibwauai naba kaunganano man karakinan maiuia are a karekei man booki aika tabu.
-
Buokiia ataei karaoan karenta n bong aika bebete karaoaia bwa ana kabonganai man kanikinai tokiia kee mwaitira tain warekan booki tabu. Karenta ni bong aikai ana kauringia ibukin wareken booki tabu ni katoa bong.
I kainnanoa ae bon au koaua.
Te ataei ae ko reireina e kainanoa bon reken ana koaua I bon irouna ibukin Tamana are Ikarawa ma Iesu Kristo. Tera ae ko kona n karaoia bwa ana kaungaia man reiakini koaua i bon ibukia?
Waaki ni Kakukurei aika a Kona ni Karaoaki
-
Tibwaua te karaki iaoia kibono ake tengaun (noora Mataio 25:1–13; noora naba “Mwakoro 47: Kibono ake Tengaun,” n Karaki man te Nu Tetemanti, 118–20, ke tamnei n ana witeo n ChurchofJesusChrist.org). Tuangia ataei te titiraki aekakin: E kanga ara koaua ae kabotauaki n ai aron te otaa? Bukin tera e kakawaki bwa e na bon reke oin ara koaua?
-
Kabwarabwara bwa tera ti kona n karaoi bwa e na kamatoatoai ara koaua. Ibukin iango, kaoia ataei bwa ana ukeuke n Ioane 7:17 ao Moronaai 10:3–5. Kaoiia bwa a na tibwai bwaai ake a reiakin.
-
Tuangia ataei bwa ana buokiko n kanikinaai bwaai n takakaro ma te koaua are e tei iai ara koaua (noora Gospel Topics, “Testimony,” topics.ChurchofJesusChrist.org). Angania ataei bwa ana kabongana bwai n takakaro man katea te kateitei ae tei ibukin ara koaua.
Kaungaa te Kamatebwai n te Mweenga
Ko na kanga ni kaungaiia ataei ao aia utu n reitinako ni kamatebwai man te O Tetemanti ni mwengaia? Te katoto, ko kona n kaoia ataei bwa ana kamatea teuana mai ibuakon kanoan booki aika tabu ao man kabwarabwara inanon te reirei (e na kona n ibuobuoki n kakimototoi taeka man booki aika tabu) ao tibwauai kibu ma aia utu.
Kanakoraoan Ara Anga reirei
Karaoi waaki ni kakukurei ni kaboraoia ma aia ririki ataei ake ko reireiniia. Ataei ake a uarereke a kainnanoi kabwarabwara aika bwarabwara raoi ao a reiakinii ni kawai aika a beebete. Ngkai a ikawai, a kona n anga riki ae mwaiti ao n tamaroa riki n tibwakin aia iango. Anga te tai bwa ana tibwatibwa, anga aia koaua ao man iraa te waki. Anga te ibuobuoki ngkana e kainanoaki. (Tara Reirei n ana Kawai te Tia Kamaiu, 25–26.)